Genesi
9 Modimo o yye mahlong a rufa Nnowa le barwayi bage ke mokane a ba botsa gore: “Beleganeng le tlale, le tlatse lefase.+ 2 Dilo ka mokana ga tsona tsa go phela mo lefaseng, dilo ka mokana ga tsona tsa gore di phurrwa ku magedimong, dilo ka mokana ga tsona tsa gore di sepela mo fase le dihlapi ka mokana ga tsona tsa lewatleng, di nyoko go tšhaba. Di lawola ke wene.+ 3 Phoolwane ye nngwana le ye nngwana ya gore ya phela go nyoko ba tsa go ja tsago.+ Ke go neya tsona ka moka go fo tshwana le mo ke go neyye dimilane.+ 4 Mara nama ya gore yi na le madi+ le sa yi ji,+ ka taba la gore madi ma yemela lephelo. 5 Fote ke nyoko patedisa mo go ka ba le ye a falatsang madi yago. Mo nkare ke phoolwane, phoolwane yone di nyaka yi kgwe; mo nkare ke motho, di nyaka a patele ka lephelo lage ka taba la gore ke bhuti wago.+ 6 Ye a bolayang motho, le yene o nyoko bolaya ke motho ye mongwana+ ka taba la gore Modimo o makiye motho gore a tshwane naye.+ 7 Lune beleganeng le tlale, le tlatse lefase.”+
8 Byalo Modimo a botsa Nnowa le barwayi bage gore: 9 Gana byalo, ke maka kwano nago+ le ditlogolwane tsago, 10 le selo se sengwana le se sengwana sa gore se ya phela sa gore se nago gana byalo, dinonyane, diphoolwane le dilo ka mokana ga tsona tsa gore dya phela, dilo ka mokana ga tsona tso di tšwileng ka arekeng—selo se sengwana le se sengwana sa gore se ya phela mo lefaseng.+ 11 Ke maka kwano nago gore: Nka sa sa tsoga ke bolayye dilo tsa go phela ka meetši ya mogogola, fote mogogola wo ka sa sa sinya lefase.”+
12 Modimo a tokegela ka gore: “Wowa ke mošupetso wa kwano yo ke yi makang nago le dilo ka mokana ga tsona tsa go phela tso o nang natso le ga leloko lo le sa nyoko tlang. 13 Ke beyye molalatladi marung, go nyoko ba mošupetso wa kwano yo ke yi makiyeng le lefase. 14 Molalatladi wo nyoko nyarela mo ke leya maru mo lefaseng. 15 Nka sa libale kwano yo ke yi makiyeng nago le mehlobo ka mokana ga yona ya dilo tsa go phela; fote meetši ma ka sa sa gogola selo se sengwana le se sengwana sa go phela ma fetsa ka sona.+ 16 Go nyoko nyarela molalatladi marung, ke nyoko wo bona ke mokane ka gopola kwano ya go ya go yye yo Modimo a yi makiyeng le mehlobo ka mokana ga yona ya dilo tsa go phela tsa ho lefaseng.”
17 Modimo a botsa Nnowa fote gore: “Wowa ke mošupetso wo ke wo makang le dilo ka mokana ga tsona tsa go phela tsa ho lefaseng.”+
18 Barwayi ba Nnowa bo ba tšwileng arekeng ke mo go le Šeme, Hama le Jafete.+ Ka nthago, Hama gwa ba papa wa Kanana.+ 19 Bowa kararo ya bona ke mo go le barwayi ba Nnowa fote batho ba lefaseng ka mokana ga lona ba tšwile ga bona ke mokane ba sabalala.+
20 Byalo, Nnowa a thomisa go lima ke mokane a gaša modhriva. 21 Mo a nwile wayini ya gona a tlayila ke mokane a tšula a le ka letenteng lage. 22 Hama papa wa Kanana o bonele papage, a ya a botsa bobhuti bage ka babedi ka ku tawong. 23 Byalo, Šeme le Jafete ba tseya kobo ba yi kgapega ho magetleng ya bona, ba kena ka sa nthago. Ke mokane ba yapesa papa wa bona ba kene ba lebelele ku thoko, a baa bonela papa wa bona.
24 Mo Nnowa a sa sa tlayila fote a di kwelela gore morwayi wage ye monyana o mo makiye ying, 25 o yitseri:
“Kanana a be le senyama.+
A be lebhantiti la go sa re selo ga bobhuti bage.”+
26 A tokegela ka gore:
“Go thanakiwe Jehova, Modimo wa Šeme,
Fote Kanana go be lebhantiti la Šeme.+
27 Nkare Modimo a ka neya Jafete naga ye kgolo,
Fote Jafete a dule matenteng ya Šeme.
Kanana go be lebhantiti lage.”
28 Nnowa o fetsiye 350 ya mengwaga a kene a phela ka nthago ga Mogogola.+ 29 Byalo, Nnowa o phidiye 950 ya mengwaga ke mokane a kgwa.