Magoši wa Mabedi

22 Josiya+ ke mo a na le mabala ya mengwaga mo a ba kgoši, fote o fetsiye 31 ya mengwaga a lawola Jerusalema.+ Lebitso la mmane wage ke mo go le Jedayida morwediya wa Adaya wa go tšwa Bhozikathi.+ 2 O makiye dilo tsa gabutši mahlong ga Jehova, fote o makiye dilo ka moka tso Dafita kokwane wage+ ne a di maka, fote ke mo a theetsela molawo.

3 Ka mongwaga wa bo 18 wa mo go lawola Kgoši Josiya, kgoši yi yye ya romela Šafane wa gore ke mabhalane morwayi wa Azaliya morwayi wa Mešulamo gore a ye ga ntlo ya Jehova,+ ya re: 4 “Ariye ga Hilikiya+ wa gore ke moprista ye mogolo, yene a koleke tšheleta yo batho ba yi leyang ga ntlo ya Jehova+ ya gore ba go bereka gheyiting ba yi kolekiye bathong.+ 5 O make gore tšheleta yone ba yi neye batho bo ba ba kgetiyeng gore ba wokamele mmereko wa ntlo ya Jehova, ke mokane bona ba nyoko yi neya bo ba go bereka ntlong ya Jehova gore ba yi lukise mo yi sinyegiyeng gona,+ 6 ba yi neye bo ba go maka mmereko wa matsogo le bommeselane; ke mokane bona ba nyoko yi berekisa go reka dikwata le matlapa ya go fefiwa gore ba thogo lukisa ntlo yone.+ 7 Mara banna bowa le sa ba šale nthago le nyaka go tšiba gore tšheleta yone ba yi berekisiye byang ka taba la gore baa tshepega.”+

8 Ka nthagonyana, Hilikiya wa gore ke moprista ye mogolo a re ga Šafane wa gore ke mabhalane:+ “Ke krayye puku ya Molawo+ ku ntlong ya Jehova.” Byalo Hilikiya a neya Šafane puku yone ke mokane yene a thomisa go yi bala.+ 9 Ke mokane Šafane wa gore ke mabhalane o yye ga kgoši a segela a re ga yona: “Malata yago ma ntshiye tšheleta yela ya gore yi ga lebhokisi la gore le ka tempeleng, fote ma yi neyye batho ba gore ba ba kgetiye gore ba bereke ntlong ya Jehova.”+ 10 Šafane wa gore ke mabhalane a boya a botsa kgoši gore: “Go na le puku+ ya gore Hilikiya wa gore ke moprista o nneyye yona.” Ke mokane Šafane a thomisa go yi bala mahlong ga kgoši.

11 Mo kgoši yi kwa mantsu ya gore ma ga puku ya Molawo, ya napa yi tlerolanya dikobo tsa yona.+ 12 Ke mokane kgoši ya botsa Hilikiya wa gore ke moprista, Ahikamo+ morwayi wa Šafane, Akhibhoro morwayi wa Mikhaya, Šafane wa gore ke mabhalane le Asaya wa gore ke sebereki sa kgoši, ya re: 13 “Ariyeneng le ye butsisa Jehova, le butsisele nna, batho ba naga yowa le ba Juda ka mokana ga yona ka mantsu ya ma leng ga puku yo re yi krayyeng; ka gore Jehova o re kwatele ka matla+ ka taba la gore bokokwane ba rune a baa theetsela mantsu ya ma leng ga puku yowa, a baa maka tso di ngwadiwweng tsa gore ne ba tshwanele ba di make.”

14 Byalo Hilikiya wa gore ke moprista, Ahikamo, Akhibhoro, Šafane le Asaya ba yye ga moporofeta wa mosadi ye ba reng ke Hulda.+ Ke mo go le mosadi wa Šalumi morwayi wa Thikiva morwayi wa Harehase wa gore ke mo a bereka go pasopa dikobo,* fote Hulda ke mo a dula ga mitši ya nyuwane ya Jerusalema; byalo ba segela ba bolabola naye gana hone.+ 15 O yitseri ga bona: “Tsowa ke tso di hlayang ke Jehova Modimo wa Israyele, o re, ‘Botsaneng monna ye a le rommeng ho gaka gore: 16 “Tsowa ke tso di hlayang ke Jehova, ‘Ke nyoko leya dilo tsa go sasamela ga poleke yowa le ga batho bo ba dulang ga yona, mantsu ka mokana ga wona ya gore ma badiye ke kgoši ga puku yowa ma nyoko makega.+ 17 Ka taba la gore ba njikele fote ba makela medimo ye mengwana dihlabelo,+ dilo ka mokana ga tsona tso ba di makang di ya nkwatisa,+ ke nyoko šupetsa gore poleke yowa ke yi kwatele ka matla fote nka sa phohle.’”+ 18 Byalo tsowa ke tso le tshwaneleng go di botsa kgoši ya Juda ya gore yi le romme gore le butsise Jehova, le segele le mmotse gore, “Tsowa ke tso Jehova Modimo wa Israyele a di hlayang: ‘Ka mantsu ya o ma kwileng, 19 le nna ke go kwile, ka taba la gore pelo yago yi yye ya temeka fote wa tinyanafatsa+ mahlong ga Jehova mo o kwa tso ke di hlayyeng ka poleke yowa le batho ba yona, tsa gore batho ba nyoko šala ba yahlamme mo ba bona tso di ba makegelang fote o yye wa tlerolanya dikobo tsago+ wa boya wa lla mahlong gaka, go hlaya Jehova. 20 Nka taba lo o nyoko bolokiwang le bokokwane bago, fote ba nyoko go boloka lebitleng lago go bebiye, maahlo yago ma ka sa boni dilo ka mokana ga tsona tsa go kwisa go baba tso ke nyoko di leyang ga poleke yowa.’”’” Ke mokane ba tla ba botsa kgoši dilo tsowa.