Ezinye Iinhloko EzisesiThaleni

Abarhuweleli abanengi basebenzisa i-JW Library^® ukulungiselela imihlangano begodu bathabela nendlela elula eveza ngayo isiThala ngasinye esifundwa ebandleni. Kodwana isihloko esifundwako sesiThala siba nezinye iinhloko ezingasisiza siqinise ukukholwa kwethu. Ungazifumana njani iinhlokwezi bewuzuze kizo usebenzisa i-JW Library?

• Ekupheleni kwesihloko esifundwako sesiThala ngasinye, kunesihlokwana esithi, “Funda Okungeziweko.” Ngaphasi kwesihlokwaneso, gandelela i-link ethi, “Ezinye iinhloko ezisesiThalenesi.” Buyekeza okusesiThalenesi, la ungabona iinhloko neenomboro zesiThala ngasinye esifundwako. Gandelela isihloko sesinye isiThala ongathanda ukusifunda.

• Ekhasini lesendlalelo le-JW Library engcenyeni ethi, “What’s New,” dawuniloda isiThala esitjha esivelako. Vula isiThala osidawunilodileko bese uqale okusesiThalenesi ukuqinisekisa bona uyazuza kizo zoke iinhloko.