Mathesalonika wa Mathomo
4 Sa mafelelo magageru, le maka dilo tsa go jabodisa Modimo+ go fo tshwana le ka mokgo re le tšhutisiyeng ka gona, mara gana byalo re bolabola ka lebitso la Morena Jeso, re le kgopela gore le fo ya mahlong le maka ka mokgonone. 2 Ka gore le tšiba tso re le butsiyeng tsona tsa gore di tšwa ga Morena Jeso.
3 Ka taba la gore Modimo o nyaka gore le hlawolege+ fote le kganele kgole le bonghwahla.*+ 4 Di nyaka gore ye mongwana le ye mongwana a kgone go lawola mmele wage+ gore wo hlawolege+ fote wo hlompege, 5 a sa be le dipawu fote a sa tshwane le batho ba ditšhaba ba gore a ba tšibi Modimo+ ba go fo dula ba nabela go yetsela le batho ba bangwana.+ 6 Go sa be le motho wa gore wa fetelela, wa kraya a šele a yimetsa mogageru, ka taba la gore Jehova* o nyoko mo wolola mo a maka tsotsone go fo tshwana le mo re yye ra le botsa ra boya ra le pasopisa ka tsona. 7 Ka gore mo Modimo a re bitsa ke mo a sa re bitsele gore re make dilo tsa go sa yela mara o re bitsele gore re make dilo tsa go hlawolega.+ 8 Byalo, motho wa gore aa di tseyele gedimo dilo tsowa, aa layi batho mara o laya Modimo+ wa gore o le neya moya wa go hlawolega.+
9 Mara mo re tla ga taba yowa ya go nyakanana,+ a di nyake re šinya re le ngwalela ka yona, ka taba la gore Modimo o le tšhutisiye gore le nyakanane.+ 10 Gabutšibutši, ke tso le di makelang magageru ya Masedoniya. Mara re ya le kgopela magageru gore le fo ya mahlong le maka ka mokgonone. 11 Tikemiseleneng go dula le bebiye+ fote le sa kenakene ditaba tsa batho+ fote le berekeneng+ go fo tshwana le ka mokgo re le tšhutisiyeng ka gona, 12 gore batho ba di bone gore le titshwere gabutši+ fote a le gayele selo.
13 Go tokegela gana hone magageru, taba yowa ya bo ba hlokofeleng+ re nyaka le yi kwisise gabutši gore le sa nape le lla ka matla go tshwana le bo ba gore a ba na so ba se tshepiyeng.+ 14 Ka gore mo re dumela gore Jeso o kgwile a boya a tsoga,+ di nyaka re dumela gore Modimo o nyoko tsosa bo ba gore ba kgwile ba kene ba mo latelela, gore ba thogo ba le Jeso.+ 15 Ka taba la gore tso ke le botsang tsona di tšwa ga Jehova* gore rune bo re nyoko bang re phela re nyoko yinugela legedimong mo Morena a segela. Mara go nyoko thomisa bo ba gore ba šele ba hlokofele ke mokane rune ra ya ka nthago. 16 Ka gore Morena o nyoko thewoga ka boyene a tšwa legedimong a yahlamela ka lentsu la ndhuna ya mangeloyi+ a tshwere le phalafala ya Modimo, ke mokane bo ba gore ba hlokofele ba kene ba latelela Kreste ba nyoko thomisa ka bona mo go tsusiwa bo ba kgwileng.+ 17 Ka nthago ga hone, rune ba gore re sa phela re nyoko tseyiwa nabo ka maru+ re ye gahlana le Morena+ ku sebakabakeng fote re nyoko dula re le naye.+ 18 Byalo, ariyeneng mahlong le kgomoletsana ka mantsu yawa.