Tsowa di Hlatolla ke Mareka

6 Mo a tloga hone, a ya gaye,+ malata yage ma mo šala nthago. 2 Mo go šele go le Sabatha, a thomisa go tšhutisa sinagogeng fote ba go tlala ga bo ne ba mo theetsele ba makala, ba re: “Morene o di tseya kaye dilo tsowa?+ Fote ke ntaba a hlalefiye ka mokgo, a boya a kgona go maka mehlolo?+ 3 Anthe a yi yene yela wa go betla?+ Mmane wage a yi Mariya+ fote bobhuti bage a yi Jakobo,+ Josefa, Judase le Simone?+ Anthe bosesi bage a ba duli howa le rune?” Ba thomisa go phiriketsega ka taba lage. 4 Mara Jeso a re ga bona: “Moporofeta wa hlompiwa dipolekeng ka mokana ga tsona, mara ba ka sa mo hlompe ga poleke yo a tšwang ga yona le gagabo.”+ 5 Byalo a yalafa paranyana ya batho ba go lwala, ke mo a ba beya matsogo. Mara aa maka mehlolo ye mengwana gana hone. 6 Gabutšibutši o makatsiye ke gore ba gayela tumelo. A thomisa go sepela dimitšaneng a tšhutisa.+

7 Jeso a bitsa 12 ya mapostola yage, a thomisa go ma roma go le ka mabedi ka mabedi,+ ke mokane a ma neya matšhika ya gore ma thogo raka madimona.+ 8 A ma botsa le gore ma sa rwale selo mo ma sepela, ma sa tseye sekgwa, sekhwama sa go tšhela tsa go ja le dikhwama tsa tšheleta,* a re ma fo tseya thoka,+ 9 ma yapare dimphašane fote ma sa yapare dikobo ka dipedi. 10 A tokegela ka gore: “Mo le kena mutšing, le duleneng gana hone go segela le tloga ga poleke yone.+ 11 Fote go gongwana le go gongwana ga gore a ba le yamogele kela ga gore a ba le theetsele, le tirothotheneng mawoto mo le tloga, go šupetsa gore le ba pasopisiye.”+ 12 Ke mokane ba tloga ba ye tšhomayeleng gore batho ba thogo sokologa,+ 13 fote ba raka madimona ya go tlala,+ ba go lwala ba ba tlotsa makgura, ba boya ba ba yalafa.

14 Byalo, Kgoši Heroda a di kwelela, ka gore lebitso la Jeso ke mo le tšibega ka matla, fote batho ke mo ba re: “Johane wa go Kolobetsa o tsusiwwe mabitleng, nka taba lo a makang mehlolo.”+ 15 Mara ba bangwana ba yitseri: “Ke Eliya.” Ba bangwana bona ba re: “Ke moporofeta wa go tshwana le baporofeta bala ba botala.”+ 16 Mara mo Heroda a kwa tsotsone, a re: “Ke Johane yela ke mo kupiyeng hlogo, o tsusiwwe.” 17 Ka gore Heroda ke mo a šadhiye le Herodiyase wa gore ke mo go le mosadi wa bhuti wage ye ba reng ke Filipi. Heroda ke mo a tshwere Johane fote a mo kwalele jele ka taba la gore ke tso Herodiyase ne a di nyaka.+ 18 Johane ke mo ba mo hlahlele jele ka taba la gore ke mo a dulele go botsa Heroda gore: “Go ya ka molawo a wa tshwanela go tseyana le mosadi wa bhuti wago.”+ 19 Herodiyase o yye a kwata a nyaka go bolaya Johane, mara ne a šitega. 20 Heroda ke mo a tšhaba Johane, ke mo a di tšiba gore o lukiye fote o hlawolegiye,+ ke mo a mo pasopa. Ka nthago ga gore a kwe tso Johane a mmotsang tsona, ke mo a sa di tšibi gore a ka mo maka ying, mara a fo ya mahlong a jabodisa ke go mo theetsela.

21 Mara Herodiyase o yye a thulegela ke lešuba la go maka tso ne a di nyaka nakwela Heroda a makele banna ba go tšibega, bo ba yetang masole mahlong le banna ba bagolo ba Galeliya+ monyanya ka letšatši lage la go belegiwa.+ 22 Morwediya wa Herodiyase a tla a bina, ke mokane tsotsone dya jabodisa Heroda le bo ne a duli* nabo. Kgoši ya botsa ngwannyana yela, ya re: “Hlaya so o se nyakang, nko go neyeng.” 23 Eya, o mo tshepisiye, a re gage: “Ke nyoko go neya se sengwana le se sengwana so o se nyakang, nka go neya le mong sengatha sa mmušo waka.” 24 A ya ga mmane wage a re: “Ke kgopele ying?” Mmane wage a re: “Hlogo ya Johane wa go Kolobetsa.” 25 Morwediya wa Herodiyase a taboga a ya ga Kgoši, a re: “Ke nyaka o nneye hlogo ya Johane wa go Kolobetsa gana byalo yi le ka threying.”+ 26 Le mo tsotsone di kwisiye kgoši go baba, yi makiye tso ngwannyana yela a di kgopeleng, ka taba la gore yi mo tshepisiye mahlong ga divakaši tsa yona.* 27 Byalo, kgoši ya napa yi roma matšinghelane gore a leye hlogo ya Johane. Ke mokane a ya ku jele a ya a yi kupa, 28 a yi leya yi le ka threying. A yi neya ngwannyana yela, ke mokane ngwannyana yela a yi neya mmane wage. 29 Mo malata ya Johane ma di kwelela, ma tla ma tseya setopo sage ma se boloka.*

