3 Mo Jeso a sa le Bhethani a sa ja* tafoleng ya gaye ga Simone wa go kena ke bolwele bya go jega dinama bya gore ba re ke lephera, gwa nyarela mosadi ye mongwana a tshwere lepotlela* la gore le na le makgura ya go nkgela, mong yona nadhe ya go tura. Mosadi yene a bula lepotlela lela la alabhasta ke mokane a tšhela makgura yala hlogong ya Jeso.+ 4 Mo malata ya mangwana ma bona tsotsone ma kwata ka matla, ma thomisa go bolabodisana, ma re: “Ke ntaba a sinya makgura yawa ya go nkgela? 5 Phela ke mo a ka ma rekisa a kraya tšheleta ya go feta 300 ya didhenari,* ke mokane tšheleta yone ya neyiwa ba go tihlupegela!” Malata ma thomisa go lakatsa* mosadi yela. 6 Mara Jeso a re: “Lisetsaneng mosadi yewa, anthe ke ntaba le mo hlupa? Phela o mmakele dilo tsa go bafala.+ 7 Bo ba go tihlupegela le ko fo dula le le nabo,+ fote le ka ba makela tsa go bafala nako ye ngwana le ye ngwana mara nna nka sa duli ke na le lune.+ 8 O makiye tso a ka di kgonang; o ntlotsiye makgura yawa ya go nkgela mo mmeleng, gore ke thogo bolokiwa.+ 9 Nnete ke ya le botsa, go gongwana le go gongwana mo ba sabalatsang ditaba tsowa tsa go bafala lefaseng ka mokana ga lona,+ ba nyoko bolabola le ka tso mosadi yewa a di makiyeng gore a gopodiwe ka tsona.”+

12 Mo go sa šele kobodi ya matšatši gore paseka yi thome, Jeso a segela Bhethani, ga gore Lazaro+ yela wa gore o tsusiye ke Jeso ne a le gona. 2 Byalo, ba mo makela tsa go ja tsa ka malobana gana hone, Mata ke mo a ba tsholela+ mara Lazaro ke mo go le ye mongwana wa bo ne a ja nabo. 3 Ke mokane Mariya a tseya gana hala ga hafo ya litha ya makgura ya go nkgela, mong yona nadhe ya go tura, a ma tšhela mawotong ya Jeso, a ma sula ka meriri yage. Ka mo ntlong gwa šala go nkgela.+ 4 Mara Judase Iskariyoti+ wa gore ke mo go le lelata la Jeso fote wa gore ne a nyaka go mo rekisa, a re gage: 5 “Ke ntaba makgura yane ya go nkgela ma sa rekisiwa ka 300 ya didhenari, ke mokane tšheleta yone yi neyiwe ba go tihlupegela?” 6 Aa hlaya tsotsone ka taba la gore ke mo a kwela bo ba go tihlupegela go baba, mara o di hlayye ka taba la gore ke mo go le tsotsi fote ke yene ye ne a tshwara lebhokisi la moneyelo, a fela a yetswa tšheleta yone. 7 Jeso a re: “Mo lisetseneng, ka taba la gore so a se makang ke so se nyoko tlang se makiwa mo ke bolokiwa.+ 8 Ka taba la gore bo ba go tihlupegela le ko fo dula le le nabo,+ mara nna le ka sa duli le na le nna.”+