Hezekiyele

9 Ke mokane a yahlamela ka ho tsebeng yaka a re: “Bitsa ba gore ba nyoko tla ba wolola mutši, ye mongwana le ye mongwana a tle a tshwere selo so a nyoko se berekisang go sinyanya mutši wone!”

2 Ka bona kobodi ya banna ba tla ba tšwa ka nthoko ya gheyiti ya ka kgakala+ ya gore yi libiye ka lebowa, ye mongwana le ye mongwana ke mo a tshwere selo so a nyoko se berekisang go sinyanya mutši wone; ye mongwana ho gare ga bona ke mo a yapere dikobo tsa linene, ho masekeng gage ke mo a hakiye selo sa go tšhela inki sa gore se berekisa ke mabhalane, ke mokane ba tla ba yema thina le aletare ya koporo.+

3 Byalo go gadima ga Modimo wa Israyele+ gwa tloga mo ne go le gona ka kgakala ga makerubi gwa yinuga gwa ya ku monyako wa ntlo,+ fote a thomisa go bitsa monna yela wa gore o yapere dikobo tsa linene, wa gore ho masekeng gage go na le selo sa go tšhela inki sa gore se berekisa ke mabhalane. 4 Jehova a re gage: “Sepela-sepela ho mutšing, ho Jerusalema, o mereke mopo wa bo ba gore ba kwa go baba+ ka taba la dilo ka mokana ga tsona tsa go silikisa tsa gore di makiwa ho mutšing.”+

5 Fote bo ba bangwana a ba botsa nkene ke theetsele gore: “Sepela-sepelaneng ho mutšing le mo šale nthago, fote le bolaye batho. Le sa ba kwele go baba, fote le sa ba kwele lešoko.+ 6 Le bolayeneng banna ba bagolo, ba banyana, makgareba, dibananyana le basadi.+ Mara bo ba gore ba merekiwwe le sa šutele ga bona.+ Le thomiseneng tempeleng yaka.”+ Byalo, ba thomisa ka banna ba bagolo bo ne ba le mahlong ga tempele.+ 7 Ke mokane a re ga bona: “Thilafatsaneng tempele, fote le make gore ho malapeng go tlale ditopo.+ Ariyeneng!” Byalo ba ya ba bolaya batho ba hone mutšing.

8 Mo ba kene ba ba bolaya, go šele nna ke ntoši, ke wele fase ka yahlamela ka re: “Barena Jehova Morena wa ku Malenghelengheng! Ayitsano o nyoko fetsa ka batho ka mokana ga bona bo ba šeleng Israyele mo o kene o šupetsa Jerusalema gore o kwatiye ka matla?”+

9 Byalo a re gaka: “Dilo tso ba ntlo ya Israyele le ya Juda ba di sinnyeng ke tse dikgolo ka matla.+ Go falatsiwa madi hone nageng,+ fote ho mutšing go tlele bošakašakane.+ Ka gore ba re, ‘Jehova o tlugiye ho nageng, fote Jehova aa boni.’+ 10 Mara nna nka sa ba kwele go baba; fote nka sa ba kwele lešoko.+ Ke nyoko ba leyela maphomela ya tso ba di makiyeng.”

11 Ke mokane ka bona monna yela wa gore ke mo a yapere dikobo tsa linene wa gore ke mo a hakiye selo sa go tšhela inki ho masekeng yage a tla, a re: “Ke f’lo maka ka mokgo o mputsiyeng.”