Tsowa di Hlatolla ke Lluka

3 Ka mongwaga wa bo 15 wa mo go lawola Thibheriyase Kesara, nakwela Pontiyo Pilato a lawola Judiya, Heroda*+ ke mo a lawola modukulugo wa Galeliya, Filipi bhuti wage a lawola modukulugo wa Ithuriya le Trakonitisi fote Laseniyase ke mo a lawola modukulugo wa Abhilene, 2 ka dinako tsa Annase wa gore ke mo go le ndhuna ya maprista le Kheyifase,+ Johane morwayi wa Zakariya a kraya molayetsa wa go tšwa ga Modimo+ nakwela a le ku mašahleng.+

3 Johane a ya polekeng ya Jorodane, a botsa batho gore ba kolobetsiwe go šupetsa gore ba sokologiye, le gore ba thogo tshwarediwa ga tso ba di sinnyeng,+ 4 ka mokgo go ngwadiwweng pukung ya mantsu ya Jesaya wa go porofeta mo a re: “Lowa ke lentsu la ye a yahlamelang a le mašahleng a re: ‘Lukisaneng pata ya Jehova!* Wololaneng dipata tsage.+ 5 Moyedi wo mongwana le wo mongwana di nyaka wo kikitediwe, le thaba kela go gongwana le go gongwana ga gore gwa yinuga go nyakega gore go levediwe, ditsela tsa gore a dya wolologa di wolodiwe le ditsela tsa go ba le dikotikoti di lukisiwe di be gabutši; 6 ka mokgonone, Modimo o nyoko phonisa batho ka mokana ga bona.’”+

7 Byalo a thomisa go botsa mogoba wo ne wo tla wo nyaka go kolobetsiwa a re: “Lune bana ba marabye, le kwele mang gore le tšhabeneng kotsi yo yi tlang?+ 8 Byalo, šupetsaneng ka tso le di makang gore le sokologiye. Le sa fo tabogela gore ‘Papa wa rune ke Abhrahama.’ Ke ya le botsa, Modimo wa di kgona go makela Abhrahama bana ka matlapa yawa. 9 Selepe se šele se le tšhikong ya mehlare. Byalo mohlare wo mongwana le wo mongwana wa gore a wo yengwe, di nyaka ba wo kupe ke mokane ba wo bošele mollong.”+

10 Byalo megoba yela ke mo yi mmutsisa yi re: “Byalo re make ying?” 11 Mo a fetola a re ga bona: “Motho ye a nang le dikobo ka dipedi,* a tseye ka yyoši a neye yewa wa gore aa na selo, le ye a nang le tsa go ja a make tsotsone.”+ 12 Le bo ba go patedisa mothelo ba tla gore ba kolobetsiwe,+ ba re gage: “Thitšere, re make ying?” 13 A re ga bona: “Le sa nyake* tšheleta ya mothelo ya go feta yo ba yi beyyeng.”+ 14 Le masole ke mo ma mmutsisa gore: “Re make ying?” A re ga wona: “Le sa hlupegisi* motho kela la hlayela motho matsaka,+ le kgotsofatse ke so ba le neyang* sona.”

15 Byalo, batho bo ne ba yemele Kreste ke mo ba kene ba tiputsisa ka Johane gore: “Ayitsano go ka fo ba go le yene Kreste?”+ 16 Byalo Johane a ba botsa ka mokana ga bona a re: “Nna ke le kolobetsa ka meetši, mara wa go mphala ka matšhika wa tla, fote a di ya ntshwanela gore nka mo tlemolla dithapo tsa dimphašane tsage.+ Yene o nyoko le kolobetsa ka moya wa go hlawolega le ka mollo.+ 17 O tshwere fošolo yage ya go fefera, fote o nyoko yedisa mo ba tulelang gona, o nyoko kgobaketsela korong ka seralong,* mara morooko wone o nyoko wo tšhuba ka mollo wa gore a wo timege.”

18 A ba yetetsa le ga dilo tse dingwana tsa go tlala, fote a ya mahlong a sabalatsa ditaba tsa go bafala ga batho. 19 Mara Johane a wolola Heroda ga dilo ka mokana ga tsona tsa go befa tso a di makiyeng, le ka taba la gore o šadhiye le Herodiyase mosadi wa bhuti wage, 20 go tokogela ga tsotsone ka mokana ga tsona, Heroda o hlahlele Johane jele.+

21 Byalo mo batho ka mokana ga bona ba šele ba kolobetsiwwe, Jeso le yene a kolobetsiwa.+ Mo a kene a rapela, magedimo ma bulega,+ 22 moya wa go hlawolega wa Modimo wa tla gage wo thewoga nkare ke liba ke mokane gwa kwagala lentsu le tšwa legedimong le re: “Ke wene Morwayi waka, wa gore ke mo nyaka ka matla; wa gore ke mo yamogele.”+