25 Byalo ke mo go na le mosadi ye mongwana wa gore o fetsiye 12 ya mengwaga+ a hlupa ke bolwele bya go fo ya nakong a sa fetsi.+ 26 Ditogotela tsa go tlala di mo kwisiye go baba ka matla, fote le tšheleta yage yi fediye a kene a ya tlase le kgakala, ke mo a sa kawonafale mara a fo fetelela. 27 Mo a kwa ba mo hlayisela ka Jeso, a ya ka nthago gage a kene a pitegela hala mogobeng, a tikisa kobo yage ya ka tawong,+ 28 ka taba la gore ne a dulele gore: “Mo nka fo tikisa kobo yage ya ka tawong, ke nyoko fola.”+ 29 Madi ma napa ma sa sa tšwa mo mmeleng wage, le yene a šala a tikwa gore bolwele bya go baba byo ne a le nabyo bo fodiye.

30 Ka nako yonone Jeso a kwa gore go tšwile matšhika mo gage,+ a sokologa a butsisa mogoba gore: “Ke mang a tikisiyeng kobo yaka?”+ 31 Malata yage ma re gage: “Wa di bona gore mogoba wo kene wo go pitegetsiye, mara o sa butsisa gore ‘Ke tikisiye ke mang?’” 32 Mara ke mo a kene a lebelela a nyaka go bona gore o tikisiye ke mang. 33 Ka taba la gore mosadi yela ke mo a di tšiba tsa gore go makegiye ying, ke mo a tšhugiye fote a hlagasela, a segela a mo kgotamela, a mmotsa nnete ka mokana ga yona. 34 Jeso a re gage: “Morwediya, tumelo yago yi go yalafiye. Ariye gabutši,+ fote o nape o fola ga bolwele byone byago bya go baba.”+

56 Fote go gongwana le go gongwana mo ne a kena gona, dimitšaneng kela mitšing ye megolo, ne ba tseya bo ba go lwala ba ba beya mmakete, fote ne ba mo kgopela gore ba fo tikisa matšhembhutšhembhu ya kobo yage ya ka tawong.+ Batho ka mokana ga bona bo ne ba yi tikisa ke mo ba fola.

43 Byalo ke mo go na le mosadi ye mongwana wa gore o fetsiye 12 ya mengwaga a hlupa ke bolwele bya go fo ya nakong a sa fetsi,+ mara ke mo go se na motho ye a kgonang go mo yalafa.+ 44 A tla ka nthago ga Jeso ke mokane a segela a tikisa matšhembhutšhembhu ya kobo yage ya ka tawong,+ a napa a fola ka nako yonone. 45 Byalo Jeso a re: “Ke tikisiye ke mang?” Mo ba kene ba sa phiga, Petro a re: “Thitšere, mogoba wowa wo go kgobakanele, fote wa go pitegetsa.”+ 46 Mara Jeso a re: “Go na le motho ye a ntikisiyeng, ka taba la gore ke ya kwa gore go tšwile matšhika+ ho gaka.” 47 Byalo, ka gore mosadi yela ke mo a tšiba gore go makegiye ying, o tlile a hlagasela ke mokane a wela mahlong gage, a hlaya mahlong ga batho ka mokana ga bona gore ke ntaba a mo tikisiye le gore o napiye a fola ka nako yonone. 48 Mara Jeso a re gage: “Morwediya, tumelo yago yi go yalafiye. Ariye gabutši.”+