Hezekiyele

45 “‘Mo le yahluganya naga gore go be lefa,+ di nyaka le neye Jehova sekopa sa naga, sekopa sone se nyoko ba se hlawolegiye.+ Sekopa sone di nyaka se be 25 000 ya dikhyubhiti* ka go lefa, fote se be 10 000 ya dikhyubhiti ka go psyaralala.+ Poleke yone ka mokana ga yona go nyoko ba sekopa sa gore se hlawolegiye. 2 Ka ho teng ga sona go nyoko ba le poleke ya go hlawolega ya gore mahlaya ka mokana ga wona maa lekana, ka mokana ga wona go nyoko ba 500 ya dikhyubhiti,+ fote se nyoko ba le poleke ya go disela ga yona ka nthoko ye nngwana le ye nngwana ya gore ke 50 ya dikhyubhiti.+ 3 Ga poleke yo yi metiwweng di nyaka le mete 25 000 ya dikhyubhiti ka go lefa le 10 000 ya dikhyubhiti ka go psyaralala fote mo ga yona go nyoko ba le tempele, selo sa go hlawolega ka matla. 4 Go nyoko ba sekopa sa go hlawolega sa naga sa gore ke sa maprista+ ya gore ma bereka tempeleng, ya gore ma šutela ga Jehova gore ma mmerekele.+ Dintlo tsa gona le poleke ya go hlawolega ya tempele di nyoko ba gana hone.

5 “‘Go nyoko ba le sekopa sa gore ke 25 000 ya dikhyubhiti ka go lefa le 10 000 ya dikhyubhiti ka go psyaralala+ sa gore ke sa Malifi ya go bereka tempeleng, fote go nyoko ba go na le 20 ya dikamara tsa go jela ga tsona+ tsa gore ke tsa wona.

6 “‘Le neye mutši sekopa sa naga sa gore ke 25 000 ya dikhyubhiti ka go lefa (sa gore se lekana le sekopa sa go hlawolega) fote ke 5 000 ya dikhyubhiti ka go psyaralala.+ Go nyoko ba ya batho ka mokana ga bona ba ntlo ya Israyele.

7 “‘Fote ndhuna yi nyoko ba le naga ka ho le ka ho ga poleke ya go hlawolega le ga poleke ya gore mutši wo ga yona. Yi nyoko ba thina le ga poleke ya go hlawolega le ga poleke ya gore mutši wo ga yona. Yi nyoko ba nthoko ga poleke ya ka bodikela le ya ka bohlabela. Go tlugisela mo go kgerang gona ka bodikela go segela mo go kgerang gona ka bohlabela yi nyoko ba yi lefiye go lekana le sekopa sa leloko le lengwana.+ 8 Naga yowa go nyoko ba yage hala Israyele. Dindhuna tsage di ka sa sa maka batho baka lešidi,+ fote di nyoko neya batho ba ntlo ya Israyele naga yowa go ya ka maloko ya bona.’+

9 “Tsowa ke tso Jehova Morena wa ku Malenghelengheng a di hlayang: ‘Le šele le ya ka matla, lune dindhuna tsa Israyele!’

“‘Le sa sa maka bokgohlane fote le sa sa kgahleletsa batho, makaneng tsa go loka le tsa gore di gabutši.+ Lisetsaneng go tseya naga ya batho baka,’+ go hlaya Jehova Morena wa ku Malenghelengheng. 10 ‘Di nyaka le berekise dikala tsa go korola, ifa* ya go korola le metšumu ya botsopa ya go korola.+ 11 Di nyaka go be le sekala sa ifa le motšumu wa botsopa tsa gore a di tšhentšhi. Motšumu wa botsopa di nyaka go be 22 ya dilitha ke mokane sekala sa ifa go be 22 ya dilitha. Homere go nyoko ba yona ba metang ka yona mo ba kala. 12 Šekele*+ ka yyoši yi nyoko lekana le 20 ya dighera.* Fote mo le gahlanisa 20 ya dišekele le 25 ya dišekele le 15 ya dišekele di nyoko maka mane* ka yyoši.’

