Diyema
6 Morwayi, mo nkare o dumele gore o nyoko patela sekoloto sa moyagelane wago,+
Mo nkare o dumelelanne le motho ye mongwana ka selo,+
2 Mo nkare tso o di tshepisiyeng di fetogiye molabo ho gago,
Fote mantsu yago ma tshwana le sifu,+
3 Maka tsowa morwayi, fote o tilokolle,
Ka gore o wele matsogong ya moyagelane wago:
Ariye o tinyanafatse, o yakgoswe o kgopela moyagelane wago gore a go kwele go baba.+
4 O sa yetsele,
Kela wa kwala maahlo yago mo o kobola go segela o maka dilo tsowa.
5 Khwanyudisa go tshwana le phala mo yi tshwere ke ye wa go tsoma,
Go tshwana le nonyane mo yi tshwere ke ye wa go reya dinonyane.
6 Wene wa go tshwata, ariye o ye tšhuta se sengwana ga ditšhotšhi;+
Lebelela tso di di makang gore o hlalefe.
7 Le mo di se na wa go di yetetsa, wa go di wokamela kela wa go di lawola,
8 Di lukisa tsa go ja tsa tsona ka selemo,+
Fote dya kgobaketsa tsa go ja tsa tsona ka nako ya go buna.
9 Wene wa go tshwata, o nyoko yetsela go segela neng?
O nyoko tsoga neng?
10 O nyoko yetselanyana, o nyoko ponyanyana,
O nyoko patlamanyana o phutiye matsogo gore o khutse,+
11 Go hlupega go nyoko go tlela nkare ke tsotsi,
Fote go nyoko ba nkare motho wa gore o tshwere dilo tsa go lwa ka tsona o tsere dilo tsago ka mokana ga tsona.+
12 Motho wa go sa re selo wa gore fote o na le pelo ye phifadu, o fo tsama a yinghayingha a bolabola matsaka;+
13 O tšipa lihlo,+ a teyateya loto fote a šupašupa ka menwana yage.
14 Ka pelo ya go kekema,
O dula a polana dilo tsa gore a dya loka+ fote o sabalatsa dilo tsa go lwisana.+
15 Byalo, dilo tsa go sasamela di nyoko fo re palakata mo gage;
Go nyoko fela ka yene fote a ka sa sa loka.+
16 Go na le kobodi ya dilo tsa gore Jehova o di hloyye;
Eya, kašupa ya tsona tsa gore wa di nyenya:
17 Batho ba go ba le magetla,+ ba go ba le matsaka,+ ba go bolaya batho ba go sa sinya selo,+
18 Ba go polana dilo tsa go befa,+ bo ba gore ba tabogela go maka dilo tsa go befa,
19 Ba go dula ba hlatsela dilo tsa matsaka,+
Le ba go dula ba maka gore bobhuti ba sa kwane.+
20 Morwayi, theetsela molawo wa papago,
Fote o sa di phagele ku thoko tso mmane wago a go yetetsang ka tsona.+
21 O dule o di beyye ka ku tengteng ga pelo yago;
O di tlemelele molaleng wago.
22 Di nyoko go yetetsa mo o kene o sepela-sepela;
Di nyoko go pasopa mo o yetsela;
Fote di nyoko bolabola nago* mo o tsoga.
23 Ka gore molawo ke llampa,+
Fote molawo ke go khanya,+
Fote tso ba go wololang ka tsona mo ba go yetetsa ke lona lephelo.+
24 Di nyoko go pasopa ga mosadi wa go sa loka,+
Le ga mosadi wa go sa titshware gabutši wa gore o wokana ka lleme.+
25 O sa nabele go bafala gage+
Kela wa dumela a go woka ka maahlo yage ya go bafala,
26 Mosadi wa go rekisa mmele o nyoko maka gore monna a hlupege la gore o fo kgona go reka sekgwa fela,+
Mara mosadi wa gore o šadhiye o nyoko maka gore go fele ka lephelo lago.
27 Ayitsano motho a ka beya magala ya go fisa mo sekgubeng sage a sa tšhubi dikobo tsage?+
28 Nje motho a ka sepela gedimo ga magala ya go fisa mawoto yage ma sa swe?
29 Go fo ba ka mokgonone le ka motho wa gore o yetsela le mosadi wa moyagelane wage;
Ye a mo tikisang a ka sa lisetsiwi a sa wolodiwi.+
30 Batho a ba hloyi motho wa go yetswa
Mo a yetswa ka taba la gore o kwa tlala.
31 Mara mo ba ka mo kraya, dilo tso a di yetswiyeng o nyoko di patela ga kašupa;
O nyoko ba neya dilo ka mokana ga tsona tsa gore o di tseyela gedimo tsa ntlong yage.+
32 Ye mongwana le ye mongwana wa go yetsela le mosadi wa monna ye mongwana o ko ba a sa hlalefa;
O tileyela tsa go sasamela ka matla.+
34 Ka gore jelase yi maka gore monna wa gore o šadhiye a fufulele;
A ka sa kwele motho go baba mo a šele a patedisa.+
35 A ka sa yamogele le mo o ka mo neya tšheleta;
A ka sa nyake gore go bebe le mo o ka mo neya selo sa go tura.