Jeremiya
31 “Ka nako yonone,” go hlaya Jehova, “ke nyoko ba Modimo wa mitši ka mokana ga yona ya Israyele ke mokane bona go nyoko ba batho baka.”+
2 Tsowa ke tso Jehova a di hlayang:
“Batho bo ba phonneng sabola ba ro ba kwela go baba ku mašahleng
Mo Israyele yi sepela yi ya ga poleke ya yona ya go khutsa.”
3 Jehova o tlile gaka a tšwa kgole a re:
“Ke šupetsiye gore ke go nyaka ka matla fote ke nyoko dula ke go nyaka.
Nka taba lo ke šupetsang gore ke dula ke go nyaka ka matla.+
4 Ke nyoko maka gore le hluhlutele, le nyoko ba setšhaba fote.+
Wene kgareba ya Israyele, o nyoko tseya meropa yago fote
Ke mokane wa yi teya, wa bina o jabodiye ka matla.+
5 Lune le nyoko gaša mehlare ya didhriva fote ku dithabeng tsa Samariya;+
Bo ba gašang ba nyoko gaša ba boya ba ja diyengwa tsa gona.+
6 Ka gore go tla letšatši la gore bo ba go ghada ba ku dithabeng tsa Eforayimi ba yahlamele ba re:
‘Tlogamelaneng, koriyeneng ku Siyoni ga Jehova Modimo wa rune.’”+
7 Ka gore tsowa ke tso Jehova a di hlayang:
“Yahlamelaneng le makeneng gore Jakobo a kwe gore le jabodiye.
Yahlamelaneng le jabodiye ka taba la gore le phala ditšhaba tse dingwana.+
Bolabolaneng molayetsa wowa; le bolabole mantsu ya go thanaka le re,
‘Barena Jehova, phonisa batho bago ba gore ba šele ba Israyele.’+
8 Ke nyoko ba buyisa ba tšwa ga naga ya ka lebowa.+
Ke nyoko ba kgobaketsa ba tšwa ga dipoleke tsa kgole tsa lefase.+
Mone gare ga bona go nyoko ba le batho ba go popela maahlo le dikoka,+
Mosadi wa gore o yimme le mosadi wa gore wa belega ba nyoko ba ggoši.
Ba nyoko boya go le phutego ye kgolo.+
9 Ba nyoko tla ba gotla.+
Ke nyoko ba yeta mahlong mo ba kene ba nkgopela gore ke ba kwele go baba.
Ke nyoko ba yetetsa ka ba yisa ga didiba tsa meetši,+
Ga pata ya gore yi psyatlalele ya gore ba ka sa phikege.
Ka taba la gore ke nna Papa wa Israyele, fote Eforayimi ke letšibula laka.”+
10 Lune ditšhaba, theetselaneng lentsu la Jehova,
Le boye le le sabalatse dipolekeng tsa kgole tsa gore di dukulugele ke meetši, le re:+
“Ye wa gore o palakannye Maisrayele o nyoko ma kgobaketsa fote.
O nyoko ma pasopa go tshwana le mo wa go disa a pasopa morape wage.+
12 Ba nyoko tla, ba yahlamela ba jabodiye ba le gedimo ga Thaba ya Siyoni+
Fote ba nyoko jabola ka matla ka taba la gore ba bonne gore Jehova o lukiye,
Fote ba nyoko jabolela mabele, wayini ya nyuwane,+ makgura,
Diphoolwane tse dinyana tsa morapeng le dinamane.+
13 “Ka nako yonone kgareba yi nyoko bina yi jabodiye,
Le masogana le bakgalabye.+
Ke nyoko maka gore ba sa sa lla mara ba jabole.+
Ke nyoko ba kgomoletsa, ka maka gore ba jabole fote ba sa sa kgongwela.+
14 Ke nyoko kgotsofatsa maprista,
Fote batho baka ba nyoko kgotsofala ka taba la gore ke lukiye,”+ go hlaya Jehova.
15 “Tsowa ke tso di hlayang ke Jehova, o re:
‘Go kwagala lentsu la motho ku Rama,+ wa lla fote wa gotla:
Reyitšhele o llela barwayi bage.+
Fote aa nyake go kgomoletsiwa,
Ka taba la gore ba timele.’”+
16 Tsowa ke tso Jehova a di hlayang:
“‘O sa sa lla, fote sula dinepedi,
Ka taba la gore go na le patela ya tso o di makang,’ go hlaya Jehova.
‘Ba nyoko boya ba tšwa nageng ya lenaba.’+
17 ‘Ku mahlong o nyoko makegela ke dilo tsa gabutši,’+ go hlaya Jehova.
‘Barwayi bago ba nyoko boyela ga poleke ya bona.’”+
18 “Ka nnete ke kwile mo Eforayimi a lla a re,
‘O n’wolodiye, ka šala ke wolologiye,
Go tshwana le senamane sa gore a se soko tšhutisiwa selo.
Maka gore ke sologe ke boye, ke mokane nna ke nyoko boya,
Ka taba la gore ke wene Jehova Modimo waka.
19 Ka nthago ga gore ke sologe, ke tisodiye;+
Ka nthago ga go maka gore ke kwisise ke titeyye serope ka taba la go kwa go baba.
Ke mo ke tšebiye fote ke poyilegiye,+
Ka taba la tso ke di makiyeng ke sa le ye monyana.’”
20 “Anthe Eforayimi a yi morwayi waka ye ke mo tseyelang gedimo wa gore fote ke mo nyaka ka matla?+
Le mo ke fela ke bolabola gore o nyoko tlela ke dilo tsa go sasamela, ke sa na ke mo gopola ka matla.