13 “‘Di nyaka le neyele ka mokgo: ga 160 ya dikhiloghremo tse dingwana le tse dingwana tsa korong le ntshe kararo ya dikhiloghremo ke mokane ga 130 ya dikhiloghremo tse dingwana le tse dingwana tsa dithoro tsa mabele* le ntshe dikhiloghremo ka dipedi. 14 Makgura di nyaka le ma kala ka motšumu wa botsopa. Motšumu ke 22 ya dilitha ke mokane lesome la metšumu ke 220 ya dilitha, ka taba la gore lesome la metšumu yi lekana le homere. 15 Fote ka morape wa diphoolwane tsa Israyele, ga 200 ya dinku di nyaka le ntshe ka yyoši le neyele ka yona. Tsowa go nyoko ba tsa sehlabelo sa mabele,+ sehlabelo sa go tšhubiwa+ le sehlabelo sa go hlekediwa+ gore batho ba yedisiwe,’+ go hlaya Jehova Morena wa ku Malenghelengheng.

16 “‘Batho ka mokana ga bona ba mone nageng ba nyoko yisa moneyelo wowa+ ga ndhuna ku Israyele. 17 Mara mo go na le menyanya,+ monyanya wa ngwedi wa nyuwane, disabatha+ le menyanya ka mokana ga yona ya ntlo ya Israyele ya gore yi ba gona ka nako ya gona,+ dihlabelo tsa go tšhubiwa,+ sehlabelo sa mabele+ le sehlabelo sa go nwiwa, di nyoko tšwa ga ndhuna. Sehlabelo sa mo motho a sinnye, sehlabelo sa mabele, sehlabelo sa go tšhubiwa le dihlabelo tsa go hlekediwa di nyoko tšwa gage, gore go yedisiwe batho ba ntlo ya Israyele.’

18 “Tsowa ke tso Jehova Morena wa ku Malenghelengheng a di hlayang: ‘Ka kgwedi ya mathomo, ka letšatši la mathomo la kgwedi yone, di nyaka le tseye senamane sa phoolo sa gore se philegiye hala morapeng ke mokane le yedise poleke ya go hlawolega ga tso tsa go sinya.+ 19 Moprista o nyoko tseya madi ya mangwana ya sehlabelo sa mo motho a sinnye ke mokane a ma tlotsa sekwalong sa tempele,+ a ma tlotse ga kanne ya dikhona tsa mokgero wa go dukulugela aletare le sekwalong sa gheyiti ya lapeng la ka teng. 20 Tsowa ke tso le nyoko di makang ka letšatši la kašupa la kgwedi yone ka taba la ye mongwana le ye mongwana wa gore o sinya a sa tikemisela kela ka taba la go tseyela dilo fase;+ fote di nyaka le yedise tempele.+

21 “‘Ka kgwedi ya mathomo, ka letšatši la bo 14 la kgwedi yone, le nyoko ba le monyanya wa Paseka.+ Di nyaka go fele kašupa ya matšatši go jiwa sekgwa sa go se na dikomelo.+ 22 Ka letšatši lone, ndhuna yi nyoko yisela yona beng le batho ka mokana ga bona ba mo nageng senamane sa phoolo gore go be sehlabelo sa mo motho a sinnye.+ 23 Yi nyoko fetsa kašupa ya matšatši ya mo go na le monyanya yi yisela Jehova sehlabelo sa go tšhubiwa, yi nyoko yisa kašupa ya dinamane tsa phoolo tsa gore di philegiye le kašupa ya dinku tsa phoolo tsa gore di philegiye letšatši le lengwana le le lengwana,+ ya boya ya yisa sephongho letšatši le lengwana le le lengwana gore go be sehlabelo sa mo motho a sinnye. 24 Di nyaka a yise ifa ya gore yi sepela le senamane se sengwana le se sengwana sa phoolo le ifa ya gore yi sepela le nku ye nngwana le ye ngwana ya phoolo gore go be sehlabelo sa mabele, fote ifa ye nngwana le ye nngwana yi sepele le hini* ya makgura.

25 “‘Ka kgwedi ya kašupa, ka letšatši la bo 15 la kgwedi yone, matšatši kašupa ya wona ya mo go na le monyanya,+ di nyaka a yise sehlabelo sa go tshwana, sehlabelo sa mo motho a sinnye, sehlabelo sa go tšhubiwa, sehlabelo sa mabele le makgura.’”