5 Mo gare ga lona ke mo go na le kanne ya mangeloyi,+ le lengwana le le lengwana ke mo le bonala nkare ke motho. 6 Le lengwana le le lengwana ke mo le na le kanne ya difahlego le kanne ya mafafela.+ 7 Mawoto ya wona ke mo ma f’lo re thwi, ke mo ma tshwana le ya senamane, fote ke mo ma gadima go tshwana le koporo ya gore ba yi gadimisiye.+ 8 Ka tlase ga kanne ya mafafela ya wona ke mo go na le matsogo ya batho, fote mangeloyi yane kanne ya wona ke mo ma na le difahlego le mafafela. 9 Mafafela ya wona ke mo ma tikisana. Ke mo ma sa jiki mo ma sepela; ka mokana ga wona ke mo ma fo sepela ma yitseri thwi ma ya mo ma libiyeng gona.+

10 Difahlego tsa wona ke mo di le ka mokgo: Ga mangeloyi yane kanne ya wona, le lengwana le le lengwana ke mo le na le sefahlego sa motho, ka letsogong la go ja le na le sefahlego sa tawu,+ ka letsogong la sepata le na le sefahlego sa kgomu ya phoolo+ fote le lengwana le le lengwana ke mo le na le sefahlego+ sa kgwenyepi.*+