Thimothi wa Mathomo
4 Mara lentsu la gore batho ba le ngwadiye ba tšhofa ke moya wa go hlawolega le re ba bangwana ba nyoko gayela tumelo ku mahlong, ba theetsela mantsu ya matsaka+ ya gore ma kutšetsele ke madimona le tso ma di tšhutisang. 2 Batho ba go bolabola matsaka+ le ba go timakisa ba gore makwalo ya bona nkare ba ma tšhubiye ka tshipi ke bona bo ba ba makisang tsotsone. 3 A ba nyake batho ba šadha+ fote ba gapeletsa batho gore ba sa ji tsa go ja+ tso Modimo a di makiyeng tsa gore bo ba nang le tumelo+ le ba go tšiba nnete ba di je+ ba kene ba leboga. 4 Ka gore selo se sengwana le se sengwana so Modimo a se makiyeng se bafele ka matla+ fote re ka sa gane selo+ mo nkare re di yamogela re kene re leboga, 5 ka taba la gore ba di yedisiye ka lentsu la Modimo fote ba di rapelele.
6 O nyoko ba lelata la gabutši la Kreste Jeso mo o ka yetetsa magageru, o fepiwwe ka mantsu ya tumelo fote tso o di latelelang ba go tšhutisiye tsona gabutši.+ 7 O sa kwane le ditaba tsa matsaka tsa go sa yi ka tsela+ tsa go tshwana le tso di bolabolang ke bakgekolo. Ka nthoko ye nngwana di nyaka o karakare ka matla gore o titlwayetse go tineyela ga Modimo. 8 Go jima go gelepa tsa senakonyana, mara go tineyela ga Modimo go gelepa ga dilo ka mokana ga tsona ka taba la gore go na le tso ba re tshepisiyeng tsona ga lephelo la gana byalo le ga lephelo la ku mahlong.+ 9 Dilo tsowa di ya tshepega fote di nyaka o di tseyele gedimo. 10 Nka taba lo re berekang ka matla fote re karakara,+ re maka tsotsone ka taba la gore re tshepiye Modimo wa go phela wa gore o phonisa+ batho ka mokana ga bona,+ ka matlamatla bo ba go tshepega.
11 Ariye mahlong o ba neya melawo yowa fote o ba tšhutisa. 12 O sa lisetsi motho a go tseyela fase ka taba la gore o sa le mosogana. Mara bo ba go tshepega o ba beyisele gabutši ka tso o di bolabolang, ka mokgo o titshwarang ka gona, ka mokgo o nyakananang ka gona, ka tumelo yago le ka go dula o yediye. 13 O sa lisetsi go bala gabutši mahlong ga batho,+ o yetetsa fote o tšhutisa go segela ke tla. 14 O sa di phagele ku thoko tso ba go neyyeng tsona ka taba la seporofeto nakwela bagolo ba go beya matsogo.+ 15 Ghayela ka dilo tsowa, o nape o ro kenelela ga tsona gore batho ka mokana ga bona ba thogo di bona gore o gudiye. 16 Tipasope, o pasope le ka mokgo o tšhutisang ka gona.+ Tiyisela mo o kene o maka dilo tsowa ka taba la gore o nyoko tiphonisa wa boya wa phonisa le bo ba go theetselang.+