Ukuhlunguphazwa
Kubayini amaKrestu kufuze alindele ukuhlunguphazwa?
Kubayini kufuze sibawe uJehova asiqinise nasihlunguphazwako?
IR 55:22; 2Ko 12:9, 10; 2Tm 4:16-18; Heb 13:6
Iimbonelo eziseBhayibhelini ezingasisiza:
1Kh 19:1-18—Umphorofidi u-Eliya nakahlunguphazwako wathululela ihliziywakhe kuJehova, wakhuthazeka begodu waduduzeka
IzE 7:9-15—UJosefa uhlunguphazwa bafowabo kodwana uJehova uthembekile kuye, uyamsindisa begodu uyamsebenzisa bona asindise umndenakhe
Ngiziphi ezinye iindlela zokuhlunguphazwa?
Ukuhlunguphazwa ngamezwi ahlabako
2Kr 36:16; Mat 5:11; IzE 19:9; 1Pt 4:4
Iimbonelo eziseBhayibhelini ezingasisiza:
2Kh 18:17-35—URabitjhaki, umkhulumeli wekosi ye-Asiriya uthuka uJehova begodu uhlekisa ngabantu beJerusalema
Luk 22:63-65; 23:35-37—Abahlunguphazi bakaJesu bamthuka bebahlekisa ngaye nakalenga esigodweni sokuhlunguphazwa
Ukuhlunguphazwa ziinhlobo
Ukubotjhwa nokulethwa phambi kweemphathimandla
Ukuhlunguphazwa ngokuzwiswa ubuhlungu emzimbeni
Ukuhlunguphazwa siqubuthu
Ukubulawa
Khuyini amaKrestu ekufuze ayenze nakahlunguphazwako?
Mat 5:44; IzE 16:25; 1Ko 4:12, 13; 1Pt 2:23
Iimbonelo eziseBhayibhelini ezingasisiza:
IzE 7:57–8:1—UStefani bekazokuhlongakala ngebanga lokuhlunguphazwa siqubuthu. Nanyana kunjalo, wabawa uZimu ukuthi amsize abe nomusa ebantwini abamhlunguphazako, okuhlanganisa uSawula weTarsusi
IzE 16:22-34—Nanyana uPowula abetjhwa bewafakwa nestoksini, waba nomusa kunogada wejele, lokho kwenza indoda le nomndenayo woke bakholwa
Kwenzekani kwamanye amaKrestu wekhulu lokuthoma?
Kufuze sizizwe njani nasihlunguphazwako?
Ithemba esinalo ngengomuso lisiqinisa njani nasihlunguphazwako?
Kubayini kungakafuzi sivumele ukuhlunguphazwa kusenze sizizwe sineenhloni, sisaba namkha siphelelwe lithemba begodu kubayini singavumi kusilisise ukulotjha uJehova?
IR 56:1-4; IzE 4:18-20; 2Tm 1:8, 12
Iimbonelo eziseBhayibhelini ezingasisiza:
2Kr 32:1-22—Ngesikhathi iKosi uSanirheribu iletha ibutho elikhulu bona lisahlele iJerusalema, iKosi ethembekileko uHezekiya yathembela kuJehova yaqinisa abantu begodu yavuzwa ngalokho
Heb 12:1-3—Abahlunguphazi balinga ukwenza uJesu azizwe aneenhloni kodwana akhenge avumele ukuhlunguphazwokho kumqede amandla
Ngiziphi izinto ezihle esingazifumana ngebanga lokuhlunguphazwa?
Ukukghodlhelela kwethu nasihlunguphazwako kuthabisa uJehova bekucwengise igama lakhe
Iimbonelo eziseBhayibhelini ezingasisiza:
Job 1:6-22; 2:1-10—Nanyana angazi bona nguSathana obangela iintjhijilo aqalene nazo, uJobho akavumi ukufulathela uJehova, ngokwenza njalo uyamdumisa enze kwaziwe bona uSathana mleyimala
Dan 1:6, 7; 3:8-30—URhananiya, uMitjhayeli no-Azariya (uTjhedreke, uMitjhaka no-Abhedinigo) abathembekileko bazimisele ukuqalana nokufa kabuhlungu kunokuthi bangalaleli uJehova; umphumela walokho kwaba kukuthi iKosi engamlotjhiko uJehova uNebukadinetsari yadumisa uJehova phambi kwabantu
Ngebanga lokuhlunguphazwa, abanye abantu bangafunda ngoJehova
Iimbonelo eziseBhayibhelini ezingasisiza:
IzE 11:19-21—AmaKrestu arhatjhekako ngebanga lokuhlunguphazwa aragela phambili arhatjha iindaba ezimnandi kude neduze
Flp 1:12, 13—Kwamthabisa umpostoli uPowula ukwazi ukuthi ukubotjhwa kwakhe kwathuthukisa iindaba ezimnandi
Ukukghodlhelela kwethu nasihlunguphazwako kungaqinisa amanye amaKrestu
Ngiyiphi indima kanengi edlalwa barholi bamasondo nebezepolotiki ekuhlunguphazweni kwabantu abathembekileko?
Jor 26:11; Mar 3:6; Jwa 11:47, 48, 53; IzE 25:1-3
Iimbonelo eziseBhayibhelini ezingasisiza:
IzE 19:24-29—E-Efesu abantu bebacabanga bona umlayezo otjhunyayelwa maKrestu ngeenthombe uzobenza bangasafumani imali, yeke bahlunguphaza amaKrestu
Gal 1:13, 14—Ngaphambi kobana uPowula (uSawula) abe mKrestu, uhlohlozelwa yitjiseko ebekanayo ngekolo yobuJuda bona ahlunguphaze ibandla