Dipalo

20 Ka kgwedi ya mathomo, mogoba ka mokana ga wona wa Israyele wa segela mašahleng ya Zini ke mokane batho ba thomisa go dula Kadeše.+ Gana mone ke mo Miriyamo+ a kgweleng gona, fote ba mmolokiye gana hone.

2 Byalo setšhaba ke mo se se na meetši,+ fote se kgobakanne sa kokola ga Moše le Aroni. 3 Batho ba kokola ga Moše+ ba re: “Hala re f’lo tikgwela le bobhuti ba rune nakwela ba kgwa mahlong ga Jehova! 4 Ke ntaba o leyye setšhaba sa Jehova mo mašahleng yawa gore rune le diphoolwane tsa rune re tle re kgwele gona?+ 5 Fote ke ntaba o re ntshiye ku Egepita o re tlisa ga poleke yowa ya go sa jabodisi?+ Howa a go na pewu ya go gaša, a go na mago, a go na didhriva, a go na magarenate fote le meetši ya go nwa a ma šiyo.”+ 6 Ke mokane Moše le Aroni ba yema mahlong ga setšhaba hala go keniwang gona letenteng la mogahlano, ba wela fase ka difahlego, fote go gadima ga Jehova gwa thomisa go nyarela ga bona.+

7 Ke mokane Jehova a re ga Moše: 8 “Tseya thoka ke mokane wene le Aroni bhuti wago le bitse mogoba wo tle wo gahlane, le bolabole le letlapa mahlong ga wona gore le thogo wo neya meetši, fote wene o nyoko ntsha meetši ga letlapa lone ke mokane o nyoko ma neya mogoba le diphoolwane tsa wona gore ba thogo nwa.”+

9 Byalo Moše a tseya thoka mahlong ga Jehova+ go ya ka mokgo a mmutsiyeng ka gona. 10 Ke mokane Moše le Aroni ba kgobaketsa setšhaba mahlong ga letlapa, ba re: “Theetselaneng lune ba go tiwomisa dihlogo! Ayitsano le nyaka gore re le ntshele meetši ga letlapa lowa?”+ 11 Ka nthago ga mone, Moše a napa a yemisa letsogo lage a teya letlapa lela gabedi ka thoka yage, gwa tšwa meetši ya go tlala ke mokane batho le diphoolwane ba thomisa go nwa.+

12 Ka nthago Jehova a re ga Moše le Aroni: “Ka taba la gore a le ya ntshepa fote a le ya n’gadimisa mahlong ga batho ba Israyele, lune le ka sa kenisi setšhaba sowa nageng yo ke nyoko se neyang yona.”+ 13 Yawa ke meetši ya Meribha,*+ ga gore Maisrayele ma yye ma kokola ka Jehova ke mokane yene a tigadimisa gare ga wona.

14 Ke mokane Moše a roma batho ga kgoši ya Edomo+ ba tšwa Kadeše gore ba segele ba re gage: “Tsowa ke tso di hlayang ke bhuti wago Israyele,+ o re, ‘Wene o tšiba mehlupego ka mokana ga yona yo re fitiyeng ga yona. 15 Bopapa ba rune ba yye Egepita,+ fote ba dula gona mengwaga ya go tlala,+ mara Maegepita a maa re tshwara gabutši rune le bopapa ba rune.+ 16 Ra fetsa re llele Jehova+ ke mokane yene a re theetsela, a romela lengeloyi+ gore le re ntshe Egepita, gana byalo ke rune bowa ho Kadeše ga mutši wa gore poleke yago yi kgera ga wona. 17 Barena re kgopela go bhukulela mo nageng yago. Re ka sa bhukulele ga tšhomo ye nngwana le ye nngwana kela ga tšhomo ya didhriva, fote re ka sa nwe meetši ya didiba tsago. Re nyoko sepela ka pata ya gore ba re ke Pata ya Kgoši re sa lebelele ga letsogo la go ja kela la sepata go segela re feta ga poleke yago.’”+

18 Mara Edomo a re gage: “Le ka sa ro feta nageng ya rune. Mo le ka fo feta, ke nyoko tla ke gahlana le lune ke tshwere sabola.” 19 Mo a reyane, Maisrayele ma re gage: “Re ko feta ka pata ya ka ku kgakala, fote mo nkare rune le diphoolwane tsa rune re nwa meetši yago, re ko go patela.+ A re nyake tsa go tlala re fo nyaka go bhukulela.”+ 20 Mara yene a re: “Le sa feteneng.”+ Kgoši ya Edomo ya napa ya tla ya lwa nabo yi na le batho ba go tlala le masole ya go ba le matšhika. 21 Kgoši ya Edomo yi ganne gore Maisrayele ma fete nageng ya yona; byalo Maisrayele a maa feta.+

22 Batho ba Israyele ka mokana ga bona ba tloga Kadeše ba ya Thabeng ya Hore.+ 23 Ke mokane Jehova a bolabola le Moše le Aroni ku Thabeng ya Hore ya gore yi mo go kgerang naga ya Edomo, a re: 24 “Aroni o nyoko bolokiwa le batho ba gabo.+ A ka sa kene ga naga yo ke nyoko yi neyang Maisrayele, ka taba la gore lune ka babedi a le ya maka tso ke le butsiyeng tsona ka meetši ya Meribha.+ 25 Tseya Aroni le morwayi wage Eliyazara o tle nabo Thabeng ya Hore. 26 Yapola Aroni dikobo tsage+ o di yapese Eliyazara+ morwayi wage, ke mokane Aroni o nyoko kgwela gana hone.”

27 Byalo Moše a maka ka mokgo Jehova a hlayyeng ka gona, ba kalama Thaba ya Hore Maisrayele ka mokana ga wona ma kene ma ba lebelele. 28 Ke mokane Moše a yapola Aroni dikobo tsage, a di yapesa Eliyazara morwayi wage. Ka nthago ga hone, Aroni a kgwela gana mone gedimo ga thaba.+ Ke mokane Moše le Eliyazara ba thewoga mone thabeng. 29 Mo mogoba ka mokana ga wona wo bona gore Aroni o kgwile, Maisrayele ka mokana ga wona ma fetsiye 30 ya matšatši ma mo llela.+