Jeremiya
8 Jehova o re: “Ka nako yonone, mašapo ya magoši ya Juda, mašapo ya dindhuna, mašapo ya maprista, mašapo ya baporofeta le mašapo ya batho bo ba dulang Jerusalema ma nyoko ntshiwa mabitleng ya wona. 2 Ba nyoko ma lahlela letšatšing le ngweding le ga dinanedi ka mokana ga tsona tsa ku magedimong tsa gore ne ba di nyaka ka matla, ba di berekela, ba di latelela, ba di rapela fote ba di kgotamela.+ Mašapo ya bona ma ka sa hlekeletsiwi kela go bolokiwa. Ma nyoko tshwana le manyoro ho fase.”+
3 “Batho ka mokana ga bona bo ba šeleng ba mutši wa go maka tsa go befa ga dipoleke ka mokana ga tsona tso ke ba tlalaganyang ga tsona ba nyoko kgeta go kgwa, ba ka sa kgete go phela,” go hlaya Jehova.
4 “Ke mokane di nyaka wene o re ga bona, ‘Tsowa ke tso Jehova a di hlayang:
“Ayitsano ba nyoko wa ba šitega go tsoga?
Mo motho a ka jika ga pata yo a sepelang ka yona, ayitsano yewa ye mongwana a ka sa jiki naye?
5 Ke ntaba batho bo ba Jerusalema ba sa tshepege fote ba fo ya mahlong ba kene ba sa tshepege?
Ba ya mahlong ba ntshokanya;
Fote a ba nyake go sokologa.+
6 Ke lebelele, ka ba theetsela gabutši, mara tso ne ba di bolabola ne yi se tsona.
A go na le motho ka wwoši ye a yyeng a sokologa kela a tiputsisa gore, ‘Anthe ke sinnye mo ke tla kaye?’+
Ye mongwana le ye mongwana o f’lo ya mahlong a maka tso ba bangwana ba di makang, go tshwana le mo pera yi tabogela go ya ntweng.
7 Le mong kenudi* ya ku sebakabakeng yi tšiba sehla sa yona;
Fote liba le dinonyane tse dingwana di tšiba nako ya tsona ya go boya.
Mara batho baka bona a ba kwisisi ka mokgo Jehova a yahlulang ka gona.”’+
8 ‘Le hlaya byang gore: “Re hlalefiye, fote re tšiba molawo wa Jehova”?
Phela bomabhalane ba berekisa tso ba ngwalang ka tsona+ gore ba ngwale matsaka.
9 Bo ba go hlalefa ba ba tšebisiye.+
Ba nyoko hlagasela fote ba nyoko ba tshwara.
A baa theetsela tso Jehova a di hlayyeng,
Ayitsano ba hlalefiye ka mokgonone?
10 Byalo ke nyoko maka gore basadi ba bona ba tseye ke banna ba bangwana,+
Le gore mašomo ya bona ma tseye ke batho ba bangwana;
Ka gore ka mokana ga bona ba maka bošakašakane,+ go tlugisela ka ye monyana go segela ka ye mogolo;
Go tlugisela ka moporofeta go segela ka moprista, ka mokana ga bona ba maka botsotsi.+
11 Ba liketsa go fodisa mo batho baka ba kwaleleng gona ka go fo ba botsa gore,
“Go bebiye! Go bebiye!”
Hala go sa beba.+
12 Ayitsano dilo tsa go silikisa tso ba di makiyeng dya ba tšebisa?
A ba tšebe le go tšeba!
A ba tšibi le gore go poyidiwa di byang!+
Byalo le bona ba nyoko kgwa le bo ba ba bolayyeng.
Mo ke ba wolola ba nyoko phiriketsega,’+ go hlaya Jehova.
13 ‘Mo ke ba hlekeletsa, ke nyoko fetsa ka bona,’ go hlaya Jehova.
‘Mohlare wa didhriva wo ko ba wo se na didhriva, le mohlare wa mago wo ko ba wo se na mago, fote matlakala ya tsona ma nyoko puna.
Fote dilo tso ke ba neyyeng tsona ba ko ba ba sa sa le natso.’”
14 “Anthe re dulele ying howa?
Tla re gahlaneneng, re ye ga mitši ya gore yi tiyisiwwe+ gore re thogo kgwela gona.
Ka taba la gore Jehova Modimo wa rune o nyoko fetsa ka rune,
Fote o nyoko re neya meetši ya go ba le tšhefu gore re nwe,+
Ka taba la gore re sinyele Jehova.
15 Ne re tshepa gore go nyoko beba, mara a go na sa gabutši so se makegiyeng,
Fote ne re tshepa gore go segele nako ya gore re fole, mara go fo sinyega!+
16 Ku Dani go kwagala modumo wa dipera tsa manaba.
Modumo wa dipera tsowa wo maka gore
Mo fase go tekateke ka mokana ga gona.
Dipera tsone di ya tla fote di sinyanya mone nageng le dilo ka mokana ga tsona tso di leng mone ga yona,
Mutši le batho ka mokana ga bona bo ba dulang mone ga yona.”
17 Jehova o re: “Ke nyoko romela dinoga mone ga lune,
Dinoga tsa go ba le tšhefu tsa gore le ka sa kgone go di lawola,
Fote di nyoko le loma,”
18 A go na so se ka makang gore ke sa sa kgongwela;
Pelo yaka ya baba.
19 Go kwagala motho wa gore o nyaka go gelepiwa ku ga naga ya kgole
Wa gore o gare ga batho baka, o re:
“Anthe Jehova aa ku Siyoni?
Anthe kgoši ya Siyoni a yi gana ku Siyoni?”
“Ke ntaba mara ba nkwatisiye ka medimo ya bona ya dithombhe,
Ka medimo ya bona ya go sa re selo?”
20 “Nako ya go buna yi fitiye, selemo le sona se fitiye,
Mara a re soko phonisiwa!”
21 Taba ya gore batho baka ba kwile go baba yi nkwisa go baba+
A yi njabodisi.
Fote ke tšhugiye.
22 Anthe ku Ghiliyade a go na bhalesamo?+
Kela a go na togotela gana ku?+
Byalo ke ntaba batho baka ba sa fodisiwi?+