Tsowa di Hlatolla ke Matewu
2 Mo Jeso a šele a belegiwwe ku Bhetlelehema+ ya Judiya ka dinako tsa kgoši Heroda,*+ go yye gwa nyarela banna ba go berekisa dinanedi mo ba pombhola tsa ku mahlong ba go tšwa Bohlabela ba tla Jerusalema, 2 ba re: “Yi kaye kgoši ya Majuda ya gore yi sa tšwa go belegiwa?+ Re tl’le yi thinyela letolo,* ka taba la gore re bonne nanedi yage re le ka hala Bohlabela.” 3 Mo Kgoši Heroda a kwa tsotsone a fufulela ka matla, le batho ba Jerusalema ka mokana ga bona ba kwata. 4 A bitsa dindhuna tsa maprista le bomabhalane ka mokana ga bona, ke mokane a ba butsisa gore Kreste* o nyoko belegiwa kaye. 5 Ba re gage: “O nyoko belegiwa Bhetlelehema+ ya gore yi nageng ya Judiya, ka taba la gore moporofeta o ngwadiye gore: 6 ‘Fote wene Bhetlelehema ya Juda, a o tseyediwi fase gare ga dindhuna tsa go lawola Juda, ka taba la gore ho gago go nyoko tšwa wa go lawola wa gore o nyoko yetetsa batho baka ba Israyele.’”+
7 Ke mokane Heroda a bitsela banna bala ba dinanedi ka makhukhung, a ba butsisa gabutši a nyaka go tšiba gore gabutšibutši nanedi yone yi nyarele leng. 8 A ba romela Bhetlelehema, a re: “Ariyeneng le ye nyakela ngwanene, mo le mo krayye le tle le mpotse gore le nna ke thogo ya ke ye mo thinyela letolo.” 9 Mo ba kwa tso kgoši yi di hlayyeng ba tloga, ke mokane nanedi yela ba yi bonneng ba le ka ku Bohlabela+ ya ba yeta mahlong go segela yi yema mo ngwanene ne a le gona. 10 Mo ba bona nanedi yone, ba jabola ka matla wa tšiba. 11 Mo ba kena ka ntlong, ba kraya ngwanene a na le mmane wage ye ba reng ke Mariya, ke mokane ba yinama ba mo thinyela letolo. Ba phutulla dijumbha tsa bona ba mo neya tso ne ba mo tshwarele tsona: gholdi, tsa go tšhubiwa tsa go nkgela, le so ba reng ke mira sa go nkgela. 12 Mara ba boyele nageng ya bona ka pata ye nngwana, ka taba la gore Modimo o ba butsiye ka moloro+ gore ba sa sa ya ga Heroda.
13 Mo ba sa tšwa go tloga, lengeloyi la Jehova* la nyarela ga Josefa ka moloro+ la re: “Tsoga o tseye ngwanewa le mmane wage, le tšhabeleneng Egepita, le duleneng gana hone go segela ke le botsa se sengwana, ka taba la gore Heroda o nyakana le ngwanene gore a mmolaye.” 14 Josefa a tsoga bošego byobyone, a tseya ngwanela le mmane wage ba ya Egepita. 15 A dula gana hone go segela Heroda a kgwa. Go makegiye tso di bolabodiyeng ke Jehova* a berekisa moporofeta wage, a re: “Ke bitsiye morwayi waka gore a tšwe Egepita.”+
16 Ka nthago, mo Heroda a di bona gore banna bala ba dinanedi ba mo sipidiye ka fase, a šinya a fanghula dinko ka taba la go kwata ka matla. A roma batho gore ba ye bolaya bana ba bašomanyana ka mokana ga bona, ba gore ba na le mengwaga ka mmedi go ya tlase, bo ne ba le ga dipoleke ka mokana ga tsona tsa ku Bhetlelehema. Mengwaga yone o yi krayye mo a balela a berekisa tso a di butsiyeng ke banna bala ba dinanedi.+ 17 Go makegiye tso di hlayyeng ke Jeremiya wa go porofeta, mo a re: 18 “Go yye gwa kwagala lentsu la motho ku Rama, a lla fote a gotla. Ke mo go le Reyitšhele+ a llela bananyana bage, fote ke mo a sa nyake go kgomoletsiwa ka taba la gore ba timele.”+
19 Mo Heroda a šele a kgwile, lengeloyi la Jehova* le nyarele ga Josefa ka moloro+ ku Egepita 20 ke mokane la re: “Tsoga o tseye ngwanela le mmane wage, le ye Israyele, ka taba la gore bo ne ba nyaka go bolaya ngwanene ba kgwile.” 21 A tsoga a tseya ngwanela le mmane wage, ke mokane ba boyela nageng ya Israyele. 22 Mara ke mo a tšhaba go boyela ku Judiya ka taba la gore ne go šele go lawola Akhilayase morwayi wa Heroda. Fote Modimo o mmutsiye ka moloro wo mongwana gore a sa boyele,+ a bona go le kawone gore a ye Galeliya.+ 23 Ke mokane a ya a dula ga poleke yo ba reng ke Nazareta+ gore go thogo makega tso di hlayyeng ke Modimo a berekisa baporofeta, mo a re: “Ba nyoko re ke Lenazareta.”*+