INgcenye 5

UKukhulamungu Omkhulu​—⁠Bobani Abalalela UZimu? Bobani Abangakhenge Bamlalele?

U-Adamu no-Efa baba nabantwana, nabantu baba banengi ephasini. Ngokukhamba kwesikhathi, ezinye iingilozi zazibandakanya noSathana ekuhlubukeni.

Zeza ephasini zambatha iimzimba yabantu bona zikghone ukutjhada nabafazi babantu. Abafazabo babeletha iinkakaramba zamadodana anenturhu nanamandla.

Iphasi lazala abantu abenza izinto ezimbi. IBhayibhili ithi: “Ubumbi bomuntu barhatjheka ephasini nayo yoke imicabango yehliziywakhe beyitjhigamele ekwenzeni okumbi ngaso soke isikhathi.”

Abanengi ngesikhathi sakaNuwa benza izinto ezimbi. Genesisi 6:5

UNuwa bekayindoda elungileko. UJehova watjela uNuwa bona Uzokubhubhisa abantu abambi ngokukhulamungu omkhulu.

UZimu godu watjela uNuwa bona akhe isikepe esikhulu, esibizwa ngokobana mkhumbi, angenise umndenakhe nayo yoke iimhlobo yeenlwana.

UNuwa wayelelisa abantu ngoKukhulamungu ozako, kodwana akhenge balalele. Abanye bamhleka; abanye bamhloya.

Umkhumbi nawuphelako, uNuwa wangenisa iinlwana.

UNuwa wamlalela uZimu wakha umkhumbi. Genesisi 6:​13, 14, 18, 19, 22