Tsowa di Hlatolla ke Lluka
15 Byalo, bo ba go patedisa mothelo le bo ba go sinya ke mo ba kene ba kgobakana ho gage ba nyaka go mo kwa.+ 2 Mafaraseyi le bomabhalane ke mo ba kokola ba re: “Morenewa o yamogela bo ba go sinya fote o ja nabo.” 3 A bolabola nabo a berekisa mošupetso a re: 4 “Ke mang ho ga lune wa gore mo a na le 100 ya dinku, gwa lahlega ka yyoši, a ka sa šiying tsela 99 ya tsona a ye nyakana le yela ya go lahlega go segela a yi kraya?+ 5 Mo a yi kraya, o yi beya ho magetleng a kene a jabodiye. 6 Mo a segela gaye, o bitsa banghana le bayagelane bage a re: ‘Jabolaneng le nna ka taba la gore ke krayye nku yaka ya gore ke mo yi lahlegiye.’+ 7 Ke ya le botsa, mo motho ka wwoši wa gore o sinnye a sokologa, ku legedimong ba nyoko jabola ka matla,+ go phala mo go na le 99 ya bona ba gore a di nyake ba sokologa.
8 “Kela ke mosadi wofeng ho ga lune wa gore mo a na le lesome la didhrakema,* ke mokane a lahlegela nka yyoši, a ka sa tšhubeng llampa a suwela ntlo yage a nyakana nayo go segela a yi kraya? 9 Mo a yi kraya, o bitsa banghana* le bayagelane bage a re: ‘Jabolaneng le nna ka taba la gore ke krayye dhrakema* yaka ya gore ke mo yi lahlegiye.’ 10 Ke ya le botsa, le mangeloyi ya Modimo maa jabola mo go sokologa motho ka wwoši wa go sinya.”+
11 Ke mokane a re: “Monna ye mongwana ke mo a na le barwayi ka babedi. 12 Yela ye monyana a re ga papage, ‘Papa, nneye so go leng saka.’ Byalo a neya barwayi bage ka babedi tso ne ba tshwanele ba di kraye. 13 Ka nthago ga matšatšinyana, morwayi ye monyana a hlekeletsa dilo tsage ka mokana ga tsona a phanakela a ya ga poleke ya kgole, mo a segela gana hone a sinyanya* dilo tsela tsage ka go phela lephelo la go sa hlamatsega. 14 Mo a šele a di fetsiye ka mokana ga tsona, gwa ba le tlala ye kgolo mone ga poleke yone, a thomisa go hlupega. 15 A šinya a ya ga monna ye mongwana wa gore ke mo a dula ga poleke yone, monna yene a re a pasope dikolobe tsage.+ 16 Ke mo ba sa mo neye tsa go ja, a šinya a nabela le dirokolopudi tso ne di ja ke dikolobe.
17 “Mo hlogo yage yi thomisa go bereka a re, ‘Dibereki tso papa a di hiriyeng di na le tsa go ja* tsa go tlala, nna ke bolaya ke tlala howa! 18 Ke nyoko tsoga ke ya ga papa, mo ke segela ku ke nyoko re: “Papa, ke sinyele Modimo fote le wene ke go sinyele. 19 A di sa ntshwanela gore ke be morwayi wago. Maka gore ke be sebereki sago.”’ 20 A tsoga a ya ga papage. Byalo mo papage a mmona a sa le ku kgole, a mo kwela go baba, a mo gahlanetsa a segela a mo tlaparela, a mo khisa. 21 Morwayi yela a segela gage a re, ‘Papa, ke sinyele Modimo fote le wene ke go sinyele.+ A di sa ntshwanela gore ke be morwayi wago.’ 22 Mara papage a re ga dibereki tsage, ‘Yakgoswaneng le tleneng le kobo ya mayemo, le mo yapeseneng yona le mo tšhele ringi le mo rwese le dimphašane. 23 Fote le tleneng le senamane sa gore se tsifiye, le se hlabe, re tle re je re jaboleneng, 24 ka taba la gore morwayi yewa waka ke mo a kgwile, mara gana byalo o šele wa phela;+ ke mo a lahlegiye, mara re mo krayye.’ Ba thomisa go jabola.
25 “Byalo morwayi wage ye mogolo ke mo a le ku tšhomong, mo a kene a šutela a kwa go lla dikoša ka ku ntlong ya gabo go kene go biniwa. 26 A bitsa sebereki se sengwana a se butsisa gore anthe go makega ying. 27 Sa re gage, ‘Bhuti wago o buyye, byalo papago o hlabiye senamane sa go tsifa ka taba la gore o buyye a philegiye.’* 28 Mara morwayi ye mogolo a kwata, a gana go kena ka ku ntlong. Papage a tšwa, a ro mo fawa gore a kene. 29 Mo a fetola papage a re, ‘Mengwaga yo ka mokana ga yona ke mo ke go berekela, fote ke mo ke dula ke go theetsela ga dilo ka moka, mara a wa nneya le mong seputsanyana gore ke ye tijabodisa le banghana baka. 30 Mara mo morwayi yewa wago wa gore o sinyannye dilo tsage le dinghwahla a boya, o mo hlabela senamane sa go tsifa.’ 31 Papage a re gage, ‘Morwayi, wene ke mo o kene o na le nna, fote dilo tsaka ka mokana ga tsona le wene ke tsago. 32 Mara ne re tshwanele re jabole, ka taba la gore bhuti wago ke mo a kgwile, mara o tsugiye; ke mo a lahlegiye, byalo re mo krayye.’”