147 Dumisani uJah!
Kuhle ukubhinela uZimethu iindumiso;
Qala bona kuthabisa kangangani begodu kufaneleka kangangani ukumdumisa!+
2 UJehova wakha iJerusalema;+
Ubuthelela ndawonye abahlakazekileko bakwa-Israyeli.+
3 Ulapha abaneenhliziyo eziphukileko;
Ubabopha amanceba.
4 Ubala inani leenkwekwezi;
Uzibiza zoke ngamagama.+
5 IKosethu yikulu, inamandla khulu;+
Ukuzwisisa kwayo akunasilinganiso.+
6 UJehova uphakamisa abathobekileko,+
Kodwana abakhohlakeleko ubaphosa phasi.
7 Bhinelani uJehova iingoma zokuthokoza;
Bhinelani uZimethu iindumiso ezikhambisana neharibha,
8 Loyo ogubuzesa izulu ngamafu,
Loyo onisa izulu ephasini,+
Loyo owenza utjani buhlume+ eentabeni.
9 Upha iinlwana ukudla,+
Amagubulu amancani abawa ukudla.+
10 Akathatjiswa mamandla wenjomani;+
Begodu akakarwa milenze yomuntu enamandla.+
11 UJehova uthatjiswa ngilabo abamsabako,+
Labo abalindele ithando lakhe elithembekileko.+
12 Maye! Jerusalema, phazimulisa uJehova.
Maye! Ziyoni, dumisa uZimakho.
13 Wenza iinsimbi zamasango wedorobhakho ziqine;
Ubusisa amadodanakho.
14 Uletha ukuthula esifundeni sakho;+
Ukwanelisa ngekoroyi yezinga eliphezulu.+
15 Uthumela umyalwakhe ephasini;
Ilizwi lakhe ligijima msinya.
16 Uthumela igabhogo njengoboya;+
Urhatjha umbethe njengomlotha.+
17 Wehlisa isinanja sakhe njengeentshutshuru zoburotho.+
Ngubani ongajamelana namakhazakhe?+
18 Uthumela ilizwi lakhe, zincibilike.
Uvuthela umoyakhe,+ amanzi ageleze.
19 Umemezela ilizwi lakhe kuJakopo,
Iinqophiso zakhe nezahlulelo zakhe ku-Israyeli.+
20 Akhenge enze njalo kwezinye iintjhaba;+
Azazi litho ngezahlulelo zakhe.
Dumisani uJah!+