Samuwele wa Mabedi

 3 Modimo waka ke letlapa laka+ la gore ke tšhabela ga lona,

Legawu laka+ le lenaka laka la go phonisa, le poleke yaka ya go tšhabela ga yona ya gore yi pasopegiye+

Poleke ya gore ke tšhabela ga yona,+ wa go mphonisa;+ wene wa go mphonisa ga batho ba go maka bokgohlane.

 4 Ke bitsa Jehova, yene wa gore o tshwanela ke go thanakiwa

Fote yene o nyoko mphonisa ga manaba yaka.

 5 Likgu le ndukulugele go tshwana le meetši* ya lewatle;+

Ke mo ke tshosanya ke banna ba go sa re selo ba go tshwana le nooka ya gore yi tlele ka matla.+

 6 Ke dukulugele ke dithapo tsa Lebitla;*+

Ho mahlong gaka ke mo go na le molabo wa likgu.+

 7 Nakwela ke kgahleletsegiye ke kgopele Jehova gore a n’gelepe,+

Ke mo ke dula ke kgopela Modimo waka gore a n’gelepe.

Ke mokane a kwa lentsu laka a le tempeleng yage,

Fote o nkwile mo ke mo llela gore a n’gelepe.+

 8 Lefase la thomisa go tekateka le ya mahlong le nthago;+

Difandhiši tsa magedimo ke mo di hlagasela+

Fote ne di tekateka di ya mahlong le nthago ka taba la gore ba mo kwatisiye.+

 9 Ka ho dinkong tsage ke mo go tšwa muši wo ya gedimo,

Ka molomong wage ke mo go tšwa mollo wa go tlabolela;+

Mo gage ke mo go tšwa malahla ya go fisa.

10 Yene o makiye gore magedimo ma ghobege mo a kene a thewoga,+

Ka mo tlase ga mawoto yage ke mo go tlemme maru ya mantsho.+

12 Ke mokane a tikogetsa ka letshwifi,+ ka maru ya gore ma tlemme ya gore ma fifele,

Tsa nkare o tikogetsiye ka letente.

14 Jehova a thomisa go kwagala nkare ke leduma ku legedimong;+

Wa ku Malenghelengheng a maka gore lentsu lage le kwagale.+

15 A thunya manopa yage,+ a maka gore manaba yaka ma sabalale;

Mo a maka gore go be le legadima, o makiye gore ba hlakahlakane.+

16 Gwa bonala ku fasefase ga lewatle;+

Difandhiši tsa naga dya nyarela ka gore Jehova ke mo a lakatsa,

Ka moya wa matšhika wo wo tšwileng dinkong tsage.+

17 Yene o wolodiye letsogo lage a le ku malenghelengheng;

A ntshwara, a nntsha meetšing ya gore maa yisa.+

18 Yene o mphonisiye ga lenaba laka la go ba le matšhika,+

Ga bo ba gore ba nhloyye, ba gore baa mphala ka matšhika.

19 Ba tlile ba nšuhlašuhla ka letšatši la mo ke tlela ke tsa go baba,+

Mara Jehova o nthegeletsiye.

20 Yene o n’yisiye ga poleke ya gore yi pasopegiye;+

O mphonisiye ka taba la gore ke mo ke mo jabodisa.+

21 Jehova o nrufa go ya ka tso ke di makiyeng tsa go loka;+

Yene wa nrufa ka taba la gore matsogo yaka a maa sinya.+

22 Ka gore ke makiye tso Jehova a di nyakang,

Fote a ke ya maka tsa go befa, ka šiya Modimo waka.

