IRhubo
Ingoma. Irhubo lamadodana kaKhorarhi. Kumnqophisi; lizokuvunywa ngendlela kaMarhalathi,* kufuze livunywe ngokudlhegana. IMaskili* kaHemani umZerarhi.
5 Otjhiywe hlangana nabahlongakeleko
Njengababuleweko abalele ethuneni,
Ongasabakhumbuli
Abangasalifumani itjhejo lakho.
6 Ungifake emgodini otjhinga kinayo yoke,
Eendaweni ezimnyama, emgodini omkhulu onganamkhawulo.
7 Ilaka lakho liyangidisibeza,+
Ungimadlha ngamagagasakho anamandla. (Sela)
8 Abantu engibajayeleko ubaqothele kude nami;+
Ungenze into enyenyisako kibo.
Ngivalelekile begodu angikghoni ukuphuma.
9 Ilihlo lami lidiniwe ngebanga lokuhlunguphazeka kwami.+
Maye! Jehova, ngibiza wena ilanga loke;+
Ngiphakamisela izandla zami kuwe.
10 Uzokwenzela abahlongakeleko iimangaliso na?
Abahlongakeleko bangavuka bakudumise na?+ (Sela)
11 Kghani ithando lakho lizokumenyezelwa ethuneni,
Nokuthembeka kwakho kumenyezelwe endaweni yokubhujiswa?*
12 Iimangaliso zakho zizokwaziwa ebumnyameni na
Namkha ukulunga kwakho enarheni yabakhohliweko?+
14 Maye! Jehova, kubayini ungala?+
Kubayini ungifihlela ubuso bakho?+
15 Kusukela ebutjheni bami,
Bengisolo ngihlunguphazekile begodu ngilungele ukubhubha;+
Izinto ezimbi ozivumele bona zenzeke kimi zingiqede amandla.
16 Ilaka lakho elivuthako lingiqeda amandla;+
Ukusaba ongibangela khona kuyangibhubhisa.
17 Kungibhode njengamanzi ilanga loke;
Kungiragelela mahlangothi woke.*
18 Abangani bami nabomakhelwana bami ubaqothele kude nami;+
Ubumnyama sebumnganami.