10 Ka nthago, kgoši ya Maamoni+ ya kgwa, fote morwayi wa yona Hanuni gwa ba kgoši sekgaleng sa yona.+ 2 Byalo Dafita a re: “Ke nyoko šupetsa Hanuni morwayi wa Nahaša gore ke ya mo nyaka go fo tshwana le ka mokgo papage a nšupetsiyeng gore wa nnyaka.” Byalo Dafita a romela malata yage gore ma ye mo kgomoletseng ka taba la gore papage o kgwile. Mara mo malata ya Dafita ma segela mone nageng ya Maamoni, 3 dindhuna tsa Maamoni dya re ga Hanuni morena wa tsona: “O nagana gore mo Dafita a romela batho gore ba tle ba go kgomoletse nka taba la gore o hlompa papago? Nje a o di boni gore mo a šinya a romela malata yage ho gago nka taba la gore o nyaka ma tl’le hlola naga gore ba thogo yi hlasela?” 4 Byalo Hanuni a tseya malata ya Dafita a ya a kupa hafo ya makgakga ya wona,+ a kupa le hafo ya dikobo tsa bona mo mašagong, a re ma sepele. 5 Mo Dafita ba mmotsa tsotsone, a napa a romela batho gore ba gahlanetse banna bone ka taba la gore banna bone ke mo ba ba poyidiye ka matla; kgoši ya re: “Dulaneng Jerikho+ go segela makgakga ya lune ma gola ke mokane le boyeneng.”