Mebereko ya Mapostola
24 Ka nthago ga kapheta ya matšatši, moprista ye mogolo Ananiyase+ a tla a na le banna ba bagolo le loyara yo ba reng ke Thethilase, ba segela ba botsa ye wa go lawola ka dilo tso Pawulo a nang le molato ga tsona.+ 2 Byalo, mo monna ye ba reng ke Thethilase ba mmitsa gore a bolabole, a sola Pawulo mahlong ga ye wa go lawola ye ba reng ke Filikisi, a re:
“Re leboga gore wene o lawola gabutši, go fo dula go bebiye fote dilo di sepela gabutši ho setšhabeng, 3 dilo tsowa ka mokana ga tsona re ya di leboga, wene Morena Filikisi. 4 Mara gore ke sa go sinyele nako, ke kgopela o fo re theetsela ka gonyana barena. 5 Morene o dhunghanya+ setšhaba sa Majuda lefaseng ka mokana ga lona gore se lwe+ le mmušo, fote ke yene a yetang mogoba wa Manazareta mahlong.+ 6 O makiye nkare ku tempeleng ke ga go kganela gona, byalo re mo tshwere.+ 7* —— 8 Mo o ka mo nyakolla, le wene o ko di boneng gore dilo ka mokana ga tsona tso re di bolabolang ka yene go fo ba nnete.”
9 Mo a reyane, Majuda le wona ma hlasela Pawulo ma re dilo tsone ke nnete. 10 Mo yela wa go lawola a lebelela Pawulo gore a bolabole, Pawulo a re:
“Ke di tšiba gabutši tsa gore o tsere mengwaga ya go tlala o yahlula setšhaba sowa, ke kgopela o ntisetse ke tipolabolele.+ 11 Le wene wa di bona gore a go soko feta 12 ya matšatši ke yye Jerusalema go ye rapeleng;+ 12 a baa nkraya ke phigisana le motho ku tempeleng kela ke dhunghanya megoba kela batho disinagogeng le ku mutšing. 13 Fote ba ka sa go šupi le selo ka ssoši so ba n’solang ka sona gana byalo. 14 Taba ya gore ke phela go ya ka sedumedi sa nyuwane yona ke ya yi dumela, ke tsona di makang gore ke makele Modimo wa bokokwane mmereko wa go hlawolega,+ fote ke dumela dilo ka mokana ga tsona tso di hlayang ke Molawo le tso di ngwadiyeng ke Baporofeta.+ 15 Fote ga Modimo ke ya mo tshepa, le batho bowa baa mo tshepa gore o nyoko tsosa batho bo ba kgwileng+ ka mokana ga bona, ba go loka le ba go sa loka.+ 16 Ka taba la tsotsone, ke dula ke karakara gore ke be le lekwalo la go yela mahlong ga Modimo le batho.+ 17 Byalo, ka nthago ga mengwaga ya go tlalanyana, ke boyele Jerusalema gore ke ye neya batho+ ba setšhaba so ke tšwang ga sona tšheleta le go makela Modimo dihlabelo. 18 Mo ke sa tshwaraganne le taba yone, ba nkrayye ku tempeleng ke hlapa go ya ka molawo mara mogoba ke mo wo se šiyo fote ne ke sa šitisi motho.+ Mara ne go na le Majuda ya mangwana ya go tšwa ga naga ye nngwana ku Asia 19 ya gore ne ma tshwanele ma be mowa mo nkare ma na le so ma n’solang ka sona.+ 20 Kela re ba lisetse ba tipolabolele, ba go botse gore ba nkrayye ke maka ying ku mahlong ga Sanhedrini, 21 so ba ka n’solang ka sona nka ssoši sa gore ke yemme gare ga bona ke se bolabola, ke yitseri: ‘Lekgono ke yahludiwa ka taba la tshepo yo ke nang nayo ya gore bo ba kgwileng ba nyoko tsoga!’”+
22 Mara ka gore Filikisi ke mo a tšiba tsa go tlala ka batho bowa ba go sepela ka Tsela ya Modimo,+ o beyye taba ya bona molatša a re: “Mo Lisiyase wa go lawola a tla, nko tla ke bona gore ke maka byang ka taba yo yago.” 23 Byalo, a botsa yela wa go lawola masole gore ba tshware Pawulo ba mo kwalele mara ba sa mo ganetse gore a make tse dingwana, le gore banghana bage ba mo gelepe ga tso a di gayelang.
24 Ka matšatši ya go latela, Filikisi a tla a na le mosadi wage wa Lejuda ye ba reng ke Dhrusilla, a re ba bitse Pawulo ke mokane a mo theetsela mo a bolabola ka tso a di dumelang ka Kreste Jeso.+ 25 Byalo mo Pawulo a bolabola ka gore sa go loka ke se feng fote a bolabola ka go titshwara le ka go yahludiwa mo go tlang,+ Filikisi a tšhoga ke mokane a fetola ka gore: “Wene Pawulo o fo tšwa o tlugiye, mara mo go ka thulega lešuba ke nyoko go bitsa fote.” 26 Ke mo a nagana gore Pawulo o nyoko mo neya tšheleta. Sosone ke mo se maka gore a fo dula a bitsa Pawulo gore a bolabole naye. 27 Mo go šele go fediye mengwaga ka mmedi, Filikisi o yye a phologa setulong gwa dula Porosiyo Fistosi; byalo ka taba la gore Filikisi ke mo a nyaka gore Majuda ma yeme naye,+ o yye a lisetsa Pawulo ku jele.