Tsowa di Hlatolla ke Lluka

1 Batho ba go tlala ke mo ba karakara gore ba nyakolle dilo tsowa fote ba di ngwale fase, byalo le rune re di tshepa re sa kamake.+ 2 Bo ba di bonneng+ le bo ne ba sabalatsa molayetsa wa Modimo+ ba re butsiye tsona. 3 Byalo wene Thiyofilase+ wa go hlompega, dilo tsowa ka mokana ga tsona ke di nyakolliye, le nna ke segelele sepheto sa gore ke di ngwale fase ka letheto. 4 Ke makiye tsotsone ka taba la gore ne ke nyaka go hlatsela gore dilo ka mokana ga tsona tso o di tšhutiyeng ke nnete.+

5 Ka dinako tsela tsa Heroda*+ kgoši ya Judiya, ke mo go na le moprista ye mongwana ba re ke Zakariya wa go tšwa ga mogoba wa maprista ya Abhija.+ Mosadi wage ke mo a tšwa ga leloko la barwediya ba Aroni, lebitso lage ba re ke Elizabheta. 6 Ka mokana ga bona ke mo ba lukiye mahlong ga Modimo, fote ne ba se na selabi ka taba la gore ke mo ba sepela ka melawo ya Jehova* ka mokana ga yona. 7 Mara ke mo ba se na bana ka taba la gore Elizabheta ke mo a sa belege, fote ka babedi ga bona ke mo ba šele ba tsofele.

8 Byalo Zakariya ke mo a bereka go le moprista, ka gore ke mo go le nako ya mogoba wa maprista ya Abhija gore wo bereke tempeleng,+ 9 a kena ka tempeleng ya Jehova*+ ka gore ne go šele go le nako yage ya gore a tšhube tsa go nkgela,+ go ya ka tso maprista ne ma tlwayele go di maka. 10 Mogoba wa batho ke mo wo le ka hala tawong wo rapela mo go kene go tšhubiwa tsa go nkgela. 11 Lengeloyi la Jehova* la nyarela gage, la yema ka letsogong la go ja la aletare ya gore ba tšhubela ga yona tsa go nkgela. 12 Mara mo Zakariya a le bona, a hlakahlakana fote a tšhoga. 13 Mara lengeloyi la re gage: “O sa tšhoge Zakariya ka taba la gore thapelo yago yi kwagele, mosadi wago Elizabheta o nyoko belega ngwana wa mošomanyana, o mo reye gore ke Johane.+ 14 Wene o nyoko jabola ka matla, fote ba go tlala ba nyoko ro hlakela mo a belegiwa,+ 15 ka taba la gore o nyoko ba a jabodisa mahlong ga Jehova.*+ Mara a di nyake a nwa wayini kela selo se sengwana le se sengwana sa go ba le mokgete,+ o nyoko ba a na le moya wa go hlawolega le mo a soko belegiwa,+ 16 fote o nyoko maka gore barwayi ba Israyele ba go tlala ba boyele ga Jehova* Modimo wa bona.+ 17 Yene o nyoko mo yeta mahlong a na le matšhika ya go tshwana le ya Eliya,+ gore a thogo sokolla dipelo tsa bopapa gore di boyele ga bana ba bona,+ le go maka gore bo ba go sa kwe ba hlalefe go tshwana le batho ba go loka, gore a thogo lukiselela Jehova* batho bo ba tikemiseleng go mmerekela.”+

18 Zakariya a re ga lengeloyi lela: “Nka di tshepa byang tsotsone? Ke tsofele, le mosadi waka o tigolele.” 19 Lengeloyi lela la re gage: “Ke nna Ghabhriyele+ wa go yema thina le Modimo,+ ba nromme gore ke bolabole nago fote ke go botse ditaba tsowa tsa go bafala. 20 Mara wene o nyoko ba semumu, o ka sa di kgone tsa go bolabola go segela dilo tso ka mokana ga tsona di makega, ka taba la gore a wa tshepa tso ke go botsang tsona tsa gore di nyoko makega ka nako ya gona.” 21 Batho bo ne ba le ka hala tawong ba fo ya mahlong ba yemele Zakariya, fote ke mo ba makele gore ke ntaba a tseya nako a le ka ku ga gore ba tšhubela gona dilo tsa go nkgela. 22 Mo a tšwela ka hala tawong, ke mo a sa sa kgona go bolabola nabo, a fo šupašupa ka menwana. Mo batho ba bona tsotsone ba fo naganela gore o bonne mohlolo* ka ku ga gore ba tšhubela gona tsa go nkgela. 23 Mo matšatši yage ya go maka mmereko wa go hlawolega ma fela, a ya gaye.