30 Mapostola ma kgobakanela Jeso ma mmotsa dilo ka mokana ga tsona tso ma di makiyeng le tso ma di tšhutisiyeng.+ 31 Ba go tlala ke mo ba tla, ba bangwana ba sepela, tsotsone dya maka gore Jeso le malata yage ba sa kraye le nako ya go ja. Ke mokane Jeso a re ga bona: “Koriyeneng ga poleke ya gore yi wutamme, gore re thogo khutsa nyana.”+ 32 Ba kalama sekepe ba ya thokonyana gore ba thogo ba ntoši.+ 33 Ba go tlala ba di kwelela, ba bangwana ba ba bona, ke mokane ba taboga ba tšwa hala dimitšaneng ba ba tšhanghwela. 34 Mo Jeso a tšwa, a bona mogoba wo mogolo, a wo kwela go baba+ ka taba la gore ke mo wo tshwana le dinku tsa gore a di na wa go di disa.+ A thomisa go wo tšhutisa dilo tsa go tlala.+

35 Mo le kgwalala, malata ya Jeso ma tla gage ma re: “Poleke yowa yi thoko ka matla, fote ke bošego.+ 36 Botsa batho bowa ba sepele, gore ba thogo ya ba tikrayela tsa go ja ku dimitšaneng le ga dipoleke tse dingwana.”+ 37 Jeso a ma fetola a re: “Lune ba neyeneng tsa go ja.” Mo a reyane, ma re gage: “Kela re ye ba rekela sekgwa sa go lekana 200 ya didhenari gore ba thogo ja?”+ 38 A re ga wona: “Le na le malofo ka makaye? Ariyeneng le ye hloleng!” Mo ma šele ma hlodiye ma re: “Go na le malofo kapheta ya wona le dihlapi ka dipedi.”+ 39 Jeso a botsa batho ka mokana ga bona gore ba dule fase ka megoba hala mabyaneng.+ 40 Ba dula ka megoba, ba bangwana ba le 100 ba bangwana ba le 50. 41 A tseya malofo yala kapheta ya wona le dihlapi tsela ka dipedi, a lebelela gedimo a rapela.+ Ke mokane a ma ngathanya a neya malata yage gore ma neye batho bala, a ngathanya le dihlapi tsela ka dipedi. 42 Byalo, ka mokana ga bona ba ja ba kgora, 43 ba tlatsa 12 ya memmantši ka dingatha tso ne di šele, mara ba sa bale le dihlapi tsela.+ 44 Bo ba jileng malofo yala ke mo go le 5 000 ya banna.

45 Jeso a sa sa sinya nako, a botsa malata yage gore ma kalame sekepe ma ye ka ku mosekola wa leropho la Bhethsayida, ke mokane yene a šala a palakanya mogoba wela.+ 46 Mara mo a fetsa go wo layela, a ya thabeng a ye rapeleng.+ 47 Mo go šele go le bošego, sekepe sela ne se šele se le gare ga lewatle, mara yene ke mo a sa le gana hala a le ntoši.+ 48 Jeso o yye a bona gore malata yage ma šitega go lawola sekepe sela ka taba la gore ke mo go na le moya wo mogolo ka matla. Mo go šele go le matlagosa,* Jeso a ya ga bona a sepela gedimo ga meetši, a maka nkare wa ba feta. 49 Mo malata yage ma mmona a sepela gedimo ga meetši, ma tiputsisa gore: “King sosowa mara!” Ke mokane ma thomisa go yahlamela. 50 Ka mokana ga wona mo ma mmona ma thomisa go tšhoga. Mara Jeso a bolabola nawo a re: “Šišimalaneng! Le sa tšhogeneng, ke nna.”+ 51 Jeso a kalama nawo sekepe, le moya wela wa beba. Ma makala ka matla. 52 Le mo ma bonne mehlolo yo Jeso a yi makiyeng ka malofo yala, le gana byalo lowa ke mo ma sa kwisisi dilo tso a kgonang go di maka.

53 Mo ba segela ka mosekola wo mongwana, ba ya Ghenesarete ke mokane ba tsika tshipi ya sekepe gana hone thina.+ 54 Mara mo ba tšwa hone sekepeng, batho ba yakgoswa ba mmona. 55 Ba rapanana mone polekeng ka mokana ga yona, ba thomisa go leya bo ne ba kwa go baba ba ba kakudiye ka mesemo ya go kakola ka diphate, ba ba yisa mo ba kwileng gore Jeso o gona. 56 Fote go gongwana le go gongwana mo ne a kena gona, dimitšaneng kela mitšing ye megolo, ne ba tseya bo ba go lwala ba ba beya mmakete, fote ne ba mo kgopela gore ba fo tikisa matšhembhutšhembhu ya kobo yage ya ka tawong.+ Batho ka mokana ga bona bo ne ba yi tikisa ke mo ba fola.