IRhubo

Kumnqophisi. Ingoma kaDavida.

20 Kwanga uJehova angakuphendula ngelanga lokugandeleleka.

Kwanga igama lakaZimu kaJakopo lingakuvikela.+

2 Kwanga angakuthumela isizo asendaweni ecwengileko+

Akusekele aseZiyoni.+

3 Kwanga angakhumbula yoke iminikelwakho yesipho;

Kwanga angawamukela ngomusa* umnikelwakho otjhiswako. (Sela)

4 Kwanga angakupha okufiswa yihliziywakho+

Aphumelelise koke ohlela ukukwenza.

5 Sizokurhuwelela ngethabo ngebanga lesindiswakho;+

Sizokuphakamisa amatshwaywethu wokuhlula egameni lakaZimethu.+

Kwanga uJehova angakwenzela koke ombawa khona.

6 Nje ngiyazi bona uJehova uyamsindisa ozesiwekwakhe.+

Uyamphendula asendawenakhe ecwengileko ezulwini

Ngesindiso ekulu evela* esandleni sakhe sokudla.+

7 Abanye bathemba iinkarana, abanye bathemba iinjomani,+

Kodwana thina sibiza igama lakaJehova uZimethu.+

8 Bakhutjiwe baduleka phasi,

Kodwana thina sisikimile, savuselelwa.+

9 Maye! Jehova, sindisa ikosi!+

UZimu uzosiphendula* ngelanga esiyokubawa ngalo isizo.+