Eksoda

20 Ke mokane Modimo a bolabola mantsu yawa ka mokana ga wona, a re:+

2 “Ke nna Jehova Modimo wago wa gore o go ntshiye nageng ya Egepita, ga naga ya gore ke mo o le lebhantiti ga yona.+ 3 Di nyaka o rapele nna ke ntoši, o sa rapele medimo ye mengwana.+

4 “O sa timakele medimo ya dithombhe kela selo se sengwana le se sengwana sa go tshwana le selo sa magedimong, sa lefaseng kela sa meetšing.+ 5 O sa di kgotamele kela go di berekela+ ka gore nna Jehova Modimo wago ke nna Modimo wa gore o nyaka o tineyela gage a le ntoši,+ wa gore o wolola barwayi ka taba la tso di sinnyeng ke bopapa ba bona ga leloko la kararo le leloko la kanne la bo ba nhloyyeng, 6 mara batho ba go šupetsa gore ba nnyaka ka matla fote ba theetsela melawo yaka, ke nyoko dula ke ba šupetsa gore ke ba nyaka ka matla go segela ga leloko la sekiti.+

7 “O sa tsoge o dhelele lebitso la Jehova Modimo wago,+ ka gore Jehova a ka sa lisetsi motho wa gore o dhelela lebitso lage a sa mo wolole.+

8 “O gopole letšatši la Sabatha gore yi dule yi hlawolegiye.+ 9 Go fele kobodi ya matšatši o maka mmereko wago ka mokana ga wona,+ 10 mara letšatši la kašupa ke sabatha ya Jehova Modimo wago. Go sa be le ye a berekang, wene, morwayi wago, morwediya wago, lelata lago la monna kela la mosadi, phoolwane yago ya gaye kela motho wa gore o tšwa a sepela wa gore o mutšing wago.+ 11 Ka gore Jehova o makiye magedimo, lefase, lewatle le dilo ka mokana ga tsona tso di leng ga tsona ka kobodi ya matšatši, a thomisa go khutsa ka letšatši la kašupa.+ Nka taba lo Jehova a rufiyeng letšatši la Sabatha fote a maka gore le hlawolege.

12 “Hlompa papago le mmane wago,+ gore o thogo phela nako ya go lefa ga naga yo Jehova Modimo wago o go neyang yona.+

13 “O sa bolaye.+

14 “O sa make tsa ka mapaying le mosadi kela monna wa motho ye mongwana.+

15 “O sa yetswi.+

16 “O sa bolabole matsaka mo go le wene hlatse ya wa genu.+

17 “O sa nabele ntlo ya wa genu. O sa nabele mosadi wa motho wa genu kela lelata lage la monna kela lelata lage la mosadi+ kela kgomu yage ya phoolo kela bhongholo yage kela selo se sengwana le se sengwana sa gore ke sa gage.”+

18 Byalo, batho ka mokana ga bona ke mo ba kwa leduma ba bona le legadima, ba kwa phalafala yi lla, fote ba bona go tupa muši ku thabeng; tsotsone dya maka gore ba hlagasele, fote ba yemele kgole.+ 19 Ba re ga Moše: “Wene bolabola le rune, re nyoko theetsela, mara Modimo a sa bolabole le rune ka gore re tšhaba go kgwa.”+ 20 Moše a re ga batho bala: “Le sa tšhabeneng, ka gore Modimo wa mannete o tlile go tl’le le liketseng+ gore le ye mahlong le mo hlompa gore le sa sinyi.”+ 21 Byalo, batho ba ya mahlong ba yemele kgole mara Moše a šutela hala ga liru lela la gore le fifele ga gore ke mo go na le Modimo wa mannete.+

22 Ke mokane Jehova a botsa Moše gore: “Tsowa ke tso o tshwaneleng o di botse Maisrayele, ‘Le lune le di bonne gore ke bolabodiye le lune ke le magedimong.+ 23 Le sa make medimo ya silva gore le yi rapele mo le kene le rapela nna, fote le sa timakele medimo ya gholdi.+ 24 Di nyaka le mmakele aletare ka mobu, fote le nyoko maka dihlabelo ka merape ya lune mone ga yona, dihlabelo tsa go tšhubiwa le dihlabelo tsa go hlekediwa. Ga poleke ye nngwana le ye nngwana mo ke makang gore lebitso laka le gopodiwe,+ ke nyoko tla ga lune, fote ke nyoko le rufa. 25 Mo le ka mmakela aletare ka matlapa, le sa yi yage ka matlapa ya gore le ma kupiye ka dithulusi.+ Ka gore mo le ka berekisa tšhisele, le nyoko maka gore yi thilafale. 26 Fote le sa make ditepisi tsa go ya aletareng yaka, gore le sa šale le tšulegiye gedimo ga yona.’