21 Ka nthago, Dafita a ya Nobe+ ga Ahimeleke wa gore ke moprista. Ahimeleke a thomisa go hlagasela mo a gahlana le Dafita, a re gage: “Ke ntaba o tlile o ntoši o sa tla le motho ye mongwana?”+ 2 Dafita a fetola Ahimeleke wa gore ke moprista a re: “Kgoši yi nromme gore ke make se sengwana, mara yi yitseri, ‘O sa botse motho ka dilo tso ke go rommeng gore o di make le ka tso ke go butsiyeng tsona.’ Ke kwanne le banna bowa gore re ye gahlana kayekaye. 3 Byalo, mo nkare o na le kapheta ya malofo ya sekgwa, o fo mpha wona kela o nneye se sengwana le se sengwana so se leng gona.” 4 Mara moprista yela mo a fetola Dafita a re: “A go na sekgwa sa gore se tlwayelegiye, mara go na le sa go hlawolega+⁠⁠—ke nyoko go neya sona mo nkare banna bowa a baa yetsela le basadi.”+ 5 Dafita a fetola moprista yela a re: “A re ya yetsela le basadi go fo tshwana le nakwela re yye ntweng.+ Mo mmele ya banna bowa yi hlawolegiye mo ba maka mmereko wa gore wo tlwayelegiye, ayitsano a ya tshwanela go hlawolega ka matla lekgono?” 6 Byalo, moprista a mo neya sekgwa sa go hlawolega+ ka taba la gore ke mo go fo ba le sona fela, ke sona sa gore ba se tlusiye mahlong ga Jehova gore ba thogo beya sa nyuwane ka letšatši lo ba se tlusiyeng ka lona.