Genesi

32 Jakobo a sepela ke mokane mangeloyi ya Modimo ma ya ma ye gahlana naye. 2 Mo Jakobo a ma bona a re: “Yowa ke kampa ya Modimo!” Byalo a reya poleke yone gore ke Mahanayime.*

3 Ke mokane Jakobo a romela batho gore ba mo yete mahlong ba ye ga bhuti wage Esewu nageng ya Seyiri+ ya gore fote ba re ke Edomo,+ 4 a re ga bona: “Le segele le botse morenaka Esewu gore, ‘Lelata lago Jakobo le re: “Ke duli le Labane nako ya go lefa.+ 5 Fote ke na le dikgomu tsa phoolo, dibhongholo, dinku le malata ya banna le ya basadi,+ ke romela wene morenaka molayetsa wowa gore o ko thogo n’yamogela.”’”

6 Mo nako yi kene yi ya, batho bala a ba rommeng ba boya ga Jakobo ba re: “Re gahlanne le bhuti wago Esewu, o kene wa tla o tl’le gahlana nago fote o tla le 400 ya banna.”+ 7 Jakobo a thomisa go tšhoga ka matla, a šekela.+ Byalo, a yahluganya batho bo ne a le nabo, a yahluganya le merape, dikgomu le dikamela a maka gore go be megoba ka mmedi. 8 Ke mo a re: “Mo Esewu a ka hlasela mogoba ka wwoši, wo wo mongwana wo ko thogo tšhaba.”

9 Ka nthago Jakobo a re: “Wene Modimo wa papaka Abhrahama le Modimo wa papaka Isaka, wene Jehova wa gore o yitseri gaka, ‘Boyela ga naga ya genu le ga mašaga yago, ke nyoko go makela tsa gabutši,’+ 10 o nkwele go baba ka matla fote o makiye dilo ka moka tso o di hlayyeng le mo di sa ntshwanele,+ ka gore mo ke tshila nooka yowa ya Jorodane ne ke fo ba le thoka yaka mara gana byalo ke na le dikampa ka dipedi.+ 11 Ke ya go rapela gore o mphonise+ ga bhuti waka Esewu, ke ya tšhaba gore a ka tla a nhlasela,+ a hlasela le bommane bowa le bana ba bona. 12 Fote o yitseri: ‘Ke nyoko go makela tsa gabutši fote ke nyoko maka gore ditlogolwane* tsago di tlale go tshwana le santa ya lewatle ya gore o ka sa kgone go yi balela.’”+

13 A yetsela gana hone. Ke mokane a tseya dilo tsage tse dingwana gore a thogo di neya bhuti wage Esewu:+ 14 Ke mo go le 200 ya dipudi tsa tshadi, 20 ya dipudi tsa phoolo, 200 ya dinku tsa tshadi, 20 ya dinku tsa phoolo, 15 30 ya dikamela tsa gore di ya yangwisa, 40 ya dikgomu tsa tshadi, lesome la dikgomu tsa phoolo, 20 ya dibhongholo tsa tshadi le lesome la dibhongholo tsa phoolo tsa gore di gudiye gabutši.+

16 A di tseya a di neya malata yage, ma šalana nthago ke mokane a re ga malata yage: “N’yeteneng mahlong, le šiye sekgala mo le kene le šalanne nthago.” 17 A botsa lelata la mathomo gore: “Mo bhuti waka Esewu a ka gahlana nago a go butsisa gore, ‘Ke wene lelata la mang, fote o ya kaye, a boya a re diphoolwane tso di leng mahlong gago ke tsa mang?’ 18 o mmotse gore, ‘Ke tsa lelata lago Jakobo. Ke tso a nyakang go di neya morenaka Esewu,+ fote o kene we tla ka ho nthago.’” 19 A botsa le lelata la mabedi le la kararo le bo ne ba ba šele nthago ka mokana ga bona gore: “Mo le gahlana le Esewu, le bolabole naye ka mokgonone. 20 Le mmotse le gore, ‘Lelata lago Jakobo le ka ho nthago ga rune.’” Ka gore Jakobo ke mo a tiputsiye gore: ‘Ke nyoko maka gore a kgibe ka go yetisa dilo tso ke nyoko mo neyang tsona mahlong,+ ka nthago mo ke mmona o ko thogo n’yamogela.’ 21 Byalo, malata ya ne ma na le dilo tso ne a nyoko di neya Esewu ma sepela, mara yene a šala hone kampeng.

22 Ka nthagonyana bošego byone, a tsoga a tseya basadi bage ka babedi,+ a tseya le malata yage ya basadi ka mabedi+ le barwayi bage 11 ya bona ke mokane ba tshila nooka ya Jabhoko.+ 23 Byalo, a ba tseya a ba tshidisa nooka, a tseya le dilo ka mokana ga tsona tso ne a le natso.

24 Mo ba šele ba šiyye Jakobo a le ntoši, monna ye mongwana a nyarela a lwa naye go segela bo sa.+ 25 Mo monna yene a di bona gore aa hlule, a tikisa lešapo la mo nokeng ya Jakobo; ke mokane noka ya Jakobo ya thinyega mo a kene a lwa naye.+ 26 Ka nthago ga hone, morenene a re: “Ntisetse ke sepele ka taba la gore bya sa.” Jakobo a re: “Nka sa go lisetsi o sepela go segela o nrufa.”+ 27 Morenene a mmutsisa a re: “Ke wene mang?” yene a re: “Ke nna Jakobo.” 28 Ke mokane a re gage: “Lebitso lago go ka sa sa ba Jakobo mara go nyoko ba Israyele,*+ ka taba la gore o kikirisanne le Modimo+ le batho fote wa fetsa o hludiye.” 29 Jakobo a re: “Ke kgopela o mpotse lebitso lago.” Mara yene a re: “Ke ntaba o mputsisa lebitso laka?”+ Ke mokane a mo rufa. 30 Jakobo a reya poleke yone gore ke Peniyele,*+ ka taba la gore ke mo a re, “Ke bonne Modimo mara a ke ya kgwa.”+

31 Letšatši le hlabiye mo a fetsa go feta Phenuwele,* mara ke mo a hlotsa ka taba la leseka lage.+ 32 Ka taba la tsotsone, barwayi ba Israyele go segela le lekgono lowa a ba ji tšhika ya phoolwane ya mo seropeng, ya gore yi mo go gahlanang noka le serope, ka taba la gore monna ye a lwileng le Jakobo o mo tikisiye ho nokeng ke mokane a thinyega.