7. (a) UHana wafunga ngani begodu zamkhambela njani izinto? (b) Isifungo sakaHana besitjho ukuthini ngoSamyela? (Qala umtlolo waphasi.)

⁷ UHana ngomunye owathembeka waphilela isifungo asenze kuJehova. Wenza isifungwesi angaphasi kwegandeleleko elibuhlungu, ayinyumba ngapha akghodlhelelela ukutlitlithekwa okunyenyisako. (1 Sam. 1:4-7, 10, 16) Walilela uZimu ngobuhlungu bakhe wabe wafunga ngokuthi: “[“Jehova, NW”] Mninimandlawoke! Nange nangambala ungaqala ukutshwenyeka kwencekukazakho godu ukhumbule ungakhohlwa incekukazakho bese upha incekukazakho umntwana womsana, ngizambuyisela [“kuJehova, NW”] ipilwakhe yoke notjhefana angathinti ehlokwakhe.”a (1 Sam. 1:11) Isibawo sakaHana samukeleka wabeletha izibulo lakhe lendodana. Wakwakwazela uHana! Khonapho akhenge asilibale isifungo asenza kuZimu. Nakabeletha umsanyanakhe wathi: “Ngimbawe [“kuJehova, NW”].”—1 Sam. 1:20.