22 Ke mokane Jeso a re ga malata yage: “Nka taba lo ke reng ga lune, lisetsaneng go ba le kene le šekela ka tsa lephelo la lune gore le nyoko ja ying kela ka mmele wa lune gore le nyoko yapara ying.+ 23 Ka taba la gore lephelo le phala tsa go ja fote mmele wo phala dikobo. 24 Lebelelaneng dinonyane, a di limi kela go buna, a di na dintlo tsa go beya tsa go ja kela seralo,* mara Modimo wa di pasopa.+ Ayitsano lune a le phale dinonyane tsone?+ 25 Ke mang ho ga lune wa gore a ka yeketsa lephelo lage ka taba la go šekela? 26 Mo nkare di ya le šita go maka selo sone se senyana, ke ntaba le šekela ka tsa go tlala?+ 27 Lebelelaneng mabhlomu ya dilili: A ma bereke fote a ma tirukele dikobo; mara ke ya le botsa gore le Solomoni ke mo a sa tšhepi go tshwana nawo.+ 28 Byalo, mo Modimo a kgona go yapesa merogo yowa lekgono, le gore yi nyoko yapegiwa ka motshwana, lune o nyoko le yapesa go segela kaye, lune ba tumelo ye nyana?