Ilungelo Lethu Lokwakha Nelokutlhogomela Iindawo Esilotjhela Kizo UZimu Ngeqiniso

Bekumsebenzi omkhulu ukwakha ithempeli kwa-Israyeli neendleko ezinengi. Nanyana kunjalo, ama-Israyeli awusekela ngetjiseko umsebenzi lo. (1Kr 29:2-9; 2Kr 6:7, 8) Ngemva kobana ithempeli liphelile, indlela ama-Israyeli ebekalitlhogomela ngayo beyiveza bona anetjhebiswano enjani noZimu. (2Kh 22:3-6; 2Kr 28:24; 29:3) Namhlanjesi, amaKrestu alinga ukusebenzisa isikhathi sawo esinengi ekwakhiweni, ekuhlwengiseni, nekutlhogomeleni amaWolo womBuso newemiHlangano. Yeke, ukusebenzisana noJehova ngendlela le kulilungelo elikhulu begodu kumsebenzethu ocwengileko esiwenzela uZimu.​—Rhu 127:1; sAm 7:15.

SINGAFAKA ISANDLA . . . 

• 

  Ngokudobha yoke into etlhoga ukulahlwa ngemva komhlangano. Yenza koke ongakwenza bona utjhiye indawo ebewuhlezi kiyo ihlwengekile.

• 

  Ngokuba khona nakuhlanzwa iWolo lomBuso nalokha nalilungiswako. Izandla ezinengi zenza umsebenzi ube bulula bewuthabise.—lv 92-93 ¶18.

• 

  Ngokunikela. Nanyana umnikelo ‘uziimpaparwana ezimbili ezincani zekoporo ebezilingana nendibilitjhi,’ nawusuka ehliziyweni uyamthabisa uJehova.—Mar 12:41-44.

• 

  Nakukghonakalako singavolonthiya ekwakhiweni nekuvuseleleni imakhiwo esilotjhela kiyo uZimu. Akutlhogeki ukuthi ube nekghono lokwakha.