23 Melawo yage ka mokana ga yona+ yi ho mahlong gaka;

Ke nyoko dula ke maka tso di hlayang ke melawo yage.+

24 Ke nyoko dula ke se na molato mahlong gage,+

Fote ke nyoko titshwara gore ke sa sinyi.+

25 Nkare Jehova a ka nrufa go ya ka tso ke di makiyeng tsa go loka,+

Ka gore a ke ya sinya selo mahlong gage.+

26 Wene wa tshepega ga motho wa gore wa tshepega;+

Motho wa gore aa na molato o mo tshwara gabutši;+

27 Ba go maka tsa gabutši le wene o ba makela tsa gabutši,+

Mara ba go maka bošakašakane ba ka sa go tshokanye.+

28 Ka gore o phonisa bo ba gore ba tinyanafatsiye,+

Mara ba go ba le magetla a o kwane nabo, wa ba nyanafatsa.+

29 Ka gore ke wene llampa laka, wene Jehova;+

Jehova ke yene a makang gore go khanye ga letshwifi lo ke leng ga lona.+

30 Mo ke gelepa ke wene nka kgona go lelekisa bo ba go hlasela;

Modimo a ka nneya matšhika ya gore ke rathe lepharo.+

31 Ka mokana ga tsona tso Modimo wa mannete a di makang di yenele;+

Tso Jehova a di hlayang di yediye.+

33 Modimo wa mannete ke poleke yaka ya go pasopega yo ke tšhabelang ga yona,+

Fote o nyoko wolola pata yaka.+

34 Yene o maka gore mawoto yaka go be nkare ke ya letlabo;

O maka gore ke yeme dipolekeng tsa kgakala.+

35 Yene o maka gore matsogo yaka ma tlwayele go lwa;

Matsogo yaka ma kgona go ghoba mosefo wa gore ba wo makiye ka koporo.

36 Wene o nneya legawu lago la gore le ya phonisa,

Fote go tinyanafatsa gago gwa n’gadimisa.+

37 Wene o maka gore pata yo ke sepelang ga yona go be ye kgolo;

Mawoto yaka ma ka sa thelele.+

38 Ke nyoko lelekisa manaba yaka, fote ke nyoko ma bolaya;

Nka sa boye ke soko fetsa ka wona.

39 Ke nyoko fetsa ka wona, ka boya ka ma šilanya gore ma sa sa tsoga;+

Ma nyoko wela mo mawotong yaka.

40 Wene o nyoko nneya matšhika ya gore ke thogo lwa;+

O nyoko maka gore manaba yaka ma we mahlong gaka.+

41 Wene o nyoko maka gore manaba yaka ma tšhabe;+

Ke nyoko fetsa ka bo ba gore ba nhloyye.+

42 Ba llela go gelepiwa, mara a go na ye a ka ba phonisang;

Ba llela le Jehova, mara aa ba fetole.+

43 Ke nyoko ba tula ba šala ba tshwana le lerole la lefase;

Ke nyoko ba gatelanya go tshwana le leraga la ku pateng.

O nyoko mpasopa gore ke thogo yeta ditšhaba mahlong;+

Batho ba gore a ke ba tšibi ba nyoko mperekela.+

45 Batho ba go fo tšwa ba sepela ba nyoko nthinyela letolo ba tšhugiye;+

Tso ba di kwang ka nna di nyoko maka gore ba ntheetsele.

46 Bo ba go tšwa ba sepela ba nyoko tapega matšhika;

Ba nyoko tšwa ba hlagasela ga dipoleke tso ne ba tšhabele ga tsona.

48 Modimo wa mannete o patedisa ga manaba yaka sekaleng saka;+

O maka gore batho ba be ka tlase gaka;+

49 Yene o mphonisa ga manaba yaka.

Wene o mpeya gedimo,+ ga gore bo ba nyakang go nhlasela ba ka sa segelele;

O mphonisa ga motho wa gore o maka tsa bokgohlane.+

50 Nka taba lo ke nyoko lebogang wene Jehova ke le gare ga ditšhaba,+

Ke nyoko yepelela dikoša gore ke thanakise lebitso lago:+

51 Yene o maka dilo tsa go makatsa gore a phonise kgoši yage;+

O mo kwela go baba ye a mo hlawodiyeng,

Dafita le setlogolwane* sage o ba kwela go baba go ya go yye.”+