Makorente wa Mathomo

2 Byalo magageru, nakwela ke tla ga lune ke bolabola+ le lune ka sephiri sa go hlawolega sa Modimo,+ a ke ya berekisa mantsu ya go hlupa kela go timaka nkare ke hlalefiye. 2 Ke kgetiye go maka nkare a ke tšibi selo mara ke fo tšiba ka Jeso Kreste le taba ya gore ba mo kokotele phateng.+ 3 Ke tlile ga lune ke lelemela, ke tšhugiye fote ke hlagasela ka matla; 4 nakwela ke bolabola le lune ke le tšhutisa, a ke ya berekisa mantsu ya go le woka ya ma berekisang ke batho ba go hlalefa mara mantsu yaka ma šupetsiye gore moya wa go hlawolega wo na le matšhika,+ 5 gore le thogo dumela ga matšhika ya Modimo, le sa fokole ke batho ba go tseya nkare ba hlalefiye.

6 Byalo bo ba gore ba butšwiye ga tso tsa Modimo ba kwa tso re di bolabolang di šupetsa gore re hlalefiye+ mara a ba tseyi gore re hlalefiye ka mokgwa wa lefase* kela ka mokgwa wa bo ba lawolang lefase ba gore go nyoko fela ka bona.+ 7 Mara re bolabola ka dilo tsa go šupetsa gore Modimo o hlalefiye, tsa gore di wutamme ka gore ke sephiri sa go hlawolega.+ Modimo o di hlayye botala lefase lowa le soko sinyega gore re thogo gadimisiwa. 8 Bo ba go lawola lefase lowa la gore le sinyegiye,*+ a ba tšibi selo ka dilo tsa go šupetsa gore Modimo o hlalefiye, hala ba di tšibiye ke mo ba ka sa bolaye Morena ye mogolo.* 9 Go fo tshwana le ka mokgo go ngwadiwweng gore: “Batho a ba soko bona le go kwa dilo tso Modimo a di makelang bo ba gore ba mo nyaka ka matla, fote a ba soko di kwisisa.”+ 10 Modimo o re wunyullele+ dilo tsone a berekisa moya wage wa go hlawolega+ ka gore moya wone wo nyakolla dilo ka mokana ga tsona, le mong dilo tsa gore a di lula go di kwisisa tsa Modimo.+

11 Ayitsano o gona motho wa gore a ka kgona go tšiba tso motho ye mongwana a di naganang? Awwa, di tšiba ke yene mong. Go fo tshwana le tso tsa Modimo, a go na ye a ka di tšibang, moya wa go hlawolega wa Modimo ke wona wo ka di wunyullang. 12 Moya wo re nang nawo a ra wo kraya ga batho mara wo tšwa ga Modimo gore re thogo tšiba dilo tso Modimo+ a re neyyeng tsona a sa tšhofe ke motho. 13 Dilo tso re di bolabolang a re di tšhutisi ke batho,+ mara re di tšhutisa ke Modimo a berekisa moya wage wa go hlawolega,+ gore re thogo hlatolla ditaba tsa go tšwa ga Modimo re berekisa mantsu yage.

14 Motho wa go tlalela ga tso tsa lefase aa kwane le dilo tsa go sipidisana le moya wa go hlawolega wa Modimo, ka taba la gore o di tseya go le bophokophoko fote a ka sa tsoge a di tšibiye, motho o tshwanele a tlalele ga tso tsa Modimo gore a thogo nyakolla dilo tsone. 15 Mara motho wa go tlalela ga tso tsa Modimo o nyakolla dilo ka mokana ga tsona,+ yene a go na motho ye a mo yahlulang. 16 “Ayitsano o gona wa gore o šele a tšiba tso Jehova* a di naganang la go ka šinya a mo yetetsa?”+ Mara rune re nagana go tshwana le Kreste.+