Mebereko ya Mapostola

4 Mo Petro le Johane ba sa bolabola le batho, gwa tla maprista, wa go lawola tempele le Masadutseyi.+ 2 Ke mo ba silikisa ke gore mapostola ne ma tšhutisa batho ka go tsusiwa ga Jeso ma sa tšhabe.+ 3 Ba ma tshwara, ba ma yisa jele go segela ka motshwana wa gona,+ ka taba la gore ba ma tshwere letšatši le šele le dikele. 4 Le mo go le ka mokgonone, bo ne ba ba theetsele ba tshepiye tso ba di bolabodiyeng, banna bone ke mo ba segela gana hala ga 5 000.+

5 Ka motshwana wa gona, ba go lawola, banna ba bagolo le bomabhalane ba gahlana Jerusalema, 6 ba na le ndhuna ya maprista ye ba reng ke Annase,+ Kheyifase,+ Johane, Alekzanda le mašaga ka mokana ga wona ya ndhuna ya maprista. 7 Ba tseya Petro le Johane ba ba yemisa ho gare ga bona, ba ba butsisa gore: “Le berekisiye matšhika le lebitso la mang ho le maka dilo tsowa?” 8 Byalo, Petro a ba fetola a tšhofa ke moya wa go hlawolega,+ a re:

“Lune ba go lawola le lune banna ba bagolo ba go hlompega, 9 mo nkare le re fokisa ka dilo tsa gabutši tso re di makeleng monna ye wa go golofala,+ fote le nyaka go tšiba gore o yalafiye ke mang, 10 le di tšibeneng lune ka mokana ga lune le batho ba Israyele ka mokana ga bona ba di tšibe gore monna yewa o yalafiwwe ka lebitso la Jeso Kreste wa Lenazareta,+ wa gore lune le mo kokotele phateng+ mara Modimo o mo tsusiye ga bo ba hlokofeleng,+ monna yewa o yemme mo mahlong ga lune fote o philegiye ka taba lage. 11 Lowa ke ‘letlapa la gore lune bommeselane le le tseyele fase la gore go fetsiye go ba khona ya fandhiši.’*+ 12 Go tokegela gana hone, a go na ye mongwana wa gore a ka re phonisa ka taba la gore a le šiyo lebitso+ lo Modimo a le hlawodiyeng ga batho ba ho lefaseng gore le re phonise.”+

13 Byalo, ka gore bo ba go lawola ne ba tseya Petro le Johane go le banna ba go sa re selo+ ba gore fote a baa tšhutega,* mo ba bona gore ba na le lešiši ba makala. Ba thomisa go di bona gore ke mo ba na le Jeso.+ 14 Mo ba lebelela monna yela wa gore ba mo yalafiye a yemme le malata yala ka mabedi,+ ba fo šala ba se na so ba ka se hlayang.+ 15 Ba ba botsa gore ba tšwe ka holong ya Sanhedrini, ba thomisa go butsisana, 16 gore: “Re make ying mara ka banna bowa?+ Ka taba la gore ba makiye mošupetso wa go makatsa wa gore ke wa mannete, wa gore wo bonne ke batho ka mokana ga bona ba Jerusalema+ fote re ka sa di phigisi. 17 Byalo, gore ditaba tsowa di sa tlale naga, tla re ba tshosetseneng gore ba sa sa bolabola ka lebitso la morenewa.”+

18 Mo ba fetsa go reyane, ba ba bitsa ke mokane ba ba botsa gore ba sa sa hlaya kela go tšhutisa selo ka lebitso la Jeso. 19 Mara Petro le Johane ba re ga bona: “Mo le bona nkare Modimo o nyaka gore re theetsele lune re sa theetsele yene, di nyaka lune tsone. 20 Mara rune, re ka sa lisetsi go bolabola ka tso re di bonneng le tso re di kwileng.”+ 21 Byalo, mo ba fetsa go ba tshosetsa fote, ba ba lokolla, ba re ba sepele ka gore ke mo se se šiyo so se ka makang gore ba ba bone molato, fote ke mo ba tšhaba batho+ ka taba la gore ka mokana ga bona ke mo ba thanaka Modimo ka taba la tso di makegiyeng. 22 Monna yewa wa gore ba mo yalafiye ka mohlolo ke mo a na le mengwaga ya go teya ka ku ga 40.

23 Ka nthago ga gore ba lokolle Petro le Johane, bona ba yye ga malata ya mangwana ba segela ba ma hlayisela ka tso dindhuna tsa maprista le banna ba bagolo ba ba butsiyeng tsona. 24 Mo ba kwa tsotsone ba yahlamela ggoši ba re ga Modimo:

“Wene Morena wa Malenghelengheng, ke wene wa go maka legedimo, lefase, lewatle le dilo ka mokana ga tsona tso di leng ga tsona,+ 25 fote wene o berekisiye moya wa go hlawolega go bolabola o berekisa Dafita kokwane wa rune,+ lelata lago mo le re: ‘Ke ntaba ditšhaba di tšhugiye fote le batho ba ghayela ka dilo tsa gore a di šiyo? 26 Magoši ya lefase ma tilukiselela go lwa fote bo ba go lawola ba kgobakana ba ba selo ka ssoši gore ba thogo lwa le Jehova* le ye a mo tlotsiyeng.’*+ 27 Dilo tsone di makegiye tsa mannete ka gore Heroda, Pontiyo Pilato,+ batho ba ditšhaba le batho ba Israyele ba gahlanne mutšing wone ba phigisana le Jeso wa gore ke lelata lago la go hlawolega, la gore fote o le tlotsiye,+ 28 ba gahlanne gore ba make tso o di hlayyeng botala gore di nyoko makega, fote o di makiye ka matšhika yago go ya ka mokgo ne o nyaka ka gona.+ 29 Gana byalo Jehova,* theetsela tso ba re tshosetsang ka tsona fote maka gore dibereki tsago di ye mahlong di bolabola lentsu lago di šišimele, 30 mo o kene o wolola letsogo lago gore re thogo yalafa batho, le go maka mešupetso le dilo tsa go makatsa ka lebitso+ la Jeso, wa gore ke lelata lago la go hlawolega.”+

31 Byalo, ho ba kene ba rapela di ba baba,* poleke yo ne ba le ga yona ya tekateka fote ka mokana ga bona ba tlala ka moya wa go hlawolega,+ ba bolabola lentsu la Modimo ba šišimele.+

32 Go tokegela gana hone, ba go tlala bo ba yyeng ba dumela ke mo ba le selo ka ssoši, aa šiyo le motho ye a yyeng a re dilo tso a di krayyeng ke tsage, mara ke mo ba kwana.+ 33 Mapostola ma yye mahlong ma tšhomayela ka go tsusiwa ga Morena Jeso+ ma sa tšhabe selo, fote Modimo a ma kwela go baba ka matla. 34 Gabutšibutši, a go na ye ne a hlupega ho ga bona+ ka gore bo ne ba na le mašomo le dintlo, ke mo ba di rekisa fote ba leya tšheleta yo ba yi krayyeng, 35 fote ke mo ba yi leya ga mapostola.+ Bona ke mo ba pomelana yona di ya ka gore mang o gayela ying.+ 36 Byalo, Josefa wa gore mapostola ke mo ma mmitsa Bharenabhase+ (ya gore mo yi hlatolliwa yi rela, “Motho wa go Tiyisa ba Bangwana”), wa Lelifi, wa gore ke mo a dula Sipero, 37 ke mo a na le naga, ke mokane a yi rekisa a leya tšheleta yone ga mapostola.+