Nka taba lo ke kwang ke mo nyaka ka matla.+
Fote ke nyoko ro mo kwela go baba,” go hlaya Jehova.+
21 “Mereka pata ka tsa go mereka,
O boye o mereke ka matlapa.+
O sa yi takisi maahlo pata ye kgolo yo o tshwaneleng go sepela ka yona.+
Sologa wene kgareba ya Israyele, boya ga mitši yo yago.
22 Wene morwediya wa go sa tshepege, anthe o nyoko jikajika go segela leng?
Ka taba la gore Jehova o makiye selo sowa sa nyuwane ho lefaseng sa gore:
Mosadi o nyoko nyaka monna tlase le kgakala.”
23 Tsowa ke tso Jehova wa masole, yene Modimo wa Israyele a di hlayang: “Mantsu yawa ba nyoko ma bolabola fote le ga naga ya Juda le mitši ya yona mo ke kgobaketsa batho ba bona ba gore ke mabhantiti: ‘Nkare Jehova a ka go rufa, wene poleke ya gabutši ya go dula ga yona,+ wene thaba ya go hlawolega.’+ 24 Fote Juda le mitši ya yona ka moka yi nyoko dula gona, le bo ba go lima le bo ba go yeta morape mahlong.+ 25 Ka gore ye wa go kgongwela ke nyoko mo neya matšhika ke mokane ye wa go lelemela ke nyoko maka gore a kgotsofale.”+
26 Byalo ka tsoga fote ka bula maahlo, boroko byaka ke mo bo natefa.
27 Jehova o re: “Bonaneng! Go tla matšatši ya ke nyoko makang gore ba mutši wa Israyele le ba mutši wa Juda ba yeketsege, fote le diphoolwane tsa bona di yeketsege.”+
28 “Ne ke nyakela lešuba la gore ke ba tomole, ke ba tšhofe gore ba we, ke ba wise fase, ke fetse ka bona ke boye ke ba kwaletsanye,+ byalo ke nyoko ba pasopa ka boya ka ba gaša,”+ go hlaya Jehova. 29 “Ka matšatši yanane ba ka sa sa re, ‘Bopapa ba jile didhriva tsa go gakga, mara barwayi ba bona ke bona di ba tšhabisang meno.’+ 30 Ye mongwana le ye mongwana o nyoko kgwa ka taba la tso a di sinnyeng. Fote ye a jang didhriva tsa go gakga go nyoko tšhaba ya gage meno.”
31 Jehova o re: “Bonaneng! Go nyoko tla matšatši ya gore ke nyoko maka kwano ya nyuwane le ba mutši wa Israyele le ba mutši wa Juda.+ 32 Kwano yowa yi ka sa tshwane le kwano yo ke yi makiyeng le bokokwane ba bona ka letšatši lo ke ba tshwereng ka letsogo ke ba ntsha nageng ya Egepita,+ ‘a baa maka tso re kwanneng ka tsona,+ le mo ba di tšiba gore ke nna mong wa bona,’ go hlaya Jehova.”
33 “Ka gore yowa ke kwano yo ke nyoko yi makang le ba ntlo ya Israyele ka nthago ga matšatši yanane,” go hlaya Jehova. “Ke nyoko maka gore ba tšibe molawo waka,+ fote ke nyoko wo ngwala ka ho dipelong tsa bona.+ Nna ke nyoko ba Modimo wa bona ke mokane bona go nyoko ba batho baka.”+
34 “Fote motho a ka sa sa tšhutisa moyagelane wage kela bhuti wage a re, ‘Tšiba Jehova!’+ Ka taba la gore ka mokana ga bona ba nyoko ba ba ntšiba, go tlugisela ka ye monyana go segela ka ye mogolo,”+ go hlaya Jehova. “Ka gore ke nyoko ba tshwarela melato ya bona, fote nka sa sa gopola tso ba di sinnyeng.”+
35 Tsowa ke tso Jehova a di hlayang,
Ye a makiyeng letšatši gore le khanye motshegare,
Wa gore o neyye ngwedi molawo le dinanedi gore di khanye bošego,
Wa go dhunghanya lewatle, wa go maka gore maphoto ya lewatle ma kwate ka matla,
Wa gore lebitso lage ke Jehova wa masole, o re:+
36 “‘Mo melawo yowa yi ka sa bereke,
Ditlogolwane tsa Israyele go ka sa sa ba setšhaba mahlong gaka,’” go hlaya Jehova.+
37 Tsowa ke tso Jehova a di hlayang: “‘Go fo tshwana le mo magedimo ma ka sa metiwi fote difandhiši tsa lefase go ka sa be le ye a ka kgonang go di nyakolla, le nna ga ntlo ya Israyele ka mokana ga yona nka sa yi jikele le mo go na le tso ba di makiyeng,’ go hlaya Jehova.”+
38 Jehova o re: “Bonaneng! Go tla matšatši ya gore go yagiwe mutši+ wa Jehova go tlugisela ga Sewokamelo sa Hananele+ go segela ga Gheyiti ya Khoneng.+ 39 Fote thapo ya go meta+ yi nyoko feta ga mmoto wa Gharebhe, fote yi nyoko jika ka la Ghowa. 40 Fote moyedi ka mokana ga wona wa go ba le ditopo le luta le mašomo ka mokana ga wona go segela Moyeding wa Kidirone,+ le go ya Gheyiting ya Pera+ ya gore yi ka nthoko ya bohlabela, go nyoko ba dilo tsa go hlawolega ga Jehova.+ Wo ka sa sa tomudiwa kela go wisiwa.”