Mmolabodi

9 Byalo ke ghayele ka dilo tsowa ka mokana ga tsona ke mokane ka fetsa le pelo gore batho ba go loka le ba go hlalefa le mmereko wa bona ka mokana ga wona, di lawola ke Modimo wa mannete.+ Batho a ba di tšibi gore ba ku botala ke mo ba šupetsa gore ba nyakanana le gore ba hloyanne go segela kaye. 2 Ka mokana ga bona ba tlela ke dilo tsa go tshwana,+ ba dipelo tsa go bafala le ba dipelo tse diphifadu,+ ba go loka, ba go yela le ba go sa yela, ba go tikona se sengwana le ba go sa tihlupe ka go tikona se sengwana. Motho wa go loka o fo titshwanela le ye wa go sinya; fote motho wa go maka kano o fo titshwanela le ye wa gore aa tabogele go maka kano. 3 Taba yowa yi kwisa go baba fote yi makega ka tlase ga letšatši: Ka taba la gore batho ka moka ba tlela ke dilo tsa go tshwana,+ tsotsone di maka gore ka ho dipelong tsa bona go tlale dilo tsa go kekema; motho wa gona o fo dula a fokogiye go segela a kgwa!

4 A re nape re lahla tewu mo motho a sa phela, ka taba la gore mpsya ya go phela+ yi phala tawu ya gore yi kgwile. 5 Bo ba gore baa phela baa di tšiba tsa gore ba nyoko kgwa,+ mara bo ba gore ba kgwile a ba tšibi selo le ka gonyana,+ fote ba ka sa sa kraya selo, ka taba la gore re ya libala ka dilo ka mokana ga tsona tso ne re ka ba gopola ka tsona.+ 6 Fote a ba sa kgona go nyakanana, go hloyanana le go jelaselana, fote tso di makegang ka tlase ga letšatši a ba sa kgona go di maka.+

7 Ariye, o je tsa go ja tsago o jabodiye fote o nwe wayini yago ka pelo ya go jabola,+ ka gore Modimo wa mannete o jabodisa ke tso o di makang.+ 8 Nkare dikobo tsago go ka fo dula go le tse ditšhwewu, fote o dule o tlotsa makgura mo hlogong yago.+ 9 Jabolela lephelo le mosadi wago wa gore o mo nyaka ka matla+ matšatši ka moka ya lephelo lago le le kopana la gore Modimo o go neyye lona ka tlase ga letšatši, ka matšatši ka mokana ga wona ya mo o phela ya go sa re selo, ka gore tsotsone ke tso o nang natso ho lephelong le ga mmereko wa go thathafa wo o wo makang ka tlase ga letšatši.+ 10 Tso o kgonang go di maka, di make ka matšhika yago ka mokana ga wona. Ka gore ku Lebitleng*+ mo o yang gona, a go na motho wa gore a ka bereka, a polana, a tšiba dilo kela a šupetsa gore o hlalefiye.

11 Ke bonne se sengwana fote ka tlase ga letšatši, gore bo ba go ba le lebelo a ba duli ba hlula mo ba taboga, bo ba go ba le matšhika a ba duli ba hlula mo ba le ntweng,+ bo ba go hlalefa a ba duli ba na le tsa go ja, le bo ba go hlalefa ka matla a ba duli ba ghannye,+ fote bo ba go tšiba dilo a ba duli ba phomelela,+ ka taba la gore ka mokana ga bona ba fo tlela ke dilo ba sa nagana. 12 Ka taba la gore motho aa tšibi gore dilo di nyoko mo makegela neng.+ Go fo tshwana le mo hlapi ba yi tannye ka letabane la go tshosa le dinonyane mo ba di tannye molabong, le barwayi ba batho ba tanya ke mathatha, mo ma ba wela ka go yakgoswa.

13 Fote ga taba ya go hlalefa ke bonne tsowa ka tlase ga letšatši⁠—fote di njabodisiye: 14 Ke mo go na le mutši wo monyana wa gore ga wona go dula batho ba go sa tlala; ke mokane kgoši ya go ba le matšhika yi tlile ya ba hlasela fote ya dukulugela mutši wone fote ya yaga lepharo la go tiya la go wo dukulugela. 15 Mone ga mutši wone ba krayye monna wa go tihlupegela wa gore ke mo a hlalefiye, o yye a phonisa mutši wone ka taba la gore ke mo a hlalefiye. Mara a go na ye a yyeng a gopola monna yene wa go tihlupegela.+ 16 Fote ke tiputsiye gore: ‘Go hlalefa go phala go ba le matšhika;+ mara go hlalefa ga monna wa go tihlupegela ba go hloyye, fote mantsu yage a ba yisi felo ka wona.’+

17 Di gabutši go theetsela mantsu ya go beba ya motho wa go hlalefa, go phala go theetsela ye wa gore wa rasa wa go lawola diphokophoko.

18 Go hlalefa go phala dilo tsa go lwa ka tsona, mara motho wa go sinya ka wwoši a ka sinya dilo tsa go tlala tsa gabutši.+