Lengwalo la Mathomo la Johane

2 Lune bana baka, ke le ngwalela dilo tsowa gore le sa sinyi. Mara mo ye mongwana a ka tšhoga a sinnye, re na le wa go re yemelela* ga Papa, yene Jeso Kreste+ wa go loka.+ 2 Fote ke yene sehlabelo+ sa tso re di sinnyeng+ gore re boyele re nghanelane le Modimo, aa makela rune re ntoši o makele le batho ba lefase lowa ka mokana ga lona.+ 3 Mo re ya mahlong re theetsela melawo yage re ko ba re šupetsa gore re ya mo tšiba. 4 Motho wa go hlaya gore, “Nna ke šele ke ya mo tšiba,” mara a sa theetsele melawo yage o na le matsaka fote motho yene aa na nnete. 5 Ye a theetselang lentsu lage, o šupetsa gore ga Modimo o mo nyaka tsa mannete.+ Mo re maka ka mokgonone re ko ba re šupetsa gore re selo ka ssoši naye.+ 6 Ye a reng yene ke selo ka ssoši naye, di ra gore wa titlema gore o nyoko phela go tshwana le ka mokgo Jeso a phidiyeng ka gona.+

7 Lune magageru ya ke ma nyakang ka matla a ke le neye molawo wa nyuwane, ke fo ba ke le ngwalela ka molawo wa botala, wa gore le wo tšibiye go tlugisela mathomisong.+ Molawo wowa ke wonola le wo tšibang. 8 Ke le ngwalela molawo wa nyuwane wa gore o yye a wo latelela fote le lune le ya wo latelela ka taba la gore letshwifi le kene le ya tloga ke mokane go ba le go khanya ga mannete.+

9 Ye a reng yene o ga go khanya mara a hloyye+ bhuti wage o sa fo ba letshwifing.+ 10 Ye a nyakang bhuti wage ka matla o dula a le ga go khanya,+ fote a go na so se ka makang gore a phiriketsege. 11 Mara ye a hloyyeng bhuti wage o letshwifing+ fote o sepela letshwifing,+ aa tšibi gore o ya kaye ka taba la gore letshwifi le mo kwadiye maahlo.

12 Ke le ngwalela dilo tsowa bana baka, ka taba la gore le Modimo o le tshwarele ga tso le di sinnyeng ka taba la lebitso lage.+ 13 Lune bopapa, ke le ngwalela dilo tsowa ka gore le šele le tšiba ye wa gore ke mo a le gona go tlugisela mathomisong. Lune masogana, ke le ngwalela ka gore le hludiye ye wa pelo ye phifadu.+ Lune ba banyana, ke le ngwalela ka taba la gore le šele le tšiba Papa.+ 14 Lune bopapa, ke le ngwalela dilo tsowa ka taba la gore le šele le tšiba ye wa gore ke mo a le gona go tlugisela mathomisong. Lune masogana, ke le ngwalela ka taba la gore le sa tiyelele+ fote le dumela lentsu la Modimo,+ le hludiye ye wa pelo ye phifadu.+

15 Le sa kwane le lefase lowa kela dilo tso di leng ho lefaseng.+ Ye mongwana le ye mongwana ye a kwanang le dilo tsa lefase lowa, di ra gore ga Papa aa mo nyake le ka gonyana,+ 16 ka gore dilo ka mokana ga tsona tsa ho lefaseng tso di nabelang ke mmele,+ tso di nabelang ke maahlo+ le tso motho a di makang tsa go nyaka gore batho ba mmone, a di tšwe ga Papa, ke tsa howa lefaseng. 17 Go tokegela gana hone, lefase le ya feta le dilo tsa lona,+ mara ye a makang tso Modimo a di nyakang o nyoko fo dula a le gona go ya go yye.+

18 Lune bana baka, gana byalo ke awara ya mafelelo fote le di kwelele tsa gore ye wa go ganetsa Jeso o yetla,+ mara le gana byalo batho ba gore ba ganetsa Jeso ba šele ba nyarele,+ tsotsone di napa di šupetsa gore re ga awara ya mafelelo. 19 Ba tlugiye ho ga rune, ka taba la gore ke mo ba sa tshwane le rune,*+ hala ba tshwana le rune nke ba sa tloga, ke mo ba nyoko dula le rune. Mara ba tlugiye, gore di thogo bonala gabutši gore a yi motho ye mongwana le ye mongwana wa gore o tshwana le rune.+ 20 Fote lune le hlawodiye ke ye wa gore o hlawolegiye+ fote ka mokana ga lune le tšiba nnete. 21 A yi gore mo ke le ngwalela borifi byowa di ra gore a le tšibi nnete,+ le ya yi tšiba fote nnete a yi sipidisane le matsaka.+

22 Ke mang wa go bolabola matsaka mo go se ye wa go ganetsa taba ya gore Jeso ke Kreste?+ Yenene aa kwane le Kreste+ fote aa dumele ga Papa le ga Morwayi. 23 Ye a phigisanang le Morwayi aa kwane le Papa.+ Mara ye mongwana le ye mongwana ye a kwanang le Morwayi,+ ke setšha a kwana le Papa.+ 24 Mara lune tso le di kwileng mathomisong le sa di libale,+ mo nkare a le di libale le nyoko dula le le selo ka ssoši le Morwayi fote le le selo ka ssoši le Papa. 25 Go tokegela gana hone, yene mong o re tshepisiye lephelo la go ya go yye.+

26 Ke le ngwalela dilo tsowa ke le botsa ka bowa ba gore ba nyaka go le ntsha pateng. 27 Mara ka taba la gore lune Modimo o le hlawodiye+ a berekisa moya wage wa go hlawolega fote le na le moya wone, a di nyake gore go be le wa go le tšhutisa, byalo Modimo o berekisa moya wone gore a le tšhutise dilo ka mokana ga tsona+ fote moya wone a wo na matsaka. Byalo ariyeneng mahlong le le selo ka ssoši naye ka mokgo moya wone wo le tšhutisiyeng ka gona.+ 28 Byalo bana baka ariyeneng mahlong le le selo ka ssoši naye gore re thogo bolabola re sa tšhabe selo mo a nyarela+ fote re sa kwe re tšeba mahlong gage. 29 Mo nkare le ya di tšiba tsa gore o lukiye di ra gore le ya di tšiba le tsa gore ye mongwana le ye mongwana ye a makang dilo tsa go loka ke ngwanage.+