Mebereko ya Mapostola
28 Mo re segela, ra kwa gore poleke yone ya go dukulugela ke meetši ba re ke Malta.+ 2 Batho ba gana hone ba gore ba bolabola mmolabolo wa gore a re wo tšibi, ba re tshwara gabutši ka matla. Ba gotsa mollo, ba re yamogela ka matsogo ka mabedi ka mokana ga rune ka gore ke mo go na pula fote go bata. 3 Mara Pawulo a ya a nyakana le diphatane tsa mahlare, a di tšhela ku mollong, gwa nyarela noga ya marabye ka taba la gore ke mo yi kwa go fisa, ya mo tantela letsogo lo. 4 Mo bala ba gore ba bolabola mmolabolo wa gore a re wo tšibi ba bona noga yela yi mo tantele ho letsogong, ba thomisa go bolabodisana bona beng ba re: “Monna yewa ke sekgohlane, le mo a kgonne go phona ku lewatleng, ye wa go yahlula gabutši* aa mo dumelela gore a ye mahlong a phela.” 5 Mara a rothothela noga yela hala mollong fote ke mo yi sa mo kwaletsa. 6 Ke mo ba yemele gore a roroge kela a kgwe. Mo ba šele ba yemme nako ya go lefa ba bona gore a go makege selo, ba tšhentšha monagano ba thomisa gore ke modimo.
7 Ga naga yone ke mo go na le wa go lawola dipoleke tsa go dukulugela ke meetši, ye ba reng ke Pubhliyase, a re yamogela ra dula gaye gage matšatši kararo ya wona. 8 Di f’lo makega gore papa wa Pubhliyase ke mo a yetsele mpetong a lwala, a fo fisafisa mmele fote a bolaya ke teng, Pawulo a ya a mo rapelela, a mmeya matsogo, a mo yalafa.+ 9 Mo tsotsone di šele di makegiye, batho ka mokana ga bona ba mone ga poleke ya go dukulugela ke meetši ba gore ke mo ba lwala, ba thomisa go tla gage gore a ba yalafe.+ 10 Ba re neya le dilo tsa go tlala tsa gabutši, byalo mo re šele re le thina le go sepela ka sekepe, ba re neya dilo tso re di hlokang.
11 Ka nthago ga kararo ya dikgwedi, re yye ra sepela ka sekepe sa go ngwadiwa gore “Barwayi wa Zewusi,” sekepe sone ke mo se tšwa Alekzandriya fote se fetsiye marega ka moka se le ga poleke yone ya go dukulugela ke meetši. 12 Mo re segela ku Sirakhuse, ra beya sekepe sa rune, ra fetsa kararo ya matšatši re le gana hone; 13 mo re tloga gona ra ya Righiyamo. Ka motshwana wa gona, gwa thomisa moya wa go tšwa borwa, ra segela Phuthiyoli ka letšatši la go latela. 14 Re krayye go na le magageru gana hone, ba re kgopela gore re dule nabo kašupa ya matšatši, ke mokane ra ya Roma. 15 Mo magageru ma kwa ka rune, ma tla mmakete wa Aphiyose le ga poleke yo ba reng ke Kararo ya Dikamara Tsa Bayeng. Mo Pawulo a ma bona, a leboga Modimo, fote a šišimala.+ 16 Mo re šele re kenne ku Roma, ba dumelele Pawulo gore a dule gage a ntoši a pasope ke lesole.
17 Mara ka nthago ga kararo ya matšatši, a bitsa banna ba bagolo ba Majuda. Mo ba šele ba gahlanne a re ga bona: “Magageru, a ke ya sinyela motho kela setšo sa bokokwane ba rune,+ mara ba ntshwere ku Jerusalema ba nkisa ga Maroma.+ 18 Mo ba fetsa go lebelela taba yaka gabutši,+ ne ba nyaka go ntisetsa gore ke sepele ka taba la gore ke mo go se na selo so se ka makang gore ke bolayiwe.+ 19 Mo Majuda ma gana go nlokolla, ka gapeletsega gore ke ye tipolabolela ga Kesara,+ mara go se ka taba la gore ne go na le so ke se solang ka batho ba setšhaba saka. 20 Sosone se makiye gore ke nyake go le bona le go bolabola le lune, ba ntlemme ka diketane ka taba la gore ke dumela so Maisrayele ma se yemeleng.”+ 21 Ba re gage: “Rune a re ya kraya marifi ya go tšwa Judiya ya go bolabola ka wene fote magageru ya go tšwa gana ku a maa re begela kela ma bolabola selo sa go befa ka wene. 22 Mara re tlile mo gago gore re tle re kwe gore wene o yi bona byang taba yowa, ka taba la gore batho ba go tlala+ a ba dumelelane le sedumedi sowa.”+
23 Ba kwana gore ba nyoko gahlana naye leng, gwa tla batho ba go tlala mo a dulang gona. Fote go thomisa ka bošego go segela ka malobana a ba hlayisela taba yone gabutši fote a ba tšhomayelela ka Mmušo wa Modimo, a ba hlohletsela gore ba dumele ga Jeso+ a berekisa Molawo wa Moše+ le Baporofeta.+ 24 Ba bangwana ba thomisa go dumela tso ke mo a di bolabola, mara ba bangwana ba sa dumele. 25 Byalo, ka taba la gore ke mo ba sa dumelelane, ba thomisa go tloga, Pawulo a re ga bona:
“Moya wa go hlawolega wo bolabodiye le bokokwane ba lune wo berekisa Jesaya wa go porofeta, 26 wa re, ‘Ariye o ye botsa batho bowa gore: “Go kwa le ko kweng mara le ka sa kwisisi fote le nyoko lebelela mara le ka sa boni.+ 27 Ka gore dipelo tsa batho bowa di ghwannye, go kwa ba kwile mara a ba thogathoge, ba kwadiye maahlo ya bona le ditsebe tsa bona gore ba sa kgone go bona fote ba sa kgone go kwa, gore ba kwisise ke mokane ba sokologe nna ke thogo ba yalafa.”’+ 28 Byalo, le di tšibeneng gore molayetsa wowa wa Modimo wo nyoko butsiwa ditšhaba tse dingwana;+ fote tsona di nyoko wo theetsela.”+ 29* ——
30 A fetsa mengwaga ka mmedi a dula ntlong ya gore o yi hiriye,+ ke mo a yamogela ye mongwana le ye mongwana ye ke mo a tla gage, 31 a ba tšhomayelela ka Mmušo wa Modimo fote a ba tšhutisa le ka Morena Jeso Kreste a sa tšhabe selo,*+ go se na so se mo šitisang.