Tsowa di Hlatolla ke Johane

15 “Ke nna modhriva wa mannete fote Papa ke yene a limang. 2 O tlosa lekala le lengwana le le lengwana la gore a le yengwe diyengwa, a kwetla lekala le lengwana le le lengwana la gore le ya yengwa gore le thogo yengwa diyengwa tsa go tlala.+ 3 Lune le šele le yediye ka taba la dilo tso ke le butsiyeng tsona.+ 4 Le sa lisetseneng go ba selo ka ssoši le nna, le nna nka sa lisetsi go ba selo ka ssoši le lune. Go fo tshwana le mo lekala la modhriva le ka sa yengwe mo le se mohlareng wa lona, le lune le ka sa yengwe mo le ka sa be selo ka ssoši le nna.+ 5 Ke nna modhriva; lune le makala. Ye mongwana le ye mongwana wa gore ke selo ka ssoši le nna, le nna ke nna selo ka ssoši naye, yenene o nyoko yengwa diyengwa tsa go tlala;+ ka gore mo nna ke se šiyo le ka sa kgone go maka selo. 6 Mo go ka ba le wa gore aa be selo ka ssoši le nna, motho yene o bošediwa ka tawong go tshwana le lekala la gore ba le kupiye la woma. Fote batho ba kgobaketsa makala yane, ba ma bošela mollong ma swa. 7 Mo le le selo ka ssoši le nna fote le tso ke di bolabolang di le ka dipelong tsa lune, le kgopeleneng selo se sengwana le se sengwana, ke nyoko le makela sona.+ 8 Mo le yengwa diyengwa fote le šupetsa gore ke lune malata yaka, tsotsone di nyoko maka gore Papa a gadimisiwe.+ 9 Go fo tshwana le mo Papa a nnyakiye,+ le nna ke le nyakiye; byalo, dulaneng le maka dilo tsa gabutši, ke nyoko dula ke le nyaka. 10 Mo le theetsela melawo yaka, ke nyoko dula ke le nyaka go fo tshwana le mo nna ke theetsele melawo ya Papa fote a dula a nnyaka.

11 “Ke le butsiye dilo tsowa gore le thogo jabola ka mokgo ke jabodiyeng ka gona, fote le nyoko jabola la go sa hlayisege.+ 12 Wowa ke molawo waka, le nyakanane go fo tshwana le mo nna ke le nyakiye.+ 13 A go na motho wa gore o nyaka banghana bage go tshwana le motho wa gore a ka neyela ka lephelo lage a makela bona.+ 14 Ke lune banghana baka mo nkare le maka tso ke le botsang tsona.+ 15 A ke sa le bitsa dibereki ka taba la gore sebereki a se tšibi tso mong wa sona a di makang. Mara ke le bitsa banghana baka ka taba la gore ke le butsiye dilo ka mokana ga tsona tso ke di kwileng ga Papa. 16 A le ya nkgeta mara nna ke kgetiye lune, ke le hlawodiye gore le sepele fote le ye mahlong le yengwa diyengwa, gore diyengwa tsa lune di dule di le gona go ya go yye gore so le se kgopelang ga Papa ka lebitso laka, a le neye sona.+

17 “Dilo tsowa ke le botsa tsona gore le nyakanane.+ 18 Mo nkare lefase le le hloyye, le ya di tšiba gore le thomisiye ka go hloya nna mo le soko hloya lune.+ 19 Hala go le lune ba lefase lowa, lefase lowa ke mo le nyoko kwana le so go leng sa lona. Byalo, ka taba la gore a yi lune ba lefase lowa,+ mara ke le hlawodiye ga lefase lowa, lefase lowa le le hloyye ka taba la tsotsone.+ 20 Le sa libale tso ke le butsiyeng tsona tsa gore: Lelata le ka sa phale mong wa lona. Mo ba nhlorisiye, le lune ba nyoko le hlorisa;+ mo ba theetsele lentsu laka, le la lune ba nyoko le theetsela. 21 Mara ba nyoko le maka dilo tsone ka mokana ga tsona ka taba la lebitso laka, ka gore a ba tšibi ye a nrommeng.+ 22 Hala ke sa bolabola nabo, ne ba ko ba ba sa sinya.+ Mara gana byalo a go na so ba ka phemang ka sona ga tso ba di sinnyeng.+ 23 Ye a nhloyyeng o hloyye le Papa.+ 24 Hala ke sa maka dilo tsa gore a go na ye a yyeng a di maka ba kene ba lebelele, nke ba sa sinya,+ mara ba mponne ba boya ba nhloya, ba ro hloya le Papa. 25 Mara tsowa di f’lo ba gona gore go makege tso di ngwadiwweng Molawong wa bona gore: ‘Ba f’lo nhloya ke sa sinya selo.’+ 26 Ke nyoko le romela wa go gelepa wa go tšwa ga Papa, moya wa go hlawolega wa go šupetsa dilo tsa gore ke nnete,+ wa gore wo tšwa ga Papa. Mo a segela, o nyoko bolabola ka nna;+ 27 le lune le nyoko bolabola ka nna+ ka taba la gore ke mo le na le nna go tlugisela mathomisong.