Tsowa di Hlatolla ke Johane

16 “Ke le butsiye dilo tsowa gore le sa phiriketsege. 2 Batho ba nyoko le raka sinagogeng.+ Gabutšibutši, nako ya tla ya gore ye mongwana le ye mongwana ye a le bolayang,+ o ko ba a nagana gore o makela Modimo mmereko wa go hlawolega. 3 Mara ba nyoko maka dilo tsowa ka gore a ba soko tšiba Papa kela nna.+ 4 Le mo go le ka mokgonone, ke le butsiye dilo tsowa gore mo nako ya gore ba le make dilo tsone yi segela, le ko thogo gopola gore ke le butsiye.+

“A ke ya le botsa dilo tsowa mathomisong ka taba la gore ke mo ke na le lune. 5 Mara gana byalo ke ya ga ye a nrommeng;+ mara a go na motho le ka wwoši ho ga lune ye a mputsisang gore, ‘O ya kaye?’ 6 Gana byalo le kgongwele ka taba la gore ke le butsiye dilo tsowa.+ 7 Le mo go le ka mokgonone, ke le botsa nnete, tsa gore ke ya sepela di gelepa lune. Mo nka sa sepele, ye a nyoko le gelepang*+ a ka sa tle; mara mo nka sepela ke nyoko mo romela ga lune. 8 Mo yenene a tla, o nyoko napa a šupetsa lefase gore le na le tso le di sinnyeng, o nyoko šupetsa gore ke maka dilo tsa go loka fote o nyoko šupetsa lefase gore Modimo o yahlula mang. 9 Mara o nyoko thomisa ka go šupetsa gore lefase lowa le sinnye,+ ka gore a le dumele gaka.+ 10 O nyoko šupetsa lefase gore ke maka dilo tsa go loka, ka taba la gore ke ya ga Papa fote le ka sa sa mpona. 11 O nyoko šupetsa gabutši gore Modimo o yahlula bomang, ka taba la gore o šele a yahludiye ye a lawolang lefase.+

12 “Ke sa na le dilo tsa go tlala tso ke nyakang go le botsa tsona, mara di nyoko le šita go di rwala gana byalo. 13 Mara mo moya wa go hlawolega wa go šupetsa dilo tsa gore ke nnete wo tla,+ wo nyoko le yetetsa gore le kene nneteng, ka gore wo ka sa bolabole tsa wona beng mara wo nyoko bolabola tso wo di kwang, wa le botsa le tso di sa tlang.+ 14 Moya wone wo nyoko n’gadimisa+ ka taba la gore wo nyoko le botsa tso di tšwang gaka.+ 15 Dilo ka mokana ga tsona tso Papa a nang natso ke tsa gaka.+ Nka taba lo ke hlayyeng gore wo nyoko le botsa tso di tšwang gaka. 16 Go se botala le ka sa sa mpona,+ fote ka nthago ga nakonyana le nyoko mpona.”

17 Mo a reyane, malata yage ya mangwana ma bolabodisana ma re: “O ra gore king mo a re, ‘Go se botala le ka sa sa mpona, fote ka nthago ga nakonyana le nyoko mpona,’ ‘ka taba la gore ke ya ga Papa’?” 18 Byalo ke mo ba re: “O ra gore king mo a re, ‘ka nthago ga nakonyana’? A re tšibi rune gore o bolabola ka ying.” 19 Jeso ke mo a di tšiba gore ba nyaka go mmutsisa, byalo a re ga bona: “Le butsisana ka taba la gore ke yitseri: ‘Go se botala le ka sa sa mpona, fote ka nthago ga nakonyana le nyoko mpona’? 20 Ke le botsa nnete, le nyoko lla le gotla mara lefase le nyoko jabola; lune le nyoko kwa go baba, mara go lla ga lune go nyoko tšhentšha la fetsa le jabodiye.+ 21 Mo mosadi a belega o kwa go baba ka matla, ka taba la gore nako yage ya go belega yi segele, mara mo a šele a belegiye, tsa gore o yye a kwa go baba wa libala ka tsona ka taba la gore o jabodisa ke gore go belegiwwe ngwana lefaseng. 22 Byalo, le lune le kwa go baba gana byalo; mara ke nyoko boya ke le bona, fote le nyoko jabola ka ho dipelong,+ a go na ye a nyoko makang gore le sa jabole. 23 Le ka sa mputsise selo ka letšatši lone. Ke le botsa nnete, se sengwana le se sengwana so le se kgopelang ga Papa ka lebitso laka, o nyoko le neya sona.+ 24 A le soko kgopela selo ka lebitso laka go segela gana byalo. Kgopelaneng, ba nyoko le neya gore le jaboleneng ka matla.

25 “Ke le butsiye dilo tsowa ke berekisa mešupetso. Mara nako ya tla ya gore ke sa sa berekisa mešupetso, ke nyoko le botsa ka Papa ke sa wutetsi selo. 26 Ka letšatši lone le nyoko kgopela dilo ga Papa ka lebitso laka; mara mo ke hlaya tsone a ke rele gore ke nyoko le kgopelela. 27 Ka taba la gore le šupetsiye gore le nnyaka ka matla, fote le tshepiye gore ke yemela Modimo, le Papa o le nyaka ka matla.+ 28 Ke tlele Papa sekala ho lefaseng. Mara gana byalo ke ya tloga, ke ya ga Papa.”+

29 Malata yage ma re: “Gana byalo o bolabola gabutši, a o sa berekisa mešupetso. 30 Byalo, re ya di tšiba gore o tšiba dilo ka mokana ga tsona, a di nyake re šinya re go butsisa. Re ya tshepa ka dilo tsowa gore o tšwa ga Modimo.” 31 Jeso a ba butsisa a re: “Le šele le ya tshepa byalo? 32 Bonaneng! Nako ya tla, fote yi šele yi segele ya gore le nšiye ke ntoši le palakane, ye mongwana le ye mongwana a ye gaye gage.+ Mara a ke ntoši, ka gore ke na le Papa.+ 33 Ke le butsiye dilo tsowa gore le thogo beba ka taba laka.+ Le nyoko hlupegisiwa ho lefaseng, mara šišimalaneng! Lefase lowa ke le hludiye.”+