IBHOKSI LOKUFUNDISA 21A
“Umnikelo Enizowubekela Ngeqadi”
Akhe silandele uHezekiyeli njengombana aqala ingcenye yenarha uJehova ayikhethileko. Ihlanganisa iindawo ezihlanu. Ngiziphi iindawezo? Bewuyini umsebenzazo?
“Umnikelo”
Ziindawo ezisetjenziswa ngurhulumende begodu zibizwa ngokuthi “iindawo zokunqophisa.”
“Umnikelo Opheleleko”
Ikhethelwe abaphristi, amaLevi nedorobho. Boke abantu eenkorweni ezili-12 bangena engcenyeni yendawo le bona balotjhe uJehova nokusekela amalungiselelo wokunqophisa.
“Indawo Yekosana”
“Inarha le izokuba sisabelo kwa-Israyeli.” “Izokuba ngeyekosana.”
“Umnikelo Ocwengileko”
Indawo le ibuye ihlathululwe ngokuthi “yingcenye ecwengileko yenarha.” Ingcenye ephezulu ‘ngeyamaLevi.’ ‘Yinto ecwengileko.’ Ingcenye ephakathi “mnikelo ocwengileko wabaphristi.” “Yindawo yezindlu zabo nendawo ecwengileko yendawo ecwengileko,” namkha ithempeli.
“Indawo Eseleko”
“Yoke izokuba ngeyendlu yakwa-Israyeli” begodu “izokusetjenziswa nanyana ngubani edorobheni, bona kube yindawo yokuhlala namadlelo.”