Tsowa di Hlatolla ke Lluka

13 Ka nako yonone, ke mo go na le ba bangwana ba gore ba butsiye Jeso gore Pilato o yye a bolaya Magaleliya, ya gore ke mo ma kene ma neyela ka dihlabelo ke mokane a gahlanisa madi ya wona le dihlabelo tsone. 2 Jeso a re: “Nje le tseya nkare Magaleliya yawa ma kgwile ka taba la gore ke mo ma sinya ka matla go phala Magaleliya ya mangwana ka mokana ga wona? 3 Awwa, ke ya le botsa; le lune le nyoko bolayiwa mo le sa tisole.+ 4 Kela le nagana gore batho bala 18 ya bona, ba go wela ke sewokamelo sa ku Silowama se napa se ba bolaya, ba sinnye ka matla go phala batho bo ne ba dula Jerusalema? 5 Awwa, ke ya le botsa; le lune le nyoko bolayiwa go tshwana nabo mo le sa tisole.”

6 Ke mokane a ya mahlong a ba botsa ka mošupetso wowa, a re: “Ke mo go na le monna ye mongwana wa gore ne a gašiye mohlare wa mogo tšhomong yage ya didhriva, a ya a nyakana le diyengwa mara a sa kraye selo.+ 7 Monna yene a re ga bo ba go bereka ka didhriva, ‘Go šele go fitiye kararo ya mengwaga ke nyakana le diyengwa ga mohlare wowa wa mogo, mara a ke kraye selo. Wo kupeneng! Le wo lisetsele ying wo kene wo sa yengwe?’ 8 Sebereki se sengwana sa mo fetola sa re, ‘Morena, wo neye mongwaga nyana, ke nyoko yepa ka ho mathoko ke tšhele morole. 9 Mo o ka fo yengwa, go ko ba go le gabutši; mara mo wo ka sa yengwe, re ko wo kupeng.’”+

10 Byalo, Jeso ke mo a tšhutisa sinagogeng ye nngwana ka letšatši la Sabatha. 11 Gana hone ke mo go na le mosadi ye mongwana wa gore o fetsiye 18 ya mengwaga a kenne ke ledimona, fote ke mo a ghobegiye a sa kgone go yema gabutši. 12 Mo Jeso a mmona, a re gage: “Wene mosadi, o yalafiwwe.”+ 13 Jeso a mmeya matsogo, ka nako yonone mosadi yene a wolologa, a thomisa go thanaka Modimo. 14 Mo ye a wokamelang sinagoge a bona Jeso a yalafiye motho ka Sabatha, a kwata ka matla, a re ga mogoba: “Go na le kobodi ya matšatši ya gore motho a ka maka mmereko ka wona;+ tlanneng ka matšatši yanane gore le yalafiwe, le sa tle ka letšatši la Sabatha.”+ 15 Mara, Morena a mo fetola a re: “Lune ba go timakisa,+ ayitsano mo ga lune aa šiyo wa gore o tlemolla kgomu kela bhongholo yage ka letšatši la Sabatha fote a yi yisa gore ye nwa meetši?+ 16 Anthe a di mo tshwanele mosadi ye wa gore ke morwediya wa Abhrahama, wa gore Sathane o fetsiye 18 ya mengwaga a mo hlupa, gore tso di mo hlupang ba di yalafe ka letšatši la Sabatha?” 17 Mo a hlaya tsotsone, bala ba gore ne ba mo phigisa ba šala ba tšebiye, mara mogoba ka mokana ga wona wa thomisa go jabodisa ke dilo tsa go bafala tso a di makiyeng.+

18 Byalo, a ya mahlong a re: “Mmušo wa Modimo wo tshwana le ying, nka wo tshwanisa le ying mara? 19 Wo tshwana le pewu ya mmasetete ya gore motho o yye a yi tseya a yi gaša tšhomong yage, ke mokane ya gola ya ba mohlare wa gore dinonyane di segela di yaga dihlagela mo makaleng ya wona.”+

20 A boya a re: “Mmušo wa Modimo nka wo tshwanisa le ying mara? 21 Wo tshwana le dikomelo tsa gore mosadi wa di tseya a di gahlanisa le kararo ya masaka ya magolo ya folawa, go segela folawa ya go dubiwa ka mokana ga yona yi bila.”+

22 Mo Jeso a kene a tshwere tsela ya go ya Jerusalema, ke mo a feta ho mitšing le dimitšaneng a tšhutisa batho. 23 Byalo monna ye mongwana a re gage: “Morena, ayitsano ke nnete gore bo ba nyoko phonisiwang a baa tlala?” Jeso a re ga bona: 24 “Karakaraneng gore le thogo kena ka monyako wo monyana,+ ka taba la gore ba go tlala ba nyoko nyaka go kena, mara ba nyoko šitega. 25 Mo mong wa ntlo a tsoga a khiya monyako, le nyoko yema ka mo tawong le kokota le re, ‘Morena, re bulele.’+ Mara yene o nyoko re: ‘A ke tšibi gore le tšwa kaye.’ 26 Ke mokane le nyoko re, ‘Ke mo re ja re boya re nwa o kene o re lebelele, fote wene ke mo o tšhutisa dipateng tsa rune.’+ 27 Mara o nyoko re ga lune, ‘A ke tšibi gore le tšwa kaye. Tloganeng ho gaka ša, lune ba go maka dilo tsa go sa loka!’ 28 Gana hone le nyoko gotla fote la loma le meno, le nyoko bošediwa ka tawong mo le bona Abhrahama, Isaka, Jakobo le baporofeta ka mokana ga bona ba le Mmušong wa Modimo.+ 29 Byalo, batho ba nyoko tla ba tšwa bohlabela le bodikela, ba bangwana ba tšwa lebowa le borwa, fote ba nyoko dula* tafoleng mo ba le Mmušong wa Modimo. 30 Go nyoko ba le ba motšobong ba gore ba nyoko ba ku mathomisong fote go na le ba mathomisong ba gore ba nyoko ba motšobong.”+

31 Ka nako yonone gwa tla Mafaraseyi ya mangwana ma tla ma mmotsa gore: “Tšwang, tloga howa ka taba la gore Heroda o nyaka go go bolaya.” 32 Jeso a re: “Ariyeneng le ye botsa phukubye yone gore, ‘Ke sa raka madimona fote ke sa yalafa batho lekgono le ka motshwana, ke mokane ka motsho nko ba ke fetsiye.’ 33 Le mo go le ka mokgonone, ke tshwanele ke ye mahlong ka mmereko waka lekgono le ka motshwana le ka motsho, ka taba la gore moporofeta aa tshwanela* gore a bolayiwe ka tawong ga Jerusalema.+ 34 Jerusalema, Jerusalema, wene wa go bolaya baporofeta wa gore fote o pshyaya bo ba ba rommeng gago ka matlapa+⁠—ke botala ke nyaka go kgobaketsa bana bago go tshwana le mo kgokgo yi koramela ditšonyana tsa yona! Mara ke mo o sa nyake.+ 35 Ba nyoko go šiya le ntlo yago.+ Ke ya go botsa, go tlugisela gana byalo o ka sa sa mpona go segela o re: ‘Go rufegiye ye a tlang ka lebitso la Jehova!’”*+