Isiporofido 4. Ukutlhogeka Kwethando Lemvelo

“Abantu . . . bazokutlhoga ithando ngemindeni yabo.”—2 THIMOTHI 3:1-3, God’s Word Bible

● UChris usebenzela isiqhema esirhelebha abongazimbi benturhu yangekhaya eNorth Wales. Uthi, “Ngikhumbula omunye umma oweza abethwe kabuhlungu ngendlela yokobana gade ngingasakwazi ukubona bonyana ngubani. Abanye abafazi balimele ngokwamazizo kangangobana angekhe bakwazi ukukuqala ngemehlweni.”

NGIKUPHI OKUTJENGISWA MAQINISO? Kenye inarha yange-Afrika, kulinganiselwa bona umfazi oyedwa kwabathathu utlhoriswe ngokomseme asesemncani. Ukuhlolwa okwenziwe enarheni efanako kutjengise bona amadoda angaphezu kwengcenye eyodwa kweentathu anamazizo wokobana kulungile ukubetha abafazi babo. Nokho, akusibafazi kwaphela ababongazimbi bokutlhoriswa kwangekhaya. Ngokwesibonelo, eCanada, pheze amadoda amathathu kwalitjhumi akhabetjhwa namtjhana atlhoriswa balingani bawo.

NGIKUPHI UKUPHIKISA OKUJAYELEKILEKO? Inturhu yangekhaya beyisolo ikhona. Sekukobana itjhejwa khulu namhlanjesi kunangaphambili.

UKUPHIKISOKHO KULIQINISO? Ukulemukiswa ngenturhu yangekhaya kukhuphukile ematjhumini weemnyaka wamva nje. Ukulemukiswa okukhulokhu komraro lo kulehlisile inani lezehlakalo zenturhu yekhaya? Awa, akukalehlisi. Ukutlhogeka kwethando lemvelo kurhagele khulu.

UCABANGANI? Yesi-2 Thimothi 3:1-3 iyazaliseka? Abanengi abanalo na ithando ngeemndenabo okufuze ngathana liba khona ngokwemvelo?

[Umkhangiso osekhasini 7]

“Inturhu yangekhaya ingobunye bobulelesi obungabikwa khulu emphakathini. Ngokwesilinganiso umfazi uzokuhlaselwa mlinganakhe iinkhathi ezima-35 ngaphambi kobana athinte amapholisa.”—UMKHULUMELI WE-WALES DOMESTIC ABUSE HELPLINE.