IRhubo
106 Dumisani uJah!*
2 Ngubani ongabikezela ngokuzeleko izenzo zakaJehova ezinamandla
Namkha amemezele zoke izenzo zakhe ezifanele ukudunyiswa?+
3 Bayathaba abenza ngobulungiswa,
Abahlala benza izinto ezilungileko.+
4 Maye! Jehova, ngikhumbula nawuba nomusa ebantwini bakho.+
Ngitlhogomela, ungisindise,
5 Bona ngithabele ukulunga oba nakho ebantwini bakho abakhethiweko,+
Bona ngithabe nesitjhaba sakho,
Nokobana ngikudumise ngokuzikhakhazisa nalabo abalilifa lakho.
7 Abokhokho bethu eGibhide akhenge bathokoze imisebenzakho emangalisako.
Akhenge bakhumbule ithando lakho elikhulu elithembekileko,
Kodwana bahlubuka elwandle, eLwandle eliBomvu.+
9 Wakhalima iLwandle eliBomvu, loma;
Wabakhambisa ekuzikeni kwalo ngasuthi ubakhambisa erhalawumbeni;+
10 Wabasindisa esandleni saloyo obahloyileko+
Wabahlenga nesandleni senaba.+
11 Amanzi agubuzesa amanababo;
Akukho namunye owasindako.+
13 Kodwana bakulibala msinya akwenzileko;+
Akhenge balinde iseluleko sakhe.
15 Wabanikela abakubawako,
Kodwana wababetha ngobulwele obubenza baphelelwe mamandla begodu bahlongakale.+
17 Iphasi lavuleka laginya uDatani
Lagubuzesa nesiqhema saka-Abiramu.+
18 Kwavela umlilo hlangana nesiqhema sabo;
Ilangabi larhiribidela abakhohlakeleko.+
19 Benza isithombe sekonyana sesimbi eRhorebe,
Basikhothamela;+
20 Bathoma ukulotjha umfanekiso wekunzi edla utjani
Kunokobana banikele mina iphazimulo engifaneleko.+
21 Balibala uZimu+ uMsindisabo,
Owenza izinto ezikulu eGibhide,+
22 Imisebenzi emangalisako enarheni yeRhamu,+
Izinto ezibabazekako eLwandle eliBomvu.+
23 Besele alungele ukukhupha umyalo wokubabhubhisa,
Kodwana uMosi okhethiweko wakhe wabancengela kuye
Bona avimbele ilaka lakhe elitjhabalalisako.+
26 Yeke waphakamisa isandla sakhe wafunga malungana nabo
Bona uzobabulala emmangweni;+
27 Uzokwenza iinzukulwana zabo ziwele ezandleni zeentjhaba,
Uzozirhatjha eenarheni zoke.+
30 Kuthe uFiniyasi nakasikima angenelela,
Isibetho saphela.+
31 Yeke waqalwa njengolungileko
Kizo zoke iinzukulwana ngokungapheliko.+
33 Basilinga ummoyakhe,
Begodu uMosi wakhuluma kumbi.+
37 Bebenzela amadimoni imihlatjelo ngamadodanabo
Namadodakazabo.+
38 Bebasolo baphalaza iingazi ezinganamlandu,+
Iingazi zamadodanabo namadodakazabo
Abenza ngabo umhlatjelo eenthombeni zeKanana;+
Begodu inarha bayisilaphaza ngokuphalaza iingazi.
40 Nje-ke ilaka lakaJehova labhoka malungana nabantu bakhe,
Wathoma nokunyenya labo abalilifa lakhe.
42 Bagandelelwa manababo,
Babangaphasi kwamandlawo.
43 Wawahlangula iinkhathi ezinengi,+
Kodwana bebahlubuka begodu bangalaleli,+
Yeke bebahlaziswa ngebanga lomtjhaphwabo.+
45 Bekakhumbula isivumelwano sakhe ngebanga labo,
Begodu bekabarhawukela, adoswa lithando lakhe elikhulu elithembekileko.+
46 Bekenza boke ababathumbileko
Bona babarhawukele.+
47 Maye! Jehova Zimethu, sisindisa,+
Usibuthelele hlangana neentjhaba+
Bona sithokoze igama lakho elicwengileko
Sikudumise ngethabo.+
48 Kwanga uJehova uZimu
ka-Israyeli angadunyiswa+
Ngokungapheliko.
Begodu boke abantu abathi, “Amen!”
Dumisani uJah!*