Jesaya
21 Tsowa ke tsa go sasamela tsa gore di nyoko tlela mašahla ya lewatleng:*+
Di nyoko tla go tshwana le sedingwane sa gore se nyoko suwelanya ka nthoko ya borwa,
Di nyoko tšwa mašahleng, ga poleke ya go tshosa.+
2 Ba nšupetsiye mmono wa dilo tsa go sasamela wa gore:
Motho wa go sa loka o maka dilo tsa go šupetsa gore aa loka,
Le motho wa go sinyanya, wa sinya.
Yinuga, wene Elama! Wene Mede hlasela!+
Ke nyoko fetsa ka dilo ka moka tsa go hlupegisa batho tsa gore yene* o ba leyele tsona.+
3 Mmono wowa wo makiye gore ke kwe go baba.+
Ke tshwere ke lešoko
La go tshwana le la mosadi mo a nyoko belega,
Ke šekela tsela tsa gore a ke kgone le go theetsela;
Ke kwile go baba tsela tsa gore a ke kgone le go bona.
4 Pelo yaka ya lelemela; ke ya hlagasela ka go tšhoga.
Nako ya mo letšatši le kgwalala ya gore ne ke yi yemele yi maka gore ke hlagasele.
5 Lukisaneng ditafola le ditulo!
Janneng fote le nweneng!+
Lune dindhuna, tlogamelaneng le tlotseneng legawu makgura!
6 Tsowa ke tso Jehova a mputsiyeng tsona:
“Ariye, o beye matšinghelane fote o mmotse gore a go botse tso a di bonneng.”
7 A bona sekotšikara sa ntwa se na le mogoba wa dipera,
Sekotšikara sa ntwa sa dibhongholo,
Sekotšikara sa ntwa sa dikamela.
A di pombhola a ntshiye maahlo dikwakweng.
8 Byalo a gowelela nkare ke tawu a re:
“Wene Jehova, ke fo dula ke yemme gedimo ga sewokamelo letšatši ka moka,
Fote ke dula ke yemme mo ke tshwaneleng go pasopa gona bošego byo bongwana le byo bongwana.+
9 Lebelela tso di tlang:
Banna ba ntwa ba gore ba kalamme dikotšikara tsa ntwa ba sepela ba na le mogoba wa dipera!”+
Ke mokane a yahlamela a re:
“O wile! Bhabhilona o wile!+
Medimonyana yage ya dithombhe ka mokana ga yona o yi pshyayannye!”+
10 Awwi lune batho baka ba gore ba le gatelannye,
Lune ba go tshwana le mabele ya gore ba ma tudiye,+
Ke le botsa tso ke di kwileng ga Jehova wa masole, yene Modimo wa Israyele.
11 Tsowa ke tsa go sasamela tsa gore di nyoko makegela Duma:
Go na le motho wa gore o mpitsa a le ku Seyiri,+ o re:
“Wene matšinghelane, anthe bo nyoko sa neng?
Wene matšinghelane, anthe bo nyoko sa neng?”
12 Ke mokane matšinghelane a re:
“Bo nyoko sa go se botala, fote go nyoko boya go fifala.
Mo nkare le nyaka go butsisa, butsisaneng.
Le boyeneng fote!”
13 Tsowa ke dilo tsa go sasamela tso di nyoko makegang ga poleke ya kgwaakgwa:
Lune ba go sepela le dikamela ba go tšwa Dedani,+
Le nyoko dula bošego ka moka ku mašahleng, gana ku ga poleke ya kgwaakgwa.
14 Tlanneng le meetši le neye bo ba gore ba wonngwe,
Lune ba go dula ga naga ya Tema,+
Fote tlanneng le sekgwa le neye bo ba gore ba nyaka poleke ya go tšhabela ga yona.
15 Ka taba la gore ba tšhabiye disabola, yona sabola ya gore ke mo yi ba hlasela,
Ba tšhabiye mesefo ya gore ba yi gogiye le ntwa ya gore yi tshosa ka matla.
16 Ka gore tsowa ke tso Jehova a mputsiyeng tsona, o yitseri: “Matšhika ya Kedara+ go nyoko fela ka wona ka mongwaga ka wwoši, go fo tshwana le mengwaga ya motho wa gore ba mo hiriye. 17 Masole ya ma šeleng ya go lwa ka mesefo ya go tšwa Kedara go nyoko ba ya manyana ka matla, ka taba la gore go hlayye Jehova Modimo wa Israyele.”