24 Ka nthago ga matšatšinyana, mosadi wage Elizabheta a yima, a fetsa kapheta ya dikgwedi a sa tšwe ka ntlong, a re: 25 “Jehova* o makele nna dilo tsowa. Yene o n’gopodiye ka taba la gore aa nyake gore batho ba ntseyele fase.”+

26 Ka kgwedi ya kobodi ya mo a yimme, Modimo a roma lengeloyi lo ba reng ke Ghabhriyele+ ga poleke ya Galeliya yo ba reng ke Nazareta, 27 ga kgareba+ ya gore Josefa wa ntlo ya Dafita ke mo a yi tshepisiye mošadho, lebitso la kgareba yone ke mo go le Mariya.+ 28 Mo lengeloyi lela le kena hala la re gage: “Tama, wene wa gore o rufegiye ka matla, Jehova* o nago.” 29 Mara a makatsa ke mantsu yage a nyaka go kwisisa gore ke matamiselo ya mošaga mang yanane. 30 Lengeloyi lela la re gage: “O sa tšhoge Mariya, ka taba la gore Modimo o go nyakiye ka matla. 31 Bona! o nyoko yima wa belega ngwana wa mošomanyana,+ o mo reye gore ke Jeso.+ 32 Yenene o nyoko hlawolega,+ ba nyoko re ke Morwayi wa Ye wa ku Malenghelengheng,+ fote Jehova* Modimo o nyoko mo neya setulo sa go lawola sa Dafita papage,+ 33 o nyoko lawola go le Kgoši ga ntlo ya Jakobo go ya go yye, fote Mmušo wage wo nyoko fo dula wo le gona.”+

34 Mara Mariya a re ga lengeloyi lela: “Di nyoko makega byang tsotsone ka taba la gore nna a ke soko yetsela le monna?”+ 35 Lengeloyi lela la re gage: “Go nyoko bereka moya wa go hlawolega+ le matšhika ya Ye wa ku Malenghelengheng. Fote ka taba lolone, ye a nyoko belegiwang ba nyoko re ke wa go hlawolega,+ Morwayi wa Modimo.+ 36 Lešaga lago Elizabheta, yenela wa gore ne ba re aa belege, o yimme ngwana wa mošomanyana a šele a titsofalele, fote o šele a na le kobodi ya dikgwedi; 37 ka taba la gore a se šiyo sa gore a se kgonege ga Modimo.”+ 38 Mariya a re: “Bona! Ke nna lelata la Jehova* la ngwannyana! Nkare go ka makega ka mokgo o hlayyeng.” Mo a reyane, lengeloyi lela la tloga hone gage.

39 Byalo ka matšatši yanane, Mariya a tloga a gwatisa a ya ga poleke ya dithabeng yo ne yi le mutšing wa Juda, 40 a kena gaye ga Zakariya, a tamisa Elizabheta. 41 Mo Elizabheta a kwa Mariya a mo tamisa, ngwana ye ne a le ka mpeng yage a ragaraga, Elizabheta a tlala ka moya wa go hlawolega 42 a yahlamela a re: “Wene o rufegiye gare ga basadi ka moka, le popelo yago yi rufegiye! 43 Go ro maka byang mo ke šinya ke tshwanela ke go vakašela ke mmane wa Morenaka? 44 Ka taba la gore nakwela ke kwa o ntamisa, ngwana ye a leng ka mpeng yaka o tshidiye a jabodiye. 45 Fote go jabola ye a yyeng a dumela, ka taba la gore go nyoko makega tso Jehova* a di hlayyeng ka yene.”

