Jošuwa

3 Ke mokane Jošuwa a tsoga go sa le ka phu, yene le Maisrayele ka mokana ga wona ba tloga Šitima+ ba ya Jorodane. Ba fetsa bošego ka mokana ga byona ba le hone mo ba soko bane ba tshila nooka.

2 Ka nthago ga kararo ya matšatši, dindhuna tsa bona+ dya feta gare ga kampa, 3 dya botsa batho gore: “Mo le bona areka ya go kwanisanya ya Jehova Modimo wa lune yi kakodiye ke Malifi ya gore ke maprista,+ di nyaka le tloge polekeng ya lune le yi šale nthago. 4 Mara go be le sekgala sa gana hala ga 2 000 ya dikhyubhiti* segare ga lune le yona; le sa šuteleneng thina nayo gore le thogo di tšiba gore le sepela byang, ka gore a le soko sepela ka pata yowa.”

5 Byalo Jošuwa a botsa batho bala gore: “Tiyediseneng,+ ka gore ka motshwana Jehova o nyoko le makela dilo tsa go makatsa.”+

6 Ke mokane Jošuwa a botsa maprista gore: “Tseyaneng areka+ ya go kwanisanya, le yete batho bowa mahlong.” Byalo ma tseya areka ya go kwanisanya, ma yeta batho bala mahlong.

7 Jehova a re ga Jošuwa: “Lekgono lowa ke nyoko thomisa go go gadimisa mahlong ga Maisrayele ka mokana ga wona,+ gore ma thogo di tšiba gore ke nyoko ba nago+ go fo tshwana le ka mokgo ne ke na le Moše.+ 8 O botse maprista ya ma rweleng areka ya go kwanisanya gore: ‘Mo le segela mo go thomisang meetši ya Jorodane, le kene mone meetšing, le yeme le sa thogathoge.’”+

9 Jošuwa a re ga Maisrayele: “Tlanneng howa, le theetsele mantsu ya Jehova Modimo wa lune.” 10 Ke mokane Jošuwa a re: “Le nyoko tšiba ka tsowa gore go na le Modimo wa go phela mo gare ga lune,+ le gore a ka sa šitege go raka Makanana, Mahethe, Mahivi, Maperezi, Maghirighaše, Maamore le Majebuse mahlong ga lune.+ 11 Bonaneng! Areka ya go kwanisanya ya Morena wa lefase ka mokana ga lona yi nyoko kena Jorodane lune le soko kena. 12 Byalo, hlawolaneng 12 ya banna ba go tšwa ga maloko ya Israyele, ga leloko le lengwana le le lengwana hlawolaneng monna ka wwoši,+ 13 mo mawoto ya maprista ya gore ma rwele Areka ya Jehova Morena wa lefase ka moka ma kena meetšing ya Jorodane, meetši yane ma nyoko yema ma sa sa yela go tshwana le ledhamo.”*+

14 Byalo, mo batho ba tloga matenteng ya bona gore ba ye tshila Jorodane, maprista ya gore ma rwele areka+ ya go kwanisanya ma yeta batho mahlong. 15 Mo bo ba go rwala Areka ba segela Jorodane, fote maprista ya ma rweleng Areka ma tšhela mawoto ya wona mo go thomisang meetši (nooka ya Jorodane yi dula yi tlele+ ka nako ya go buna), 16 meetši yala ya go yela ma yema. Ma yemme go tshwana le ledhamo* ku kgole ku Adamo ga gore ke mutši wa thina le Zarethani, mo meetši ya gore ne ma yelela Lewatleng la Arabha la gore ke Lewatle la Letswayi* ma kene ma pshya. Ke mo ma yemme, ke mokane batho ba tshilela ka mosekola wa Jerikho. 17 Mo maprista ya gore ne ma rwele areka ya Jehova ma kene ma yemme ga gore go womme+ hala gare ga Jorodane, Maisrayele ka mokana ga wona ma tshila ga gore go womme+ go segela setšhaba ka mokana ga sona se tshila Jorodane.