Samuwele wa Mathomo

12 Samuwele a fetsa a butsiye Maisrayele ka moka gore: “Ke nna yewa ke makiye dilo ka mokana ga tsona tso le kgopeleng gore ke di make, ke le nyakele kgoši gore yi thogo le lawola.+ 2 Byalo, kgoši yo yi nyoko le yetang mahlong ke yowa!+ Nna yene ke tsofele fote barwayi baka ba na le lune,+ ke le yetiye mahlong go tlugisela ke sa le ye monyana go segela lekgono.+ 3 Ke nna yewa. Mo nkare go na le so le kokolang ka sona ka nna, se hlayeneng mahlong ga Jehova le mahlong ga ye a mo hlawodiyeng:+ Ke mang wa gore ke tsere kgomu yage ya phoolo kela bhongholo yage?+ Kela ke mang wa gore ke mo ropiye kela wa gore ke mo gatelele? Ke mang wa gore o hlwa a ndhiza gore ke sa yahlule gabutši nna ka yamogela?+ Mo nkare ke di makiye, ke nyoko le neya dilo tsa lune.”+ 4 Mo a reyane, ba re: “A wa re ropa, a wa re gatelela fote a wa yamogela selo sa go tšwa ga motho.” 5 Byalo a re ga bona: “Jehova ke yene hlatse, le ye a mo hlawodiyeng ke hlatse ya gore le lune le di bonne lekgono gore a ke ya sinya selo.”* Mo a reyane, ba re: “Eya, ke yene hlatse.”

6 Byalo Samuwele a botsa batho bala gore: “Jehova wa gore o berekisiye Moše le Aroni, a boya a ntsha bokokwane ba lune nageng ya Egepita,+ ke hlatse. 7 Tilukiseneng, ke nyoko le yahlula mahlong ga Jehova ke lebelele dilo ka mokana ga tsona tsa gabutši tso Jehova a di makeleng lune le bokokwane ba lune.

8 “Jakobo a segela Egepita,+ mo nako yi kene yi ya bokokwane ba lune ba thomisa go hlupega, ba kgopela Jehova gore a ba gelepe.+ Mo ba maka tsotsone, Jehova a romela Moše+ le Aroni gore ba yetetse bokokwane ba lune ba ba ntshe nageng ya Egepita, ba ba leya ga poleke yowa.+ 9 Mara ba libala Jehova Modimo wa bona, yene a maka gore ba hlule+ ke Sisera+ ndhuna ya masole ya Hazore, ba hlule ke Mafilisita,+ ba hlule le ke kgoši ya Mowaba,+ manaba ya bona ke mo ma lwa nabo. 10 Ba kgopela Jehova gore a ba gelepe,+ ba re, ‘Re sinnye,+ re lisetsiye Jehova ra berekela Bobhaali+ le dithombhe tsa Ašitorethe;+ gana byalo re kgopela o re phonise ga manaba ya rune gore re thogo go berekela.’ 11 Jehova a romela Jerubhaali,+ Bhedani, Jafta+ le Samuwele+ gore ba le phonise ga manaba ya lune gore le thogo dula le pasopegiye.+ 12 Mo le di bona gore Nahaša+ kgoši ya Maamoni o lwa le lune, le yye mahlong le re, ‘Awwa, rune re nyaka kgoši!’+ le mo Jehova Modimo wa lune go le Kgoši ya lune.+ 13 Byalo, kgoši yo le yi hlawodiyeng ke yowa, yona yo le yi kgopeleng. Jehova o le nyakele kgoši.+ 14 Mo le ka tšhaba Jehova,+ la berekela yene,+ la theetsela lentsu lage,+ la maka tso Jehova a di hlayang, fote lune le kgoši yo yi le lawolang la latelela Jehova Modimo wa lune, go ko ba go lukiye. 15 Mara mo le ka sa theetsele lentsu la Jehova, la boya la sa make tso Jehova a di hlayang, Jehova o nyoko le wolola, lune le bopapa ba lune.+ 16 Byalo, tilukiseneng le bone selo sowa se segolo so Jehova a se makang mahlong ga lune. 17 Anthe a yi letšatši la go buna korong lekgono? Ke nyoko kgopela Jehova gore a make gore go be le leduma le pula; le nyoko di tšiba la boya la kwisisa gore le sinnye go segela kaye mahlong ga Jehova mo le tikgopelela kgoši.”+

18 Samuwele a napa a kgopela Jehova, ke mokane Jehova a maka gore go be le leduma le pula ka letšatši lone, batho ka mokana ga bona ba šala ba tšhugiye ba tshosa ke Jehova le Samuwele. 19 Fote batho ka mokana ga bona ba re ga Samuwele: “Rapelela malata yago+ ga Jehova Modimo wago ka gore a re nyake go kgwa, re yeketsiye ga tso re di sinnyeng mo re kgopela go ba le kgoši.”

20 Byalo Samuwele a botsa batho bala gore: “Le sa tšhoge. Go sinya le sinnye. Mara le sa jikele Jehova,+ berekelaneng Jehova ka dipelo tsa lune ka moka.+ 21 Le sa mo lisetsi la latelela dilo tsa go sa re selo,+ tsa gore di ka sa le thuši ka selo+ fote di ka sa le phonisi, ka gore a di na mokgola. 22 Jehova a ka sa lahle batho bage+ ka taba la lebitso lage le legolo,+ Jehova o kgetiye go maka gore le be batho bage.+ 23 Mara nna, nka sa lisetsi go le rapelela ka taba la gore ke nyoko ba ke sinyela Jehova, fote ke nyoko ya mahlong ke le yetetsa ka dilo tsa gabutši le tsa go loka. 24 Tšhabaneng Jehova,+ le mmerekele le tshepega ka dipelo tsa lune ka moka, le gopoleneng dilo tsa go makatsa tso a le makeleng tsona.+ 25 Mara mo le ka fo sinya ka bomu, go nyoko fela ka lune,+ lune le kgoši ya lune.”+