46 Ke mokane Mariya a re: “Ke thanaka Jehova,*+ 47 fote pelo yaka yi nyoko fo dula yi jabolela Modimo wa go Mphonisa,+ 48 ka gore o bonne lelata lage la ngwannyana la go tihlupegela.+ Go tlugisela gana byalo, maloko ka mokana ga wona ma nyoko re ke jabodiye,+ 49 ka taba la gore Ye wa matšhika o mmakele dilo tse dikgolo, fote lebitso lage le hlawolegiye,+ 50 go tlugisela ga leloko le lengwana go ya ga le lengwana, ba gore baa mo tšhaba o ba kwela go baba.+ 51 O makiye dilo ka mokana ga tsona ka letsogo lage la matšhika; a maka gore ba go ba le magetla ba palakane.+ 52 O phulusiye banna ba matšhika ditulong tsa go lawola,+ a kakola ba go sa re selo a ba beya gedimo,+ 53 o makiye gore ba go kwa tlala ba kgore ka dilo tsa gabutši,+ ke mokane ba gore ba ghannye a re ba sologe ba kene ba lekalekisiye matsogo. 54 O gelepiye Israyele lelata lage, go šupetsa gore o nyoko dula a le kwela go baba,+ 55 a boya a kwela Abhrahama le bana bage go ya ka mokgonola a butsiyeng bokokwane ba rune.”+ 56 Mariya a dula naye gana hala ga kararo ya dikgwedi ke mokane a sologa a ya mutšing wage.

57 Gwa segela nako ya gore Elizabheta a belege, a belega ngwana wa mošomanyana. 58 Bayagelane bage le mašaga yage ba kwa gore Jehova* o mo kwele go baba ka matla, ba jabola naye.+ 59 Ka letšatši la mabala, ba tla ba tl’le bolotsa ngwanene,+ fote ke mo ba re ba nyoko mo neya lebitso la papage Zakariya. 60 Mara mmane wage a fetola a re: “Awwa! go nyoko ba Johane.” 61 Mo a reyane ba re gage: “A go na le lešaga lago ka lloši la go ba le lebitso lone.” 62 Ba butsisa papage ba kene ba šupašupa gore yene o nyaka ba re ngwanene ke mang. 63 Byalo papage a kgopela letlapa la sepsyatla a ngwala ga lona gore: “Lebitso lage ke Johane.”+ Tsotsone dya ba makatsa. 64 Ka nako yonone, molomo wage wa bulega le lleme lage la wolologa, a thomisa go bolabola,+ a thanaka Modimo. 65 Bo ke mo ba dula thina nabo ba thomisa go tšhoga, ke mokane gwa thoma go bolabodiwa ka dilo tsowa ka mokana ga tsona, polekeng ka mokana ga yona ya dithaba ya Judiya. 66 Fote ka mokana ga bona bo ba di kweleleng ba bolabola ka dipelong ba re: “Ngwanewa go nyoko tla go ba ying mara?” Ka gore ka nnete letsogo la Jehova* ke mo le le naye.

67 Papage Zakariya a yetetsa ke moya wa go hlawolega ke mokane a porofeta, a re: 68 “Go thanakiwe Jehova,* Modimo wa Israyele,+ ka taba la gore o kwele batho bage go baba fote o nyoko ba phonisa.+ 69 Fote o leyye motho wa gore o na le matšhika wa gore o nyoko re phonisa,+ wa gore o tšwa ntlong ya Dafita lelata lage,+ 70 go ya ka mokgo a bolabodiyeng a berekisa baporofeta ba botala ba go hlawolega,+ 71 o hlayye gore o nyoko re phonisa ga manaba ya rune le ga bo ba re hloyyeng;+ 72 o nyoko re kwela go baba go ya ka mokgo a tshepisiyeng bokokwane ba rune fote o nyoko gopola kwano ya go hlawolega yo a yi makiyeng.+ 73 Sowa ke so a se tshepisiyeng kokwane wa rune, Abhrahama,+ 74 ka nthago ga gore Modimo a re phonise ga bo ba re hloyyeng, o nyoko re lisetsa re mmerekela re sa tšhabe selo, 75 gore re tshepege fote re make tsa gabutši mo re kene re phela. 76 Mara wene ngwanaka, ba nyoko re ke wene moporofeta ye mogolo, ka taba la gore Jehova* o nyoko go roma mahlong gage gore o mo lukisele ditsela,+ 77 gore o tšhutise batho bage gore a thogo ba phonisa ka go ba tshwarela ga tso ba di sinnyeng,+ 78 ka taba la gore Modimo o re kwela go baba ka matla fote o nyoko re leyela motho wa gore o nyoko re khanyisela go tshwana le mo go khanya motshegare, 79 gore a khanyisele bo ba gore ba letshwifing fote ba koramele ke likgu nkare ke morithi,+ le go ba yetetsa gore ba sepele ba bebiye.”

80 Ke mokane ngwanela a gola go segela a tiyelela ga tso tsa Modimo, a fo ya mahlong a le polekeng ya kgwaakgwa gwa šinya go segela nako ya gore a yise molayetsa wa Modimo ga Maisrayele.