Tsowa di Hlatolla ke Johane

13 Byalo, ka gore Jeso o di tšibiye go soko segela monyanya wa Paseka gore nako ya gore a tloge+ lefaseng a ye ga Papa yi segele,+ o šupetsiye malata yage gore o ma nyaka ka matla go segela a kgwa.+ 2 Ne go kene go jiwa tsa go ja tsa ka malobana, fote Diyabolo ke mo a šele a kutšetsele pelo ya Judase Iskariyoti+ morwayi wa Simone, gore a mo rekise.+ 3 Byalo Jeso ke mo a di tšiba gore Papage o beyye dilo ka mokana ga tsona matsogong yage, le gore ke mo a tšwa ga Modimo fote ke mo a ya ga Modimo.+ 4 Jeso a tlogamela mo ba kene ba sa ja, a yapola kobo yage ya ka tawong a yi beyela hala thoko. A tseya thawola, a yi tlema* ho masekeng.+ 5 Ka nthago ga hone, a tšhela meetši ka lepoleteng, a thomisa go hlapisa malata yage mawoto fote a ma sula ka thawola yo ne a yi tlemme ho masekeng.* 6 Byalo a tla ga Simone Petro. Yene a re: “Morena, o hlapisa nna mawoto?” 7 Jeso a mo fetola a re: “O ka sa di kwisisi tso ke go makelang tsona gana byalo, mara o ko di kwisisa mo ke šele ke fetsiye.” 8 Petro a re gage: “Nna o sa nhlapisi.” Jeso a mo fetola a re: “Mo nka sa go hlapisi,+ o ka sa kraye tso ke nyoko di krayang.” 9 Simone Petro a re gage: “Morena, o sa nhlapisi mawoto fela mara nhlapise le matsogo le hlogo.” 10 Jeso a re gage: “Wa gore o hlapiye di nyaka a fo hlapisiwa mawoto fela ka gore mmele wage ka mokana ga wona wo yediye. Byalo, lune le yediye, mara a yi ka mokana ga lune ba gore le yediye.” 11 Ka gore ke mo a tšiba ye a mo rekisang.+ Nka taba lo a hlayyeng gore: “A yi ka mokana ga lune ba gore le yediye.”

12 Mo a fetsa go ba hlapisa mawoto fote a šele a yapere kobo yage ya ka tawong, a kgapama tafoleng ka lehlokoro a re ga bona: “Ayitsano le kwisisa tso ke le makeleng tsona? 13 Lune le mpitsa gore ke nna ‘Thitšere’ fote ke nna ‘Morena,’ le ya resa ka taba la gore ke nna yene.+ 14 Byalo, mo nna wa gore ke nna Morena le Thitšere ke le hlapisiye mawoto,+ di ra gore le lune di nyaka* le hlapisane mawoto.+ 15 Ka gore ke le beyisele, gore tso ke di makiyeng le lune le di make.+ 16 Ke le botsa nnete gore lelata le ka sa phale mong wa lona, le ye ba mo rommeng aa phale ye a mo rommeng. 17 Mo le tšiba dilo tsowa, le ya jabola mo le di maka.+ 18 A ke bolabole ka lune ka mokana ga lune, ke tšiba bo ke ba hlawodiyeng. Mara di f’lo ba ka mokgonone gore go makege tso di hlayang ke mangwalo tsa gore:+ ‘Ye ne a ja tsa go ja tsaka, o njikele.’+ 19 Go tlugisela gana byalo, ke nyoko le botsa tsona di soko makega, gore mo di makega le thogo tshepa gore ke nna yene.+ 20 Ka nnete ke ya le botsa, ye a yamogelang ye ke mo rommeng, o yamogela le nna,+ le ye a yamogelang nna, o yamogela le Ye a nrommeng.”+

21 Mo Jeso a fetsa go hlaya tsotsone, a kwa go baba, a re: “Ka nnete ke ya le botsa, ye mongwana ho ga lune o nyoko nrekisa.”+ 22 Malata yage ma thomisa go lebeletsana, ma sa kwisisi gore o bolabola ka mang.+ 23 Lelata le lengwana la gore Jeso ke mo a kwana nalo ka matla+ ke mo le kgapamme ho thina gage. 24 Byalo, Simone Petro a šupa lelata lela ka hlogo a re: “Re botse gore o bolabola ka mang.” 25 Byalo, lelata lela la tithega ka sekguba sa Jeso, la re gage: “Morena, o ra mang?”+ 26 Jeso a fetola a re: “Ke ye ke nyoko mo neyang sekgwa so ke nyoko se šibang ka mo sitšeng.”+ Byalo, a šiba sekgwa sela ke mokane a se neya Judase, morwayi wa Simone Iskariyoti. 27 Mo Judase a fetsa go tseya sekgwa sela, a kena ke Sathane.+ Jeso a re gage: “Yakgoswa o make so o se makang.” 28 Mara bo ba duling hone tafoleng, ne ba sa kwisisi gore ke ntaba a mmotsa tsotsone. 29 Ba bangwana ke mo ba nagana gore ka gore Judase ke yene ye ne a tshwara lebhokisi la moneyelo,+ Jeso ke mo a mmotsa gore, “Reka dilo tso di nyakegang mo monyanyeng,” kela ke mo a re a neye bo ba go tihlupegela se sengwana. 30 Byalo, mo a fetsa go tseya sekgwa sone, a napa a tšwa. Ke mo go le bošego.+

31 Mo a šele a yye, Jeso a re: “Byalo Morwayi wa motho o šele o gadimisiwwe,+ le Modimo o gadimisiwwe naye. 32 O nyoko gadimisa ke Modimo ka boyene mong+ fote o nyoko mo gadimisa ka nako yonone. 33 Lune bana ba banyana, ke nyoko ba le lune tsa senakonyana. Le nyoko nyakana le nna; fote go fo tshwana le ka mokgo ke butsiyeng Majuda, ‘Mo ke yang gona, le ka sa kgone go tla,’+ gana byalo ke botsa le lune. 34 Ke le neya molawo wa nyuwane, wa gore le nyakanane; go fo tshwana le mo nna ke le nyakiye,+ le lune le nyakanane.+ 35 Batho ka mokana ga bona ba ko di tšibeng gore ke lune malata yaka⁠—mo le nyakanana.”+

36 Simone Petro a re gage: “Morena, o ya kaye?” Jeso a re: “Mo ke yang gona o ka sa nlatelele mara o ko boya o tla.”+ 37 Petro a re: “Morena ke ntaba o sa nyake ke go latelela gana byalo? Ke nyoko neyela ka lephelo laka sekaleng sago.”+ 38 Jeso a fetola a re: “Ayitsano o ka neyela ka lephelo lago sekaleng saka? Ka nnete ke ya le botsa, o ko ba o mphigiye ga kararo mo phooko yi soko lika.”+