Makorente wa Mathomo

1 Nna Pawulo wa gore Jeso Kreste o mo kgetiye gore go be lepostola+ di ya ka so Modimo a se nyakang, ke na le mogageru Sosetenese, 2 re ngwalela phutego ya Modimo ya Korente borifi byowa,+ re ngwalela le bo ba leng dipolekeng tse dingwana ba gore ba dumela ga Morena wa rune Jeso Kreste,+ ke Morena wa rune ka moka. Modimo o le kgetiye gore le be selo ka ssoši le Jeso Kreste+ fote a le bitsa gore le be ba go hlawolega:

3 Nkare Modimo Papa wa rune le Morena Jeso Kreste ba ka le kwela go baba fote ba maka gore le bebe.

4 Ke fo dula ke leboga Modimo waka ka taba la gore o le kwele go baba ka Kreste Jeso; 5 ka taba la gore le selo ka ssoši le Kreste, le krayye dilo ka moka fote le krayye le dilo tso di ka le gelepang gore le tšhomayele lentsu la Modimo gabutši fote le le tšibe.+ 6 Go fo tshwana le mo le tiyisiye ke tso ke le butsiyeng tsona ka Kreste,+ 7 gore le sa gayele ga so le neyiwweng sona mo le kene le yemele Morena wa rune Jeso Kreste+ ka maahlo ya makhubedu gore a nyarele. 8 O nyoko le tiyisa go segela mafelelong gore ba sa le sole ka selo mo Morena wa rune Jeso Kreste+ a nyarela. 9 Modimo wa gore o le bitsiye gore le berekisane le Morwayi wage Jeso Kreste Morena wa rune, ke Modimo wa go tshepega.+

10 Byalo ke ya le kgopela magageru ka lebitso la Morena wa rune Jeso Kreste, gore mo le bolabodisana le kwane fote le sa yahlugane+ mara mo le kene le berekisana le be selo ka ssoši ga tso le di naganang.+ 11 Ka gore ba bangwana ba go tšwa gaye ga Tlelowi ba mputsiye ka lune magageru gore a le kwane. 12 Ke ra gore ye mongwana le ye mongwana wa lune o re: “Nna ke nna wa Pawulo,”+ ye mongwana o re “Nna ke nna wa Apholo,” ye mongwana o re “Nna ke nna wa Khefase”* ye mongwana o re “Nna ke nna wa Kreste.” 13 Anthe Kreste o yahluganne? Anthe Pawulo ba mo kokotele phateng ka taba la lune? Kela le kolobetsiwwe ka lebitso la Pawulo? 14 Ke leboga Modimo gore a ke ya kolobetsa le ka wwoši wa lune, ke f’lo kolobetsa Khrisipase+ le Ghayiyosi,+ 15 gore go sa be le ka wwoši wa lune wa gore o nyoko re o kolobetsiwwe ka lebitso laka. 16 Ke kolobetsiye le ba mutši wa Stefanase,+ lune ba bangwana a ke gopole ke kolobetsa ye mongwana wa lune. 17 Ka gore Kreste aa nroma gore ke kolobetse batho mara o nromme gore ke sabalatse ditaba tsa go bafala;+ mara ke sa berekisi mantsu ya go šupa nkare ke hlalefiye gore phate ya Kreste ya mohlupego* yi sa be ya go sa gelepe ka selo.

18 Bo ba gore go nyoko fela ka bona ba tseya nkare taba ya go tšhutisiwa ka phate ya mohlupego* ke bophokophoko,+ mara ga rune ba gore re nyoko phonisiwa re yi tseya go le matšhika ya Modimo.+ 19 Ka taba la gore go ngwadiwwe gore: “Bo ba gore ba hlalefiye ke nyoko maka gore go be diphokophoko, fote bo ba tseyang nkare ba hlalefiye nka sa di tseye tsa bona.”*+ 20 O kaye motho wa go hlalefa? O kaye wa go tšiba molawo?* O kaye wa go phigisana le tsa lefase lowa?* Anthe Modimo aa maka go hlalefa ga lefase lowa gore go be bophokophoko? 21 Ka gore batho ba lefase lowa ba tshepiye mahlalefelo ya bona, a ba tšibi Modimo,+ so re se tšhomayelang ke selo sa gore a yi mong selo ga bona mara Modimo o kgetiye go phonisa bo ba dumelang molayetsa wone,+ di napa di fo ba lekgwaying gore Modimo o hlalefiye.+

22 Majuda ma nyakana le mešupetso+ fote Magerika ma nyakana le go hlalefa; 23 mara rune re tšhomayela ka Kreste wa gore ba mo kokotele phateng, tsotsone di phiriketsa Majuda fote ke bophokophoko ga ditšhaba.+ 24 Mara Kreste ke yene a šupetsang gore Modimo o na le matšhika fote o hlalefiye ga bo ba bitsiwweng,+ ba gore ke Majuda le Magerika. 25 Dilo tsa go tšwa ga Modimo tsa gore batho ba di tseya go le bophokophoko di hlalefiye go phala batho le dilo tsa go tšwa ga Modimo tsa gore batho ba tseya gore a di ya tiyelela, di tiyelele go phala batho.+

26 Magageru le lune le ya di bona gore ga bo ba bitsiwweng a go na bo ba ba tseyang ba hlalefiye+ kela ba na le matšhika kela ba tšwa ga mitši ya gore yi tseyediwa gedimo go ya ka mokgo batho ba tseyang dilo ka gona.+ 27 Mara Modimo o kgetiye dilo tso lefase le di tseyang go le bophokophoko gore a make bo ba go hlalefa gore ba šale ba tšebiye fote o kgetiye dilo tso lefase le di tseyang di sa tiyelela tsa lefase lowa gore a make bo ba gore ba tiyelele ba šale ba tšebiye;+ 28 Modimo o kgetiye dilo tsa gore lefase a le di tseyele gedimo le dilo tsa gore a le yisi felo ka tsona a boya a kgeta le dilo tsa gore a di šiyo gore a fetse ka tso tsa gore di gona,+ 29 gore go sa be le ye a bang le magetla mahlong ga Modimo. 30 Le berekisana le Kreste Jeso ka taba la Modimo, ke yene ye a wunyullang go hlalefa le go loka ga Modimo,+ batho ba hlawolegiye+ ka taba la Jeso fote ba lokologiye ka taba la sehlabelo sage,+ 31 Di nyoko fo ba ka mokgo go ngwadiwweng gore: “Ye a kganyang, a kganye ka Jehova.”*+