Tsowa di Hlatolla ke Matewu

22 Jeso a ya mahlong a bolabola nabo a berekisa mešupetso, a re: 2 “Mmušo wa magedimo re ka wo tshwanisa le kgoši ya gore yi yye ya makela morwayi wa yona monyanya wa mošadho.+ 3 Ke mokane ya roma dibereki tsa yona gore di ye bitsa batho ka mokana ga bona bo ba memiwweng, mara batho bone ne ba sa nyake go tla.+ 4 A roma dibereki tse dingwana fote, a re, ‘Ariyeneng le ye botsa batho bone le re: “Ke le makele tsa go ja, fote ke hlabiye dikgomu le diphoolwane tsa gore di tsifiye, di le yemele. Tlanneng monyanyeng.”’ 5 Mara ka taba la gore ke mo ba sa yisi felo ka monyanya wone, ye mongwana o yye tšhomong yage, ye mongwana a tiyela dibhizinising tsage,+ 6 ke mokane bala ba bangwana ba tshwara dibereki tsela ba di teya ba napa ba bolaya.

7 “Kgoši yela ya kwata ka matla, ke mokane ya romela masole gore ma ye bolaya dikgohlane tsela fote ma tšhube le mutši wa tsona.+ 8 Ya botsa dibereki tsa yona ya re, ‘Monyanya wo lukiye, mara batho bo ba memiwweng a ba tshwanelege.+ 9 Byalo, ariyeneng ku dipateng tse dikgolo, le memeneng ye mongwana le ye mongwana ye le gahlanang naye gore a tle monyanyeng.’+ 10 Dibereki tsela dya maka ka mokgonone, dya ya ku dipateng dya kgobaketsa batho ka mokana ga bona ba go loka le ba go sa loka, mone mošadhong gwa šala go tlele.

11 “Mo kgoši yi tl’le lebelela bo yi ba memmeng, ya bona monna ye mongwana wa gore ne a sa yapara dikobo tsa mošadho. 12 Byalo ya re gage: ‘Ye morena, o kenne byang ka howa o sa yapara kobo ya mošadho?’ Monna yela a šitega go fetola. 13 Kgoši ya botsa dibereki tsa yona ya re: ‘Mo tlemeneng matsogo le mawoto, le mmošeleneng ku tawong letshwifing. Gana hone o nyoko gotla fote a loma le meno.’

14 “Ba tlele bo ba ba memmeng, mara a yi ka mokana ga bona bo ba ba hlawodiyeng.”

15 Ke mokane Mafaraseyi ma tloga ma ye polana gore ma ka maka byang gore a bolabole dilo tso ma ka mo tanyang ka tsona.+ 16 Byalo ma roma malata ya wona le ba mokgahlo wa Heroda ga Jeso,+ ke mokane ba segela ba re: “Thitšere, re ya di tšiba gore o bolabola nnete, fote o tšhutisa nnete ka Modimo, le gore a wo llele gore batho ba go yamogele ka gore a wo yi ka gore motho ke wa mošaga mang. 17 Re botse gore wene o nagana ying. Nje molawo wa dumela gore re patele tšheleta ya mothelo ga Kesara?” 18 Mara ka taba la gore Jeso ke mo a di tšiba gore ba na le dipelo tse diphifadu, a re: “Lune ba go timakisa, ke ntaba le nreya? 19 Nšupetseneng tšheleta ya tshipi.” Ba mo leyela dhenariyase. 20 A re ga bona: “Sethombhe sowa le lebitso lowa ke tsa mang?” 21 Ba re: “Ke tsa Kesara.” Ke mokane a re ga bona: “Patelaneng Kesara dilo tsa Kesara, le Modimo le mo pateleneng tsa Modimo.”+ 22 Mo ba kwa tsotsone ba makala, ba napa ba tloga ba mo šiya gana hone.

23 Ka letšatši lolone, Masadutseyi ya gore ne ma sa dumele gore batho ba nyoko tsusiwa+ ma tla gage ma mmutsisa ma re:+ 24 “Thitšere, Moše o yitseri: ‘Mo monna a ka timela a se na bana, di nyaka bhuti wage a tseye mosadi yene a belegele bhuti wage bana.’+ 25 Byalo, ke mo go na le bobhuti kašupa ya bona. Wa mathomo a tseya mosadi, a fetsa a timele a se na bana, mosadi yela a šala a tseya ke bhuti wage ye mongwana. 26 Gwa fo makega tsotsone le ka wa mabedi le wa kararo go segela mo kašupa ya bona ba felela. 27 Mosadi yela le yene a feleletsa a kgwile. 28 Byalo mo batho ba tsusiwa, mosadi yewa go nyoko ba wa mang ga bala kašupa ya bona, ka taba la gore ke mo go le mosadi wa bona ka mokana ga bona?”

29 Jeso mo a ba fetola a re: “Le yi lahliye, ka gore a le tšibi Mangwalo le gore matšhika ya Modimo ma bereka byang;+ 30 ka taba la gore mo batho ba tsusiwa, banna ba ka sa sa tseya basadi fote basadi ba ka sa sa tseyiwa, ba nyoko tshwana le mangeloyi ya ku legedimong.+ 31 Anthe a le ya bala ka tso Modimo a di hlayyeng ka go tsusiwa ga batho ba go kgwa, mo a re: 32 ‘Ke nna Modimo wa Abhrahama, Modimo wa Isaka le Modimo wa Jakobo’?+ Modimo a yi Modimo wa batho ba gore ba kgwile mara ke Modimo wa batho ba go phela.”+ 33 Mo megoba yi kwa tsotsone, ya makatsa ke tso a di tšhutisang.+

34 Mo Mafaraseyi ma kwa gore Masadutseyi ma šitegiye go fetola Jeso, ma rapanana ma tla ga Jeso. 35 Ye mongwana mo ga bona wa gore Molawo ke mo a wo tšiba gabutši, a mo liketsa ka go mmutsisa gore: 36 “Thitšere, Molawo wo mogolo ga Molawo wa Moše ke wofeng?”+ 37 Ke mokane Jeso a re gage: “‘Ga Jehova* Modimo wago o mo nyake ka pelo yago ka mokana ga yona, ka bowene* byago ka mokana ga byona le ka monagano wago ka mokana ga wona.’+ 38 Molawo wowa ke wona wo mogologolo fote ke wa mathomo. 39 Molawo wa mabedi wa go tshwana nawo ke wowa: ‘O nyake moyagelane wago ka mokgo o tinyakang ka gona.’+ 40 Molawo wa Moše le tso di hlayyeng ke Baporofeta, di šinnye di ba gona ka taba la Melawo yowa ka mmedi.”+

41 Mo Mafaraseyi ma kene ma kgobakanne, Jeso a ma butsisa gore:+ 42 “Le nagana ying ka Kreste? Ke morwayi wa mang?” Ma re gage: “Ke morwayi wa Dafita.”+ 43 Jeso a ma butsisa a re: “Ke ntaba mo Dafita a tšhofa ke moya wa go hlawolega,+ a re ke Morena, ka go bolabola mantsu ya gore, 44 ‘Jehova* o butsiye Morenaka gore: “Dula ka letsogong laka la go ja go segela ke beya manaba yago ka fase ga mawoto yago”’?+ 45 Mo nkare ke morwayi wa Dafita, ke ntaba Dafita a re ke Morena?”+ 46 Ka mokana ga wona ma šitega go mo fetola, go tlugisela ka letšatši lolone, ma sa sa mmutsisa selo.